Open top menu
Tuesday, March 22, 2016
කොන්ඩයා වැස්සියක සමග සන්සර්ගයේ යෙදිම පොලිසියට ආතල් ද

මේ දවස් වල බුකියේ ජනප්‍රියතම පෝස්ටුවක් බවට පත්ව ඇත්තේ කොටදෙනියාවේ සේයා සදෙවිමි දැරිය සම්බන්ද සිද්දියට අදාලව කිසිදු සාදාරන පරික්සනයක්  නොකර අපරාද පරික්සන දෙපාර්තමේනතුව විසින් අත් අඩංගුවට ගෙන අමානුසික ආකාරයෙන් පහර දි අයිතිවාසිකම් නැතිකර දැමු දුනේස් ප්‍රියසාන්ත හෙවත් මාද්දියකාරයන් විසින් කොන්ඩයා යැයි අනර්තනාමයෙන් හදුන්වනු ලැබු පුද්ගලයා විසින් සිදුකලා යැයි කියනු ලබන සත්ව හිංසාවක් ගැනය. මේ සම්බන්දයෙන් සොයා බලන්නට නියෝජ්ය පොලිපතිවරයෙකු සහ ජේස්ට පොලිස් අදිකාරිවරයෙකු ඇතුලු විසාල පොලිස් කන්ඩායමක් යොදවා ඇති බවට දැන ගන්නට ලැබේ. මේ පුවත දිවයින සහ ලංකාදිප පත්තර වල ලිඩි නිවිස් එක බවට පත් වන්නේ කොහොමද

මේ පත්තරකාරයන් කියන විදිහට සිදුවිම මෙසේය. එක්තරා නාවික හමුදා විශ්‍රාමික නිලදාරියෙකුගේ වත්තේ බැද සිටි එලදෙනක් රාත්‍රියේ කැ ගසා ඇති අතර එම ස්තානයේ සිටි කොන්ඩයා නිරුවතින් දුවනවා තමන් දුටු බවත් සමහර විට කොන්ඩයා මෙම වැස්සිය දුසනය කරන්නට ඇති බවත් මේ පුද්ගලයා පොලිසිට පැමිනිලි කරනවා. දැන් ඒ ගැන නියෝජ්ය පොලිපතිවරයෙකු සහ ජේස්ට පොලිස් අදිකාරිවරයෙකු ඇතුලු විසාල පොලිස් කන්ඩායමක් යොදවා තිබෙනවා. ඒ ඇයි කුමක් සදහා ද ඒ අනුව දැන් පොලිසිය විසින් එලදෙනගෙන් ප්‍රකාස සටහන් කරගෙන එලදෙන වෛද්ය පරික්සනයකට බදුන් කර කොන්ඩයා විසින් ඇය දුසනය කලාද යන්න සාක්සි සහිතව යොසා ගැනිමට නියමිතය. මේ සියල්ල අවසන් වනතුරු කොන්ඩයා රක්සිත බන්දනාගාර ගත කරන්න යැයි පොලසිලිය ඉල්ලා සිටින්න පුලුවන.

පසුගිය දා මෙම සේයා සදෙවි ගේ මරනයට අදාලව අනිතිකව අත් අඩංගුවට ගත් පාසල් සිසුවා ද මත්කුඩු චෝදනාවක් නගමින් අත් අඩංගුවට ගත්තා. දැන් කොන්ඩයාත් අත් අඩංගුවට ගන්නට මාන බලනවා. එම සිදුවිමේ දි ලංකා ඉතිහාසයේ විකාරසහගත ලෙස පොලිස් දෙපාර්තමේන්තුව හාස්සියට ලක් වුනා. වැරදි පුද්ගලයන් අත් අඩංගුවට ගැනිම ඒ අයට අමානුසික ආකාරයෙන් පහරදිම ඇතුලු විසාල චෝදනා රැසක් පොලිසියට එරෙහිව ඉදිරිපත් වුනා. පොලිස් මාද්දිය ප්‍රකාසක රුවන් ගුනසේකර අන්දරේ වර්ගයේ විහිලුකාරයෙක් බවට පත්වුනා. මේ සියල්ල අතර පොලිස් මාද්දිය ප්‍රකාසක විසින් සිය බිරිද සමග එක්ව බිරිද ගේ මාමාට අයත් රුපියල් මිලියන 50 කට අදික දේපල තමන්ගේ නමට ලියාගෙන ඇති බවට අදාල පාර්සවයන් චෝදනා කලා. අමතරව අපරාද පරාක්සන දෙපාර්තමේන්තුව විසින් මොවුන් විසින් හොර ඔප්පු සදා ඇති බවට ලිතිතව දැනුම් දි ඇති බවටත් මේ අය චෝදනා කරනවා.

කොටදෙනියාවේ සිදුවිමේ දි අම්බානක නා ගත් පොලිසිය දැන් තමන් අතින් සිදුවු තුච්ච වැරදි වසා ගන්නට මෙම සිදුවිමට පාදක වුන පුද්ගලයන් සම්බන්දයෙන් විවිද චෝදනා නගමින් පලිගැනිම ආරම්බ කර තිබෙනවා. ලංකාවේ පොලිසිය වැඩ කරන්නේ ගමේ චන්ඩියෙකු ආකාරයෙනි. ඇත්තටම දුනේස් ප්‍රියසාන්ත මෙවැනි වරදක් කර ඇත්නම් කල යුත්තේ ලංකා දන්ඩ නිති සංග්‍රහය පනත යටතේ නඩු පැවරිමයි. එය සත්ව හිංසාව හෝ අස්වාබාවික ක්‍රියා යටතට වැටෙන්නක් වෙනවා. නමුත් පැහැදිලිවම එවන් සිදුවිමක් සිදුවන අවස්තාවේ දිම පොලිස් නිලදාරියෙකු එය දැක අත් අඩංගුවට ගත යුතු වෙනවා. මේ ආකාරයට පැසන්සන් ගිය නාවික හමුදා නාලදාරියෙකු කියන මෙහෙම වෙන්න පුලුවන් මට සැක හිතෙනවා වගේ කරන පැමිනිල්ලක් නිසා විත්තිපාර්සවයට විසාල අගතියක් සිදුවනවා . එය කොන්ඩයාට විතරක් නෙමේ මිනි මරුවෙක් සමම්බන්දයෙන් වුනත් වැරදි වැඩක්.

ඇබිලිපිටියේ සුමිත් ප්‍රසන්නව මරා දැමිමට පොලිසියේ විස්සකට වඩා වැඩි පිරිසක් සම්බන්ද බව බිරිද පැහැදිලිවම පවසා ඇති විටත් එම පාරික්සන තවමත් යන්නේ ඉබි ගමනේ. අත් අඩංගුවට ගත් සහකාර පොලිස් අදිකාරිවරයා බේරා ගැනිම තමයි පොලිසියේ රාජකාරිය වෙලා තියෙන්නේ. හැබැයි කොන්ඩයාගේ පස්සෙන් පොලිසියම පන්නනවා. තමන්ට වුන ලැජ්ජාව වසා ගන්නට මේ ආකාරයෙන් ලාබ ක්‍රමයට පලි ගන්නා පොලිසියක් ඉන්න රටක ජනතාවට දෙවියන්ගේම පිහිටයි. හැබැයි මේ වෙලාවේ කොන්ඩයා වැස්සිය සමග ලිංගික සංසර්ගයේ යෙදුනා යැයි පවසමින් විනෝද වන අය මතක තබාගත යුතු වැදගත්ම කරුනක් තමයි අද කොන්ඩයාට එල්ල කරන චෝදනාව හෙට තමන්ට එල්ල කරන්නට පොලිසිය තමන්ගේ දොරට හෙට තට්ටු කරන්නට නියමිත බව. සමාජ ප්‍රස්න හමුවේ චන්ඩින් වගේ හැසිරෙන ගමේ චන්ඩියෙක් වගේ කතා කරන පොලිස් මාද්දිය ප්‍රකාසකවරයෙක් ඉන්න රටක ජනතාවගේ මානව හිමිකම් කියන්නේ පොතක තියෙන දෙයක් විතරයි.
Read more
‛නෙළුම් පොකුණට වඩා ආනන්ද කුමාරස්වාමි හුඟක් ලොකුයි’ – වික්ටර් අයිවන්

ආනන්ද කුමාරස්වාමි එක පැත්තකින් කලාකරුවෙක්, දාර්ශනිකයෙක්, ඒ වගේම ඉතාම හොඳ සමාජ විද්‍යාඥයෙක් විදිහට හඳුන්වන්න පුළුවන්. ඔහු අතින් සිදුවුණු විශේෂම සිදුවීම වෙන්නෙ, ශ්‍රී ලංකාවේ මධ්‍යකාලීන යුගයට අයත් සිංහල කලා සම්ප්‍රදායන් පිළිබඳ සිදුවුණු දැවැන්ත අධ්‍යයනය. මෙහි විශේෂත්වය තමයි දෙමළ උගතෙක් විසින් සිංහල කලාව පිළිබඳව දැවැන්ත ගවේෂණයක් සිදුකිරීම. එහිදී ඔහු සිංහල කලාව පිළිබඳව, ගෘහ නිර්මාණ ශිල්පය, පිත්තල, මැටි වළං සම්ප්‍රදාය පිළිබඳව සාකච්ඡා කිරීමට අමතරව ඒ කාලේ සිංහල සමාජයේ විවිධ වූ ස්වභාවයන් පිළිබඳව, ඒ අයගේ ජනවර්ග මිශ්‍ර ස්වභාවය, ඒ අයගේ ඉතිහාසය තුළ පැවති කුල භේදය පිළිබඳව තියුණු ගවේෂණයක යෙදුනා. සිංහල ජාතිකයින්ට විශේෂිත වූ සංස්කෘතික අනන්‍යතාවයක් තියෙනවා, ඒ වගේම කලාවක් සාහිත්‍යයක් තිබුණා, ඒ ගැන ආඩම්බර වෙන්න පුළුවන් හැඟීම බලවත් ලෙස ලබා දුන්න ප්‍රාඥයෙක් විදිහට ආනන්ද කුමාරස්වාමිව හඳුන්වන් පුළුවන්. කුමාරස්වාමිගෙ පර්යේෂණ කටයුතු ලංකාවට පමණක් සීමා වුණේ නැහැ. දකුණු ආසියාවටම විහිදුණු ආකාරයට ඔහු පර්යේෂණ කටයුතු සිදු කළා. ඔහු ඉන්දියාවෙත් විවිධ අංශ පිළිබඳව විශාල ප්‍රමාණයක් දේවල් ලියලා තියෙනවා.

කුමාරස්වාමි ලංකාවෙ ඉන්න කාලයේ, ලංකාවේ තිබුණු දියුණුම එකතුවක් ලෙස සැලකිය හැකි, ලංකාවේ ඇතිවෙන්න ඕනෙ ප්‍රතිසංස්කරණ මොනවාද යන කතිකාව සඳහා ගොඩනගාගෙන තිබුණු, ‛සිලෝන් රිෆෝමිස්ට් ලීග්’ නැමැති ආයතනයේ කැපී පෙනෙන පුද්ගලයෙක් ලෙස කටයුතු කළා. කුමාරස්වාමි එක්ක සසඳන්න පුළුවන් අන්තරජාතිකව එයාගෙ මට්ටමෙන් පිළිගැනීමකට ලක්වුණු උගතෙක්ව තාම අපිට ගොඩනගන්න පුළුවන් වෙලා නැහැ.

කුමාරස්වාමිගෙ මරණයෙන් බොහෝ කාලයකට පසු, 70 දශකයේ අවසානයේ දී කුමාරස්වාමිගෙ අත්පිටපත්, දින පොත්, පල නොකල ඇතැම් ලිපි ලේඛන ඇතුළත් පුස්තකාලය මිලදී ගන්න ලංකාවට අවස්ථාවක් ලැබුණා. නමුත් ඉතාමත්ම කණගාටුදායක තත්ත්වය තමයි ලංකාව ඒ එකතුව මිල දී ගත්තෙ නැහැ. ඒකට ඉල්ලපු මිල හුඟක් ලොකු නැහැ. ඒක ලක්ෂ 25 ක් පමණ මුදලක් වුණා. නමුත් ලංකා ආණ්ඩුව ඒක ගත්තෙ නැහැ. අවසානයේ දී ඒක මැලේසියාව විසින් මිල දී ගත්තා.
මම පුද්ගලිකව හිතන දේ තමයි නෙළුම් පොකුණට වඩා ආනන්ද කුමාරස්වාමි හුඟක් ලොකුයි කියන එක. නෙළුම් පොකුණ, ආනන්ද කුමාරස්වාමිට වඩා ගොඩක් පුංචියි. ආන්නද කුමාරස්වාමිව අභිබවා අළුත් දෙයකට තැන ලැබිය යුතුයි කියලා මම හිතන්නෙ නැහැ. විශේෂයෙන්ම මේ වගේ කාලයක ඒක වඩාත්ම වැදගත්. අපිට ගෞරවයෙන් සමරන්න ඉන්න දෙමළ විද්වතුන් කිහිපදෙනා දිහා වඩා සංවේදීව බැලිය යුතුයි කියන එක තමයි මම හිතන්නෙ. ජාතීන් ගොඩනගන්න හීන දකින්න, නැවත මේ අය එකතු කරන්න හීන දකින සමාජයක් විදිහට මේ විදිහට ආනන්ද කුමාරස්වාමි මාවත, නෙළුම් පොකුණ කියලා වෙනස් කරපු එක ඉතාමත් අවුල් ඇති කරන ප්‍රශ්නයක් කියන එක තමයි මගේ අදහස. ඒක නොවිය යුතුව තිබුණා.

වික්ටර් අයිවන්
ප්‍රධාන කර්තෘ – රාවය පුවත්පත

Read more
Sunday, March 20, 2016
මහපාරේ කැමරා කාචයෙන් පෙනෙන ස්වර්ණවාහිනි හෙලුවැල්ල

මේ දින කිහිපය තුල බුකියේ ජනප්‍රියතම විඩියෝව බවට පත්ව ඇත්තේ ස්වර්නවාහිනිය ලයිව් ඇටි 8 යි මගින් විකාසනය කල මාර්ග නිති කඩ කිරිම සම්බන්ද විඩියෝවයි. මෝටර් රථයක් මාර්ගයේ යම් මාර්ග නීතියක් කඩකිරීම නිසා මාර්ග රාජකාරියේ නියුතු පොලිස් නිලධාරියෙක් විසින් එම මෝටර් රථය නවතා අදාළ රියදුරු අසළට ගොස් වැරැද්ද පෙන්වා දී රියදුරු බලපත්‍රය ඉල්ලත්දී කොහොදේ සිට පැමිණෙන ස්වර්ණවාහිනී සොකඩ කැමරා කරුවෙක් එය වීඩියෝ ගත කරන සහ අදාළ රියදුරුගේ දැඩි දෝෂ දර්ශනයට ලක්වන වීඩියෝවක් ස්වර්ණවාහිනිය විසින්ම මුදාහැර ''වැරැද්ද කළා මදිවට සද්දෙත් දානවා'' යන්න හුවා දක්වමින් සිය පාදඩ මාධ්‍ය භාවිතාව පෙන්වන වීඩියෝවක් දුටුවෙමි. ඉන් අනතුරුව මේ සම්බන්දයෙන් බුකියේ දැඩි ප්‍රහාරාත්මක ප්‍රතිචාර ලැබිමත් සමගම එම ආයතනය විසින් අදාල විඩියෝව ඉවත් කරන්නට කටයුතු කර ඇත. දැන් එහෙම නම් සියල්ල අවසන්ය.

දැන් ගැටලුව ඇත්තේ මුලින්ම තමන් පොරවල් බව පෙන්වන්නට ට්‍රයි කරමින් විඩියෝ නිකුත් කර පසුව එය ජනතාවගේ පිලිකුලට බදුන් විම නිසා ගලවා දැමිම යනුම ලංකාවේ ජන මාද්දිය වැටි ඇති නින්දිත තත්ත්වය ප්‍රකාසමාන කරවන්නකි. ඉස්සර කාලේ ප්‍රවාත්තියක් යනු බල්ලෙක් මිනිසෙක් සාපා කැම නොව මිනිසෙක් බල්ලෙක් සපා කැම යනුවෙන් හදුන්වන ලදි. නමුත් දැන් කාලේ අප එදිනදා වැසිකිලියේ කරන දේ වලට පවා කැමරා සවිකර ඒවා ටි.වි එකේ පෙන්විම ගවේසනාත්මක ජන මාද්දිය යැයි මෝඩ කොලු ගැටවුන් සිතයි. විසේසයෙන්ම මෙම අදිපතිවාදි ජන මාද්දිය ආයතන විසින් ඉතා අඩු මුදලට ගමේ ගොඩේ කොලු කුරුට්ටන් කොලබට ගෙන්වා මේ හාදයන්ගේ ශ්‍රමය සුරා කනු ලබන අතර මේ අයට තමන් මිඩියා යැයි අනිත් අය ඉදිරියේ පවසන්නට හැකියාව අල්ලසක් ලෙස ලබාදෙයි. මේ නිසා මේ මාද්දියවේදින් යැයි කියා ගන්නා කොලු කුරුට්ටන් ලොකු කාර් ඇති අයට වෛර කරන තමන්ගේ තත්ත්වය ඉහත නංවා ගන්නට මාන බලන දියුනු වෙන්නට ආසා කරන පුද්ගලයන්ය.

මේ අයට විසාල ඉගෝ එකක් ඇති අතර මුලු ජිවිත කාලයම මේ අය මහන්සි වෙන්නේ මේ ඉගෝ එක වැඩි දියුනු කර ගැනිමටය. මේ අකාරයෙන් නුවර සිටි පොඩි කොල්ලක් කොලබට ගෙන්වා ඔහු ස්වර්නවාහිනියේ මහ පුටුවටම ගමන් කරන්නට අවස්තාවක් ලබා දුන් අතර සෝම එදිරිසිංහ මියිගිය වහාම මේ තරුනයාට රට හැර යන්නට සිදු වන්නේ අහම්බයකින්ද ස්වර්නවාහිනය මේ ආකාරයෙන් රටට පෙන්වන මහා සදාචාරය එම ආයතනය තුල ඇති අකාරය ගැන දැන ගන්නට යමෙකු ආසා කරනවා නම් ඒ අය වහාම මෙම ආයතයේ සේවය කර ඉන් ඉවත් වු අයගෙන් ඒ ගැන විමසන්න. අනිත් අතට මාර්ග නිති කඩ කිරිම වැනි දිලික්තමය වරදක් මහා අපරාදයක් සේ හුවා දක්වමින් එය රටටම පෙන්විම මගින් තමන් පොරවල් යැයි පෙන්වන්නට දගලන මේ අයම ඇබිලිපිටිය සුමිත් ප්‍රසන්න මරා දැමිමට අදාල පොලිස් නිලදාරින් තවමත් නිදැල්ලේ සිටිම ගැන තමන්ගේ පැපරාසි කැමරා යොදා නොගන්නේ ඇයි.

අහිංසක මිනිසුන්ට චන්ඩි පාට් දමන මෙම තුච්ච මාද්දිය ආයතන දෙමටගොඩ චමින්දලා සිද්දිලක්ලා වෙලේ සුදාලා විතරක් නෙමෙයි මේ රටේ කුඩු ජාවාරමට සම්බන්ද දේසපාලන චරිත වල රහස් ජිවිතය පටිගත කර නොපෙන්වන්නේ ඇයි මර්වින් සිල්වලා බලය ඇති කාලය පුරා තම ආයතනයට ගෙන්වා පොරවල් කල මේ අය මර්වින්ලා කුඩු බිස්නස් සමග සම්බන්ද බව දන්නේ නැද්ද ගාල්තැන්න දේවාලයේ හොර කපුවා පට්ටපල් බොරු කියමින් මිනිසුන් රවටමින් ස්ත්‍රින්ට අතවර කරමින් කරගෙන යන මහා ජාවාරම ආරක්සා කරන්නේ සෝමා එදිරිසිංහගේ අන්ත තක්කඩි ජන සරන නම් නරුමවාදි වැඩ සටහන මගිනි. මේ ආකාරයෙන් දැනුවත්වම සමාජ විරෝදි ක්‍රියාකාරිකයන්ට සහ තක්කඩි දේසපාලකයන්ට හෙලුවෙන්ම කඩේ යන එදිරිසිංහලා මහ පාරේ කැමරා අටවාගෙන රටට පෙන්වන්නට දගලන අමුතු ඇත්ත මොකක්ද දනවාදය තුල විකිනිම හා විකිනිමට ආදාර අනුබල දිමේ ඇත්ත ඇතුලේ රටේ මෝඩ ජනතාව රවටන්නට මේ වගේ ගොන් පාට් පාරවල් වල රගපාන එදිරිසිංහලාම ඇමති පුත්තු කරන හොර ජාවාරම් වල හවුල් කරුවන්ය. ඇමතිලාගේ විවිද උත්සව වලට ගොස් නිකම් බ්ලැක් ලේබල් බොන්නට පෙරේත මේ මාද්දිය කොලු ගැටවු තමන්ගේ නාලිකාවෙන් ඇමතිලාට වැඩි වෙලාවක් වෙන් කිරිමට නැති පුවත් ඇති දේ බවට පත් කරති. වන්දි බට්ට නිවට මාද්දියවෙදින් යැයි සිතා සිටින අදබාලයන්ට අපි නැවත ඇමරිකාවේ වොටර් ගේට් සිදුවිම වැනි ඓතිහාසික සිදුවිම් ගැන කල්පනා කරන්න යැයි කියන්නෙමු.

අවසන් ලෙස අපට කිමට ඇත්තේ මහ පාරේ රතවාහන නිසා සිදුවන දිලිතමය වැරදි ලංකාවේ නිතිය අනුව අපරාදමය වැරදි වන්නේ නැත. එම වැරදි අප සලකනු ලබන්නේ දිලික්තමය වැරදි ලෙසය. ලංකාවේ සාමාන්ිය නිතිය අනුව මිනි මැරමක් අපරාදමය වරදක් වන අතර එයට දඩුවම මරනිය දන්ඩනයයි. නමුත් මහ පාරේ සිදුවන හදිසි අනතුරු නිසා සිදුවන මරන අප මිනි මැරුම් ලෙස සලකන්නේ නැත. යාන්ගල්මෝදර දුම්රිය බස් ගැටුම වැනි සුවිසේසි අවස්තාවක හැර අනිත් සියලු අවස්තාවක එවැනි මරන මිනි මැරුම් වන්නේ නැත. ඒවා දිලික්තමය වැරදි ලෙස සලකා අගතියට පත් පාර්සවයට වන්දි ලබාදිම කරනු ලබයි. ඒ අනුව ගත් කල මේ ස්වර්නවාහිනියෙන් පෙන්වු සිදුවිම යනු අතිසයින්ම සාමාන්නිය සිදුවිමකි. තින් අතට දිවෙන මාර්ග වැනි දේ රටේ මාර්ග නිති දෛනිකව සිදු කරන වෙන්ස්විමක ප්‍රතිපලකයකි. එවැනි වරදක් කල විට තැපැල් ස්තානයට දඩය ගෙවන්නට පුලුවන. දඩය නොගෙවන්නේ නම් පමනක් එය අදිකරනයට ඉදිරිපත් කරනු ලබයි. අදිකරනයෙන් සිදු කරන්නේත් දඩ මුදලක් අය කිරිම පමනි. එවන් ඉතා කුඩා වරදක් කල අයෙකු මිනි මරුවෙකු ලෙස සලකා විඩියෝ කර පෙන්වන්නට තරම් තම ආයතනය බංකොලොත් විම ගැන ස්වර්නවාහිනය ලැජ්ජාවට පත්විය යුතුය.

කුඩු මුදලාලිලා රේස් බුකි කාරයන් පාදඩ දේසපාලුවන් ආරක්සා කරන ජිවක එදිරිසිංහලා කරන බිස්නස් මොනවාද යන්න සොයා ගැනිම අපහසු නැත. තක්කඩි වැඩ කර ජනප්‍රිය වන්නට දගලන මාද්දිය මල්ලිලාට අපි කියන්නේ ගමේ කුබුරක් කෙටුවා නම් මිට වඩා හොද බවය. නොදන්නා මාද්දිය කෙරුවාවකට ගොස් රටම ඉදිරියේ විහිලුකාරයන් විි එදිරිසිංහලාට මුදල් හම්බකර දුන්නාට අපට කමක් නැත නමුත් අප පවසන්නේ රටේ පිලිගත් පොදු මුලදර්ම සහ සදාචාරය හා මාද්දිය ආචාර දර්ම ආරක්සා කරන්නට මාද්දිය වේදින්නට යුතුකමක් ඇති බවය. එදා රිචඩ් ද සොයිසලා ප්‍රේමකිර්ති ද අල්විස්ලා රෝහන කුමාරලා තම ජිවිතය පරිතාග කලේ තමන් ඇදහු මාද්දිය බාවිතාවක් වෙනුවෙනි. ඒ නිසා නොදන්නා දේ දන්නා අයගෙන් අසාගෙන තවදුරටත් අපි මිඩියා යැයි බොරු චන්ඩි පාට් දාන්නට එපා යැයි අපි මේ කොලු කුරුට්ටන්නට අවවාදයක් කරන්නට කැමැත්තෙමු.
Read more
Friday, March 18, 2016
පටි තද කරගෙන තිත්ත බෙහෙත් බීම

නිසි ආර්ථික කළමනාකරණයක්‌ නැත්නම් රට විශාල ආර්ථික අර්බුදයකට මුහුණ දෙන බව මුදල් රාජ්‍ය ඇමැතිවරයා පසුගියදා (16 දා) පවසා තිබිණි. මේ කියන්නේ ආණ්‌ඩුවේම ඇමැතිවරයකු වන නිසා ඒ පිළිබඳව තරමක්‌ නොව බොහෝ සෙයින් සිතා බැලිය යුතුය.

ආණ්‌ඩුව 2016 අයවැය ඉදිරිපත් කරන ලද්දේ 2015 නොවැම්බර් 05 වැනිදා අගමැති රනිල් වික්‍රමසිංහ පාර්ලිමේන්තුවට ඉදිරිපත් කරන ලද ආණ්‌ඩුවේ මධ්‍යකාලීන ප්‍රතිපත්ති යෝජනාවලිය පදනම් කරගනිමිනි.

ඒ අනුව රැකියා අවස්‌ථා දසලක්‍ෂයක්‌ බිහි කිරීම, ආදායම් ඉහළ නැංවීම, ග්‍රාමීය ආර්ථික සංවර්ධනය, ජනතාවටත් මධ්‍යම පාන්තිකයන්ටත්, රජයේ සේවකයන්ටත් දේපළ අයිතිය ලබාදීම, ශක්‌තිමත් හා පුළුල් මධ්‍යම පන්තියක්‌ බිහි කිරීම වැනි කාරණා විශේෂිත විය.

මේ කියන කාරණාවලට අදාළව ඉදිරිපත් කරන ලද අයවැය කිහිපවරක්‌ම සංශෝධනය කරන්නටද යෙදිණි. ඊළඟට ඉතාම ආසන්න සති කිහිපයකට උඩදී රට ණය උගුලක හිරවී ඇතැයි අලුතින් බදු පැනවීමට හා කපා දැමූ බදු නැවත ක්‍රියාත්මක කරමින් බදු ඉහළ දැමීමට සිදුවන බව අගමැතිවරයා පාර්ලිමේන්තුවේදී ප්‍රකාශ කළේය. මේ සමාප්aත ක්‍රියාවලිය දෙස බලන විට මුදල් රාජ්‍ය ඇමැතිවරයා කියන කතාව ඇත්තක්‌ බව අපට පෙනේ. එහිදී මුදල් රාජ්‍ය ඇමැතිවරයා තවත් වැදගත් අදහසක්‌ ද ඉස්‌මතු කරයි. ඒ, තරගයට දේශපාලන පොරොන්දු දීමේ විපාකවලට මුහුණ දීමට දැන් සිදුව තිබෙන බවය. මේ පොරොන්දු අතර ජනතාවට ලබාදෙන සහන ද බොහෝ සෙයින් තිබුණු බව කිව යුතුය. එහෙත් මුදල් ඇමැති රවී කරුණානායක මේ ගැන කියන්නේ වෙනස්‌ම කතාවකි. ඇමැතිවරයා කියන පරිදි රජයකට හැමදාමත් සහනාධාර ලබාදීමේ හැකියාවක්‌ නැත. එමෙන්ම ඔහු වැඩිදුරටත් කියන්නේ වත්මන් රජය බලාපොරොත්තු වන්නේ රටේ ආදායම වැඩි කිරීම බවය. එහෙත් ඇත්ත වශයෙන්ම මේ ආණ්‌ඩුව පත් කරගත් දා සිටම ජනතාව සහන ඉල්ලුවේ නැත. එහෙත් ආණ්‌ඩුව තිබෙන සහන ද කපා දමන්නට ක්‍රියා කිරීම සාධාරණ නැත. පොහොර සහනාධාරය සම්බන්ධයෙන් දැන් මතුව ඇත්තේ එවැනි තත්ත්වයකි. වී සඳහා සහතික මිලක්‌ නැත. තවමත් වී අස්‌වැන්න කුණු කොල්ලයට හාල් මෝල්කරුවන් කිහිපදෙනෙක්‌ බෙදා ගනිති. ජනතාව ඉල්ලුවේ මෙවැනි කාරණා විධිමත් ලෙස සැලසුම් කර දෙන ලෙසය. එහෙත් ඇත්තටම සිදුව ඇත්තේ වෙනස්‌ දෙයකි. අගමැතිවරයා නව බදු සංශෝධන පාර්ලිමේන්තුවට ඉදිරිපත් කරමින් කීවේ අත්‍යවශ්‍ය භාණ්‌ඩවල මිල ඉහළ නොදමනා බවය. එහෙත් බදු සමඟ භාණ්‌ඩවල මිල ඉහළ යැම කිසිසේත්ම නතර කළ නොහැකි කාරණයක්‌ බව නොදන්නේ තවමත් තණකොළ ආහාරයට ගන්නා සමහරක්‌ බව බුද්ධිමත් පාඨකයාට ලෙහෙසියෙන්ම අවබෝධ වන කාරණයකි. ඒ අනුව ඉදිරියේදී පිටි මිල රුපියල් හතකින් පමණද ඒ නිසාම පාන් මිල රුපියල් 2-5 ත් අතර ප්‍රමාණයකින් ඉහළ දමන්නට සිදුවන බවද මේ වන විටත් කියන්නේ බේකරි නිෂ්පාදකයන්ය. කවරෙක්‌ මොන තර්ක ගෙන ආවද, සහල් කිලෝවක මිල රුපියල් 80 -100 ත් අතර රැඳී තිබේ. හදිසියේ හෝ එය වැඩි වුණොත් මිස අඩුවීමක්‌ නැත.

නිසි කළමනාකරණයක්‌ නැත්නම් රට විශාල ආර්ථික අර්බුදයක යෑයි කියන විට අපට ඉහත කී "සුළු කාරණා" නිසා යම් තරමක බයක්‌ දැනේ. පරණ ආණ්‌ඩුවේ උදවිය භාණ්‌ඩාගාරය හිස්‌ කර රට ණය කර ඇති බව කීම හා ඒ නිසාම බදු වැඩි කිරීමත් ජනතාවට "තිත්ත බේත්" දීමට උත්සාහ කිරීමත් ප්‍රායෝගික නැත. එසේ කීම ආණ්‌ඩුවේ මධ්‍යකාලීන ප්‍රතිපත්ති යෝජනාවලියේ ආර්ථිකය සමග සම්බන්ධ කාරණා සමඟ ගැළපෙන්නේද නැත.

මුදල් රාජ්‍ය ඇමැතිවරයා කියන කතාව ඇත්ත යෑයි සිතන්නට තවත් බොහෝ කරුණු කාරණා තිබේ. ඉන්දියාව මිලියන හත්සියයක මුදලක්‌ හදිසි ණය ලෙස ලබා දෙන්නේ ආර්ථිකය පවත්වාගෙන යැමටය. ජාත්‍යන්තර මූල්‍ය අරමුදල මගින් ලබාදීමට නියමිත ණය තවමත් ප්‍රමාදය. ඉතින් තිත්ත බේත් බොන අතරේම පටිත් තද කරගෙන සිටින අපට යම් තරමක බයක්‌ දැනීම සාධාරණ නැද්ද?


divaina -
Read more

Popular Posts

Popular Posts