.png)
පුවතින් නොකී පුවත්... අනුර කුමාරගේ කිඹුල් කඳුළු
-
12:38 PM
-
0
comments
මෙරට ක්‍රියාත්මක දේශපාලන පක්‌ෂ අතරින් හැකි ඉක්‌මනින් බලය අල්ලා ගැනීමේ ෙච්තනාවෙන් ක්‍රියාත්මක දේශපාලන පක්‌ෂයක්‌ ලෙස ජනතා විමුක්‌ති පෙරමුණ හඳුන්වාදිය හැක. එම කාරණයේදී ජනතා විමුක්‌ති පෙරමුණේ ප්‍රධාන උපාය වී තිබෙන්නේ පළමුව ශ්‍රී ලංකා නිදහස්‌ පක්‌ෂය සහ ජනතා විමුක්‌ති පෙරමුණ වඩා පැරණි සහ අලුත් වාමාංශික පක්‌ෂ පළමුව විනාශ කර එම දේශපාලන පක්‌ෂ හිමිකර ගෙන තිබෙන ස්‌ථානය හිමිකරගෙන, දෙවනුව අවසාන සටන එක්‌සත් ජාතික පක්‌ෂයත් සමඟ කිරීමය. එම පක්‌ෂ ආරම්භයේ සිටම එම උපායට අනුව කටයුතු කර ඇති අතර වත්මන් නායක දිසානායක මහතාගේ නායකත්වය යටතේ එම මාර්ගයේම ගමන් ගන්නා අයුරු දැකගත හැක.
ජනතා විමුක්‌ති පෙරමුණ 1977 න් පසු යුගයේදී "ශ්‍රී ලංකා නිදහස්‌ පක්‌ෂයේ ගමනක අවසානය" මැයෙන් සම්මන්ත්‍රණ මාලාවක්‌ සංවිධානය කර ඇත. ජ. වි. පෙරමුණ විසින් ශ්‍රී ලංකා නිදහස්‌ පක්‌ෂයට එරෙහිව එම සම්මන්ත්‍රණ මාලාව සංවිධානය කර ඇත්තේ එම පක්‌ෂය විපක්‌ෂයේ සිටියදීය. එක්‌සත් ජාතික පක්‌ෂයේ ආණ්‌ඩුවක්‌ බලයේ සිටියදී විපක්‌ෂයේ සිටිය ශ්‍රී ලංකා නිදහස්‌ පක්‌ෂයට පහර දී ඇත්තේද ඉහත සඳහන් කළ උපායට අනුව පළමුව ශ්‍රී ලංකා නිදහස්‌ පක්‌ෂය විනාශ කර දෙවනුව එක්‌සත් ජාතික පක්‌ෂය සමඟ අවසන් සටන කිsරීම සඳහාය.
1980 දී පැවති වැඩ වර්ජනයේදී එම පක්‌ෂය කටයුතු කර ඇත්තේ එම අදහස පෙරදැරිව බව පෙනී යයි. එක්‌සත් ජාතික පක්‌ෂයේ ආණ්‌ඩුවට එරෙහිව පැවති එම වැඩ වර්ජනයට නායකත්වය දී ඇත්තේ පැරණි වමේ පක්‌ෂ සහ ශ්‍රී ලංකා නිදහස්‌ පක්‌ෂයයි. එම පක්‌ෂ පිළිබඳව විශ්වාසය තැබිය නොහැකිය යන චෝදනාව ඉදිරිපත් කරමින් ජනතා විමුක්‌ති පෙරමුණ එම වැඩ වර්ජනය මඟහැර ඇත. එහි අනියම් වාසිය පැවති ආණ්‌ඩුවට හිමි වී ඇත. එම වැඩ වර්ජනයේදී ජනතා විමුක්‌ති පෙරමුණ එලෙස කටයුතු කර ඇත්තේද පළමුව ශ්‍රී ලංකා නිදහස්‌ පක්‌ෂ සහ වමේ පක්‌ෂ විනාශ කළ යුතුය යන න්‍යාය අනුව යමින් බව පැහැදිලිය.
එම කාල සීමාවේදී බලයේ සිටිය එක්‌සත් ජාතික පක්‌ෂයේ ආණ්‌ඩුවද එම න්‍යාය පිළිබඳව අවබෝධයෙන් කටයුතු කර ඇති බව පෙනී යන්නේ ශ්‍රී ලංකා නිදහස්‌ පක්‌ෂයට සහ වමේ පක්‌ෂවලට රැස්‌වීම් පැවැත්වීමට ලබා නොදුන් කොළඹ මහ නගර සභාවේ පිටිය පවා ජනතා විමුක්‌ති පෙරමුණේ රැලිවලට ලබා දෙමිනි.
1994 න් පසු යුගයේදීද ජනතා විමුක්‌ති පෙරමුණ සිය සුපුරුදු උපාය අනුවම කටයුතු කර ඇති බවට ඇති හොඳම උදාහරණය වන්නේ 2005 ජනාධිපතිවරණයය. ආණ්‌ඩුක්‍රම ව්‍යවස්‌ථාවේ ප්‍රතිපාදනයන්ට අනුව එම මැතිවරණය චන්ද්‍රිකා කුමාරතුංග මහත්මියට තරග කිsරීමට නොහැකි වූ බැවින් ඇයගේ අනුප්‍රාප්තිකයා කවුද යන්න පිළිබඳව විවිධ යෝජනා ඉදිරිපත් වී තිබුණි. 2005 ජනාධිපතිවරණය සඳහා ඉදිරිපත් කළ යුතු අපේක්‌ෂකයා මහින්ද රාජපක්‌ෂ මහතා විය යුතු බව බහුතර ශ්‍රී ලංකා නිදහස්‌ පාක්‌ෂිකයන්ගේ අදහස වුවත් එම අවස්‌ථාවේදී ජනතා විමුක්‌ති පෙරමුණ චන්ද්‍රිකා කුමාරතුංග මහත්මිය වෙත ලිපියක්‌ යොමු කරමින් පළමුව ලක්‌ෂ්මන් කදිරගාමර් මහතාගේ නමත්, දෙවනුව අනුර බණ්‌ඩාරනායක මහතාගේ නමත්, තුන්වනුව මෛත්‍රිපාල සිරිසේන මහතාගේ නමත් යෝජනා කර තිබුණි. එම අවස්‌ථාවේදී ජනතා විමුක්‌ති පෙරමුණ මහින්ද රාජපක්‌ෂ මහතාගේ නම වෙනුවට වෙනත් නම් යෝජනා කරන ලද්දේද සිය සුපුරුදු උපාය අනුවම යමිනි.
පසුගිය ජනාධිපතිවරණයේදීද ජනතා විමුක්‌ති පෙරමුණ මහින්ද රාජපක්‌ෂ මහතාට විපක්‍ෂව පොදු අපේක්‌ෂකයකු වෙනුවෙන් කටයුතු කළේ ශ්‍රී ලංකා නිදහස්‌ පක්‌ෂයේ විනාශය අපේක්‌ෂාවෙන් බව කෙළින්ම පැහැදිලි වන්නේ එම මැතිවරණයෙන් පසුව පැවැත් වූ මහමැතිවරණයෙන් පසුව එම පක්‌ෂය විපක්‌ෂ නායක ධුරය අපේක්‌ෂා කළ බැවිණි. 2015 දී පැවති ජනාධිපතිවරණයෙන් මහින්ද රාජපක්‌ෂ මහ පරාජයට පත් වුවහොත් එක්‌සත් ජාතික පක්‌ෂයේ ආණ්‌ඩුවක්‌ බලයට පත්වන බවත් ඒ සමඟම ශ්‍රී ලංකා නිදහස්‌ පක්‌ෂයට විපක්‌ෂ නායක කම හිමිවන බව අමුතුවෙන් සඳහන් කළ යුතු වන්නේ නැත. එම පසු බිම තුළ ජනතා විමුක්‌ති පෙරමුණ විපක්‌ෂ නායකකම අපේක්‌ෂා කළ හැක්‌කේ පාර්ලිමේන්තු මැතිවරණයෙන් ශ්‍රී ලංකා නිදහස්‌ පක්‌ෂය අන්ත පරාජයකට පත්වන්නේ නම් පමණි. ජනතා විමුක්‌ති පෙරමුණ එබඳු අපේක්‌ෂාවකින් පසු වූයේ මෛත්‍රිපාල සිsරිසේන මහතා පොදු අපේක්‌ෂකයා ලෙස ඉදිරිපත් කිරීමෙන් පසු ශ්‍රී ලංකා නිදහස්‌ පක්‌ෂයට එබඳු ඉරණමක්‌ අත්වන බවට ඔවුන් තුළ වූ තක්‌සේරුව නිසා බව පැහැදිලිය.
ජනතා විමුක්‌ති පෙරමුණ අද දවසේද කටයුතු කරන්නේ සිය සුපුරුදු උපායට අනුව බව පැහැදිලිය. එම පක්‌ෂය ආණ්‌ඩු පක්‌ෂයේ සිටින එ.ජා. පක්‌ෂයේ ආණ්‌ඩුවට වඩා විපක්‌ෂයේ සිටිය මහින්ද රාජපක්‌ෂ මහතා විවේචනය කරන්නේ එම නිසාය. 2005 ජනාධිපතිවරණයට පෙර මෙන් අදත් ජනතා විමුක්‌ති පෙරමුණ මහින්ද රාජපක්‌ෂ මහතා ශ්‍රී ලංකා නිදහස්‌ පක්‌ෂයේ දේශපාලන නායකත්වයෙන් ඉවත් වෙනවා දකින්නට කැමැත්තෙන් පසුවන බව පෙනේ. ඒ ඉදිරි මැතිවරණවලට ශ්‍රී ලංකා නිදහස්‌ පක්‌ෂය මහින්ද රාජපක්‌ෂ මහතාගේ නායකත්වය යටතේ තරග කළොත් තම අරමුණ ඉටු නොවන බව ජනතා විමුක්‌ති පෙරමුණ දන්නා නිසාය. නමුත් එය ප්‍රසිද්ධියේ පැවසිය නොහැක. ඒ බව පැවසිය නොහැකි ජනතා විමුක්‌ති පෙරමුණේ නායකයා ප්‍රකාශ කරන්නේ ශ්‍රී ලංකා නිදහස්‌ පක්‌ෂය දෙකඩ කිරීමට රාජපක්‌ෂ කල්ලිය රනිල් සමඟ ඩීල් එකක්‌ දමා ඇති බවය. ජනතා විමුක්‌ති පෙරමුණේ නායකයා එසේ ප්‍රකාශ කරන්නේ රනිල් සමඟ ඩීල් එකක්‌ දමා තිබෙන බව ප්‍රකාශ කර හෝ මහින්ද රාජපක්‌ෂ මහතා දේශපාලනයෙන් ඉවත් කර ශ්‍රී ලංකා නිදහස්‌ පක්‌ෂය විනාශ කිරීම සඳහාය. එසේ නොමැතිව ශ්‍රී ලංකා නිදහස්‌ පක්‌ෂය දෙකඩ වනවාට ජනතා විමුක්‌ති පෙරමුණේ නායකයා අවංකවම කනගාටුවන බව සිතන්නට ඔහුගෙත් ජනතා විමුක්‌ති පෙරමුණේ ඉතිහාසය අපට ඉඩ දෙන්නේ නැත.
එරික්‌ ගාමිණී ජිනප්‍රිය
.png)
.png)
