Open top menu
Sunday, September 25, 2016
සිංහලේ කොල්ලා පන්සලේ කිච වීමේ කතා වස්තුව

විමලේ ඒ කාලයේ එල කොල්ලෙකි. අප එල කියා කියන්නේ අපේ අදහස් මතවාදවලට කිට්ටු වෙන තරමටය. හැමෝම එල කියන්නේ තමන්ට සාපේක්ෂවය. එහෙමත් නැත්නම් තම කඳවුරට සාපේක්ෂවය. හැමෝගෙම එල එහෙම නිසා අපේ එල ද එහෙමය. කොහොමින් කොහොමින් හරි විමලේ ඒ කාලයේ එල කොල්ලෙකි.
ඔහු ඒ කාලයේ එලට ලියුවේය. කොච්චර එලට ලිව්වාද කියනවා නම් අපි විමලේට වහ වැටුණෙමු. විමලේ ලිව්වේත් එසේ මෙසේ පත්තරයකට නොව එල පත්තරයකටය. ඒ පත්තරය දේශපාලනිකව කිට්ටුවන්ත වූයේ එල පක්ෂයකටය. කොටින්ම කියනවානම් එය එල අතීතයකි.

මේ අතීතකාමය හෙන භයානකය. මොකක්හරි ලියන්න යනකොට අතීතකාමය මැක්කා සේ එල්ලෙයි. එතකොට ලියන්න හදන දේ ගඟේ යයි. ඉතින් යළි විමලේට එමු. විමලේ ඒ කාලයේ පට්ට සමාජවාදියාය. අචපල (*කොන්දේසි සහිතයි) කොමියුනිස්ට්වාදියාය.  පිස්සු බම්ප් වෙන භෞතිකවාදියාය. විමලේ ඒ කාලයේ පන්සලේ පස් පෑගුවේ නැත. ආගම ජනතාවගේ අබින්ය කියා විමලේ පත්තරේ අකුරේ ලිව්වේය. එය ප්‍රබෝධ රහිත තත්ත්වයන්ගේ ප්‍රබෝධය බව මාක්ස් කීවැයි විමලේ ලියද්දී අපි පට්ට පන්ච් එකේ ඒවා කියෙව්වෙමු.

එහෙත් කාලය කියන්නේ අමුතු මෙව්වා එකකි. අමරසිරි පීරිස් මහත්තයා කියන්නැහේ කාලය හෙන නපුරුය. ශාලිත අබේවික්‍රම මහත්තයා කියන්නැහේ කාලය වෙනසක අරුම මවන්නේය. එහෙව් කාලය එල දේවල් බොහොමයක් වෙනස් කළේය. පන්සලේ පැත්ත පළාතේ ගිය නැති විමලේ එකමත් එක කාලයක සිට පන්සලේ ගැවසෙන්න පටන් ගත්තේය. ඇයි ඒ කියා ඇසූ විට විමලේ කීවේ උපක්‍රමික අර්ථයෙන් පන්සල් යන බවය. එහෙම කියූ විමලේ උපක්‍රමික අර්ථයෙන් අටපිරිකර පූජා කරන විට අපි අමාරුවෙන් හිත හදාගත්තෙමු.

එහෙත් කාලය සෑහෙන්න නපුරු විය. විමලේ පා ගමන් යන්නට පටන් ගත්තේය. අපිත් විමලේ පස්සෙන් ගියෙමු. විමලේ රතු කොඩිය වෙනුවට ජාතික කොඩිය වනන්නට පටන් ගත්තේය. අපිත් විමලේ අනුගමනය කරමින් ජාතික කොඩිය වනන්නට පටන් ගත්තෙමු. විමලේ දේශහිතෛෂී එක හැදුවේය. අපි විසිල් ගැසුවෙමු. කටවුට්වලින් දෑකැති මිටි විසි වී  ගියේය. ඒ වෙනුවට මුරගල් සඳකඩපහන් ගල්කණු පැමිණියේය. මේ සියල්ලම සිදු වුණේ උපක්‍රමික අර්ථයකිනි. මාර වැඬේ කියන්නේ ඒ අර්ථය ටික ටික අපට අමතක විය. ෂුවර් එකටම විමලේට ද එසේ වන්නට ඇත.

ජීවිතේ විප්ලවීය භාවිතාව ආරම්භ වූ දා ඉඳන් පන්සල් නොගිය විමලේට සාදුලා පිරිත් නූල් බැන්දෝය. අප පන්සල් ගියේ උපක්‍රමික අර්ථයෙන් වුවත් සාදුලා උච්ජිථං පච්ජිතං තුය්යන් ඛිප්පමෙව සමිජ්ජතු කිව්වේ උපක්‍රමික අර්ථයෙන් නොව සිරාවටම බව අපට කල්පනා වූයේ නැත. අප අටපිරිකර පූජා කළේ උපක්‍රමික අර්ථයෙන් වුවත් සාදුලා අභිවාදන සීලිස්ස නිච්ඡං වද්දාපචායිනෝ චත්තාරෝ ධම්මා වඩ්ඩන්ති ආයු වණ්ණෝ සුඛං බලං කීවේ සිරාවටම බව අපට කොහොමටවත් මීටර් වූයේ නැත. අන්තිමේ දී අපේ උපක්‍රමික අර්ථය ඇතුළේ අපි ආවාස ගෙවල් හදාගත්තෙමු. ඒ වන විට විමලේ ද අලු‍ත් වී සිටියේය.

විමලේ මහා සිංහලේ චේ ගුවේරා බවට පත්විය. ඔහුගේ නාදය රුහුණු පිහිටි මායා රට ගිගුම් දුන්නේය. විමලේ මානෙල් මල් ගෙනෙන්න යැයි කී විට අප හෙළයේ මහා රජුන් තැනූ වැව්වල දිගිලියේ මඩ කාගෙන ගොස් මානෙල් මල් කඩා ගෙනැත් රණවිරුවන්ට පූජා කළෙමු. මේ වන විට වැඬේ වකූර් වී තිබිණි. උපක්‍රමික අර්ථ අරවා මේවා අපට අදාළ වූයේ නැත. අපි එක හිතින්ම දැයේ දරුවන් වීමු. ඔය මැයි රැලිය දාටහෙම දෑකැත්තක් මිටියක් දැක්කොත් මිස අවුරුද්ද පුරාම අපි දැක්කේ මුරගල් පමණි.

විමලේ පන්සලේ පදිංචි විය. සාදුලා විමලේගේ බුදු ෆිට් එක විය. කොයි අර්ථයෙන් කීවත් ඒක හරිය. විමලේ පරණ පක්ෂයට ආයුබෝවන් කියා අලු‍ත් පක්ෂයක් හදාගත්තේය. එම පොලා පැනිල්ලත් එක්ක වෙනදාට වඩා නිදහසේ විමලේ තමන්ගේ ගමන ගියේය. අපි පරණ තැන්වලම නැවතී විමලේ දෙස බලා සිටියෙමු. හැබැයි අපිටත් හෙන ඩැමේජ් ගොඩක් සිදු වී තිබුණේය. විමලේ සාදුලා සමඟ ගොඩාක් ෆිට් විය. කොච්චර ෆිට් වුණාද කිව්වොත් විමලේ ජාතික සමඟිය සමානාත්මතාව පන්ති සටන සේරම අතහැර සිංහලේ කොල්ලා වී සිටියේය.

මහින්ද මහත්තයාට හද පත්ලෙන් කඬේ ගිය සහ යන විමලේගේ හද පත්ල හැබැයි මහින්ද මහත්තයා හිතනවාටත් වඩා ගැඹුරුය. මහින්ද මහත්තයා රිටයර් වෙන කාලෙක ගත        යුතු ටර්න් එක ගන්නට විමලේගේ හද ගැඹුරේ ප්‍රාර්ථනාවක් ඇති බව කාලයක් විමලේ දිහා බලන් උන්නු උදවියට රහසක් නොවේ. විමලේගේ ඇක්සන්ට් එක හොඳට ස්ටඩි කරන විට ඒවා සොයාගත හැකිය. මෙහෙව් පැතුම් මල්ලක් කරේ තබාගෙන යන විමලේ - සාදුලාගේ වීර පුතා විමලේ - ඊයේ පෙරේදා පන්සල් ගියේය. ඒ නුවර මල්වතු පන්සලටය.

පන්සල් පල්ලි කෝවිල් දේවාල ඔය මොකක් එක්කවත් පයිරු පාසානමක් අපට නැතත් මල්වතු පන්සල් ගිහින් විමලේ කාපු පරිප්පුව ගැන හීනි ආතල් එකක් අපට තිබේ. විමලේ දත මැදගෙන මල්වතු ගියේ යෝජිත ව්‍යවස්ථාව ගැන කේලම් කියා මල්වත්ත අවුස්සා ලකුණු දමාගෙන වීරයා වන්නටය. එහෙත් අවසානයේ සිද්ධ වූයේ මල්වත්ත අබියස කිච වෙන්නටය. “මහනායක හාමුදුරුවනේ, බුද්ධාගමට තියෙන ප්‍රමුඛස්ථානය අහිමි කරන්නට යනවා” කී විට “නැහැනේ එහෙම වෙන්නෙ නැහැයි කියල පොරොන්දු වෙලා තියෙනවනේ” යනුවෙන් ද ;

“බෙදුම්වාදයට තල්ලු‍ව දෙන වගන්ති එන්න පුළු‍වන්” කී විට “ඒක ඔබතුමන්ලාගේ සැකයක් විතරනේ” යනුවෙන් ද පිළිතුරු ලැබිණි.

සාදුලා කියන ඒවා ගැන අපට නම් තඹ සතේක විශ්වාසයක් නැත. ඒවා දෙවැනි වන්නේ දේශපාලකයන්ගේ කතාවලට පමණි. එහෙයින් ඒගොල්ලන්ට සහතික දෙන්නට අප ඉක්මන් වන්නේ නැත සහ උවමනාවකුත් නැත. හැබැයි, මල්වත්තේ සිට රට ගිනි තියන්නට වෑයම් කළ විමලේට වැදුණේ කිස් කන පහරකි. ඒ සාදුලා හෙට මොනවා කරාවිදැයි අප දන්නේ නැතත් විමලේට දුන්නු ෂොට් එක ඓතිහාසිකය. රතු කොඩි දෑකැති මිටි පසෙකලා පන්සලයි සිංහ කොඩියයි ලොකු කරගත් විමලේට පන්සලකින්ම ලැබුණු මේ පරිප්පු සංග්‍රහය සෑහෙන වටිනා දෛවෝපගත එකකි. ජාතිවාදය අවුස්සන්නට ගිය විමලේ ඇඩ්‍රස් අහිමිව කොළඹට සම්ප්‍රාප්ත විය.

අපට වෙච්ච දේවල්වලට විමලේ වගකිවයුතුවාක් මෙන්ම විමලේට වෙච්ච දේවල්වලට අප ද වගකිව යුතුය. විමලේලා උපක්‍රමික අර්ථයෙන් කියා අමන මරි මෝඩ දුෂ්ට කාලකණ්ණි ආස්ථානයන් වෙත පසුබසින විට “ඕයි ඕක වැරදියි” කියාගන්නට අපට බැරි විය. එසේ බැරි වූවා පමණක් නොව ඒ ආස්ථානයන් පස්සේ වැටී නිවැරැදි කරනු බැරි වැරැදි ගොඩකට කර ගැසුවෙමු. අන්න ඒ  නිසා, මෙන්න මේ මොහොත යනු, විමලේ අපටත් අප විමලේටත් සොරි කියා ගත යුතු අසිරිමත් අවස්ථාවකි. සොරි කොම්රේඩ් !

- විමල් කැටිපෙආච්චි
Read more
Saturday, September 24, 2016
විජේතුංගයි චන්ද්‍රිකයි රනිල්ට කළ දේම මෛත්‍රිත් කරයිද -  උපුල් ජෝශප් ප්‍රනාන්දු

රාජිත සේනාරත්න මෛත්‍රි - රනිල් දීගයට කපුකම් කළ අයගෙන් නොම්මර එකේ කපුවෙකි. ඔහු මේ සතියේ බේරුවලදී කියා තිබුණේ තමා මෛත්‍රි සහ රනිල් අතර මේ දිනවල පාලමක් හදන බවත්, ඒ පාලම කොන්ක්‍රීට් දමා ශක්තිමත් කරන බවත්ය. මේ අතර අර්ජුන රණතුංග කියා තිබුණේ මෛත්‍රි සහ රනිල් කොටවන කුමන්ත්‍රණයක් දියත් වී ඇති බවය.

'මේ කතාවල තේරුම කුමක්ද....?'
'මෛත්‍රි - රනිල් දීගය හබක්ද...?'
රනිල් ජනාධිපතිවරු තුන්දෙනෙක් යටතේ අගමැතිකම් කළ නායකයෙකි. පළමු වරට ඔහු අගමැති වූයේ ඩී.බී. විජේතුංග ජනාධිපති වූ විටදීය. ප්‍රේමදාස ඝාතනය වූ වේලාවේ ඩී.බී. ව ජනාධිපති ධුරයට පත් කරන්න රනිල් ලොකු වැඩ කොටසක් කළේය. එසේම වැඩ බලන ජනාධිපති ලෙස දිවුරුම් දුන් ඩී.බී. පාර්ලිමේන්තු ඡන්දයෙන් ජනාධිපති ධුරයට පත් කරන්නත් රනිල් බැහැල ගේම ගැහුවේය. ඒත් වැඩි දවසක් ගියේ නැත. එජාපය තුළ රනිල්ගේ දේශපාලන හතුරෙක් වූ ගාමිණී දිසානායක ජනාධිපති මන්දිරයට රිංගන්න පටන් ගත්තේය. ගාමිණී ඇතුළු එජාපය කඩාගෙන ගිය ප්‍ර.එ.ජා.පෙ. කණ්ඩායම යළි එජාපයට එකතු කර ගන්න ඩී.බී. ට වුවමනා විය. ගාමිණීව යළි එජාපයට එකතු කර ගන්නවාට රනිල් දැඩි සේ විරුද්ධ විය. ඔහු එවකට පක්‍ෂ ලේකම් සිරිසේන කුරේ සමඟ එක්වී ගාමිණී එජාපයට එක් වීමේ උත්සාහය කඩාකප්පල් කළේය. ගාමිණී එජාප සාමාජික කාඩ්පතක් ගෙන එජාපයට එක් විය යුතු යැයි කොන්දේසි දැම්මේය. එසේම ගාමිණී එජාපයට ඒමට ජාතික ලැයිස්තු මන්ත්‍රි ධුරයක් ඉල්ලුවේය. රනිල් සහ කුරේ ගාමිණීට ජාතික ලැයිස්තු මන්ත්‍රි ධුරයක් දෙන්න ඉල්ලා අස්වීමට කැමැත්ත පළ කළ ජාතික ලැයිස්තු මන්ත්‍රිවරුන් හමු වී ඔවුන්ට ඉල්ලා අස් නොවෙන ලෙසට බලපෑම් කළහ. ඒත් ගාමිණී කෙසේ හෝ එජාපය තුළට ඇවිත් පාර්ලිමේන්තුවට ඇතුළු වී ඇමැතිකමක්ද ගෙන විජේතුංගගේ දේශපාලන ගමන තීරණය කරන්නා බවට පත් විය. 1994 මහ මැතිවරණයේදී ගාමිණී අගමැති වෙන්න හීන මැවූ අතර මහ මැතිවරණ පරාජයට පසු විපක්‍ෂ නායක ධුරයට පත් වූයේ විජේතුංගගේ ආශීර්වාදය ඇතිව රනිල්ව විපක්‍ෂ නායක ඡන්දයෙන් පරාජය කරමින්ය. මේ විජේතුංග - ගාමිණී දීගය නිසා විජේතුංග - රනිල් දීගය හබක් වී රනිල්ට අගමැති ධුරයත් නැති විය.

යළි 2001 රනිල් අගමැති වන්නේ චන්ද්‍රිකා ජනාධිපති ධුරය දරද්දීය. ඒ වේලාවේ රනිල් චන්ද්‍රිකාගේ ආණ්ඩුව පරාජය කර අගමැති ධුරයට පත් වුවත් මුල් කාලයේ චන්ද්‍රිකා රනිල්ට ආණ්ඩුව කරගෙන යන්න ඉඩ දුන්නාය. රනිල්ගේ ආණ්ඩුව විනාශ කරන්න චන්ද්‍රිකාගේ ඔළුවට විස බීජ දමන්නේ මංගලය. මංගල ඒ සඳහා ජනාධිපති මන්දිරයට රිංගවන්නේ ජවිපෙය. ජවිපෙ රට පුරා රනිල්ගේ ආණ්ඩුවට එරෙහිව විරෝධතා දියත් කරන්න පොරොන්දු වන අතර විරෝධතා උණුසුම් වෙද්දී චන්ද්‍රිකා රනිල්ගේ ආණ්ඩුව විසුරුවන්න ඕනෑ කියන තැනට චන්ද්‍රිකාව එකඟ කර ගනු ලැබීය. රනිල්ගේ ආණ්ඩුව විනාශ කළ යුතුය යන විසබීජය චන්ද්‍රිකාගේ ඔළුවට දමන්න මංගල, අනුර සහ චන්ද්‍රිකාගේ විශ්වාසවන්ත කදිරගාමර්ද එක් කර ගනු ලැබීය. මේ වෙන කොටත් චන්ද්‍රිකා තමා පාර්ලිමේන්තුව විසුරුවන්නේ නැති බවට රනිල්ට පමණක් නොව ඉන්දියාව, ඇමෙරිකාව ඇතුළු ජාත්‍යන්තර ප්‍රජාවටත් සහතිකයක් දී තිබිණි. කතානායක ජෝෂප් මයිකල් පෙරේරාට ලිඛිත සහතිකයක් දී තිබිණි. චන්ද්‍රිකා එලෙස සහතික දුන්නේ ඇයට එරෙහිව දෝෂාභියෝගයක් ගෙන එන්නේ නැති බවට රනිල්ව එකඟ කර ගෙනය. එසේම ශ්‍රී ලනිපයෙන් මන්ත්‍රිවරු කඩන්නේ නැති බවටත් රනිල්ව එකඟ කරගෙනය.
ඉන්දියාව සහ ඇමෙරිකාව ඇතුළු බලවත් රටවල් හරහා ආ මෙම එකඟතාව නිසා රනිල් හිතුවේ චන්ද්‍රිකා තම ආණ්ඩුවට අත නොතියයි කියාය. 2002 පළාත් පාලන ඡන්දයෙන් ශ්‍රී ලනිපය අන්ත පරාජයක් ලබා තිබූ අතර පවත්වන්න නියමිතව තිබුණේ පළාත් සභා ඡන්දයය. පළාත් සභා ඡන්දය පැවැත්වුවහොත් ශ්‍රී ලනිපය යළිත් අන්ත පරාජයක් ලබන බව චන්ද්‍රිකා දැන සිටියාය. එය දැන පළාත් සභා ඡන්දය කල් දමන්න චන්ද්‍රිකා රනිල්ව එකඟ කර ගෙන තිබිණි. පළාත් සභා අහෝසි කරන්න පක්‍ෂ දෙකම එකට එක් වී ක්‍රියා කරමු කියා චන්ද්‍රිකා රනිල්ට ලණුවක්ද දී තිබිණි.

2004 පෙබරවාරි 04 නිදහස් දිනයේ චන්ද්‍රිකා නිදහස් උළෙලට ආවේ බොහොම ප්‍රීිතියෙන්ය. නිදහස් දින උළෙලට ආ රනිල් සමඟ ඇය විහිළු තහළු කරමින් සිනාසුණාය. මේ වෙන කොටත් චන්ද්‍රිකා පාර්ලිමේන්තුව විසුරුවන බවට මංගල සහ ජවිපෙට පොරොන්දු වී තිබිණි. ඒත් මංගලට සහ ජවිපෙට සැකයක්ද තිබිණි. නිදහස් දින උළෙල අවසන් වූ විගස අනුර ප්‍රකාශයක් කරමින් කීවේ මගේ අක්කා බෙල්ල කපන්නේ හිනා වෙවී කියාය. මගේ අක්කා වැඩියෙන් හිනා වීම භයානක යැයි කියාය.

එවකට රනිල්ගේ ආණ්ඩුවේ තීන්දු තීරණ ගත් එස්.බී., ජී.එල්. වැනි අය රනිල්ට අනතුරක් ඇති බව පෙන්වා දුන්හ. ඒත් රනිල් ඔවුන්ගේ කතා මායිම් කළේ නැත. එදින රනිල් බෙන්තොට නිවාඩු නිකේතනයට ගියේ සති අන්තය විවේකීව ගත කරන්නටය. ඒත් රනිල්ට දිගින් දිගටම දුරකතන ඇමැතුම් ලැබිණි. එස්.බී. ඒ වේලාවේ චන්ද්‍රිකාට එරෙහිව දෝෂාභියෝගයක් සකස් කරමින් තිබිණි. එයට අස්සන්ද එකතු කරමින් තිබිණි. එස්.බී. මෙය රනිල්ට කියන්න බය විය. එස්.බී. එය රනිල්ට දැනුම් දෙන වැඩේ භාර දුන්නේ වී.ජ.මු. ලොකු බණ්ඩාරටය. වී.ජ.මු. - රනිල්ට කතා කළේය. චන්ද්‍රිකා පාර්ලිමේන්තුව විසුරුවන ගැසට් පත්‍රයට අස්සන් කරන්න සූදානමින් සිටින බවත්, රජයේ මුද්‍රණාලයේ දැඩි ආරක්‍ෂාවක් තබා ගැසට් පත්‍රය මුද්‍රණයට සූදානම් වෙන බවත් ඔහු කීවේය. ඒත් රනිල් හිතුවේ චන්ද්‍රිකා ඉන්දියාවට, ඇමෙරිකාවට දුන්න වචනය කඩ කරන්නේ නැහැ කියාය. ටික වේලාවකින් කතානායක ජෝශප් මයිකල් කතා කර කීවේ චන්ද්‍රිකාට එරෙහිව දෝෂාභියෝගයක් එස්.බී. ලා අස්සන් කරන බවත්, චන්ද්‍රිකා පාර්ලිමේන්තුව විසුරුවා හැරීමේ අවදානමක් තියෙන නිසා තමා එය භාර ගත යුතු යැයි තමාට හිතෙන බවත්ය. රනිල් එස්.බී. ලාට ඉවසීම නැති බව කියමින් චන්ද්‍රිකා පාර්ලිමේන්තුව විසුරුවන්නේ නැති බව තමාට සහතික යැයි කීවේය. එස්.බී. දෝෂාභියෝගය අකුළා ගත්තේය. එදිනම මධ්‍යම රාත්‍රියේ රනිල්ගේ ‍ෙදාරට තට්ටු කළ ආරක්‍ෂක නිලධාරියා චන්ද්‍රිකා පාර්ලිමේන්තුව විසුරුවා ඇතැයි කීවේය. රනිල්ට දෙවැනි වරටත් අගමැති ධුරය අහිමි විය.

රනිල් තෙවැනි වරට අගමැති වුණේ මෛත්‍රිව ජනාධිපති කරලාය. රනිල් තමාව ජනාධිපති කරන්න කැප වූ හැටි 2015 සැප්තැම්බර් 6 එජාප සම්මේලනයේදී මෛත්‍රි රහසක් හෙළි කරමින් කීවේ මෙසේය.
"දෙවැනි සිද්ධිය ජනාධිපතිවරණ අවසන් ප්‍රචාරක දිනය වූ ජනවාරි 5දා. එදා මම මාතර, ගාල්ල, කළුතර, මොරටුව රැස්වීම් ඉවරකරලා ආවේ මරදාන රැස්වීමට. ඒත් ආරක්‍ෂක අංශ මාව ගෙනගියේ මගේ නිල නිවෙසට. මරදාන රැස්වීමට යන එකට ආරක්ෂක නිලධාරීන් තදින්ම විරුද්ධ වුණා. මගේ රියැදුරුත් යැව්වා. මම විතරයි නිවෙසේ හිටියේ. ඒ අවස්ථාවේ රනිල් වික්‍රමසිංහ මැතිතුමා මට කතාකර විමසුවා මරදානේ රැස්වීමට එන්නේ නැද්ද කියලා. මම කිව්වා එන්න විදියක් නෑ රියැදුරත් නෑ කියලා. කවුරුත් ඕන නැහැ ඔබතුමා ඔහොම ඉන්න මම එන්නම් කියලා එතුමා කීවා. ටික වෙලාවකින් එතුමා පැමිණ මාව මරදානේ රැස්වීමට කැඳවාගෙන ගොස් වේදිකාවේ ආරක්ෂක කුටියක මාව රැඳවූවා.

ඉන්පසු වික්‍රමසිංහ මැතිතුමා ජනතාවට දෑත් ඔසවා ආචාර කරමින් රැස්වීම් භූමිය වටේම ගියා. ආපසු වේදිකාවට ආපු එතුමාව මම එදා දැක්කේ අවුරුදු 20 - 25ක කොලු ගැටයෙක් විදියටයි. එතුමා මාව වේදිකාවේ තියල ජනතාව අතරට ගිහින් පෙන්නුවේ ඔබට අපේ රැස්වීමේ කිසි අනතුරක් නැහැ වගකීම මම භාර ගන්නවා කියන කාරණාවයි. අවුරුදු 20 - 25ක කොල්ලෙක් වගේ ඒ තරම් තරුණ විදියට එතුමා ඒ වෙලාවේ හැසිරුණේ."

දැන් මෛත්‍රි ජනාධිපති වී මේ නොවැම්බරයට වසර දෙකකි. රනිල් අගමැති වී ද වසර දෙකකි. දැන් මෛත්‍රිගේ පැජට් පාරේ ජනාධිපති මන්දිරයට ශ්‍රී ලනිප ප්‍රබලයන් රිංගන්නේ එදා විජේතුංගගේ කාලයේ ජනාධිපති මන්දිරයට ගාමිණීලා රිංගුවා වගේය. 2002 - 2003 චන්ද්‍රිකාගේ ජනාධිපති මන්දිරයට මංගලලා, ජවිපෙ රිංගුවා වගේය. තනි යූ.ඇන්.පී. ආණ්ඩුවක් හදමු කියා රනිල්ගේ අරලියගහ මන්දිරයටත් කට්ටිය රිංගයි. මහින්දගෙන් මන්ත්‍රිවරුන් ගෙන මෛත්‍රිව ඉවර කර ජනාධිපතිකම ගමු යැයි කියන අයත් අරලියගහ මන්දිරයේ අහුමුලුවල හැංගිමුත්තන් කෙළිති.
"රාජිත පාලම් හදන්න යන්නේ ඒකද...?"

"විජේතුංග, චන්ද්‍රිකා රනිල්ට ගහපු ගේම මෛත්‍රිත් ගහයිද...?"
ශ්‍රී ල.නි.ප. සම්මේලනයේ තේමා පාඨය ශ්‍රී ල.නි.ප.ය හොඳ අතටය.
"ඒ කියන්නේ රනිල්ගේ ග්‍රහයා නරක අතටද?"
ඒක දන්නේ මෛත්‍රි විතරමය.

උපුල් ජෝශප් ප්‍රනාන්දු
Read more
Saturday, September 3, 2016
අතීසාරයට අමුඩය ගසා හුජ්ජෙන් පුක හෙදීම

මේ වන විට මාලබේ පෞද්ගලික වෛද්‍ය පීඨය සම්බන්ධයෙන් දෙපිල බෙදී මරාගන්නා කණ්ඩායම් දෙකක් දක්නට ලැබෙනවා. එක කණ්ඩායමක් අධ්‍යාපනය පෞද්ගලීකරණයට එරෙහිව හඩ නගන අන්තරේ ප්‍රමුඛ ඊනියා වාමවාදී කණ්ඩායමයි. අනිත් කණ්ඩායම බස් ගැමුණුලා ප්‍රමුඛ තක්කඩි වාම සිව්ල් සංවිධාන එකමුතුවයි.
මේ දෙපිරිසම මතවාදීව ගත්කල සමානයන්ය. නමුත් අධ්‍යාපනය සම්බන්ධ මෙම ගැටලුවේදී මොවුන් දෙපිල බෙදී මරාගනු ලබයි. මේ දෙපාර්ශවයටම අධ්‍යාපනය සම්බන්ධ සත්‍ය ගැටලුව මගහැරී ඇති අතර ඔවුන් අනවරතව අරගල කරන්නේ තත්‍යසමාන ( virtual ) ගැටලුවක් නිරාකරනය කරනු පිණිසය.
පෟද්ගලික වෛද්‍ය විදාලයට එරෙහිව කඩුපොලු අමෝරා දිවිහිමියෙන් සටන් කරන පිරිස සහ මාලබේ වෛද්‍ය විද්‍යාලයේ දෙමාපිය සංසදය වෙනුවෙන් කඩේ යන දෙපිරිස අතර ඇති එකම සමානකම වන්නේ මේ දෙපිරිසමම වෛද්‍ය වෘත්තිකයන් වෙනුවෙන් කඩේයාමය. දෙමාපිය සංසදය වෙනුවෙන් පෙනීසිටින ගැමුනු විජේරත්න සහ ගාමිනි වියන්ගොඩ යනු පසමිතුරැ බලවේග දෙකකි. ජනවාරි 8ට පෙර මේ දෙදෙනා ජම්මාන්තර වෛරකාරයන්ය. නමුත් සයිටම් වෙනුවෙන් එකට කඩේයාම ලැජ්ජාවට නොව ආඩම්බරයට කරැණකි.
ඇත්තටම පසුගිය දවසක කුසල් පෙරේරා පවසා තිබුනේද මාලබේ වෛද්‍ය විද්‍යාලයට විරැද්ද වන අය කොතලාවල ආරක්ෂක වෛද්‍ය පීඨයට විරැද්ධ නොවන්නේ මන්ද යන්නය. රෑපවාහිනි වැඩසහන් වලට පැමිනෙ අය අනිමාර්තයෙන් මාලබේට කඩේ යන්නේ ලංකාවේ වෛද්‍යවරැන් ගමේ ගොඩේ බයියන් වන බවත් ඔවුන්ට වෛද්‍ය වෘත්තිය ඊට වඩා වැඩි දෙයක් වන බවත් වැනි දෑ පවසමිනි. ඒ අනුව මාලබේ වෙනුවෙන් පෙනි සිටින දෙමාපිය හා විද්වත් සංසදය මෙන්ම අන්තය ප්‍රමුඛ අනිත් කදවුරද ලංකාවේ අධ්‍යාපන ක්‍රමයේ සැබෑ ගැටලුව මගහැර යන්නේ අහම්බයෙන් ද?
පෞද්ගලික වෛද්‍ය වෘත්තියට විරැද්ධ වන අය පෞද්ගලික රෝහල් වලට විරැද්ධ වන්නේ නැත. වෛද්‍යවරැන් පුද්ගලිකව හම්බකරනවාට විරැද්ද නැත. සයිටම් වෙනුවෙන් කඩේ යන තක්කඩ් රතනප්‍රියලා වියන්ගොඩලා තවමත් ප්‍රගතිශීලීන්ය. ගූ ගොඩක් අයිසින්කර අනුභව කරන මේ හාන්සිපුටු ප්‍රගතිශීලීන් සයිටම් හැර වෙනත් අවස්ථාවන් වල එකම කදවුරකය. ඇත්තටම සයිටම් එකට විරැද්ධ වන හා පක්ෂ වන කිසිවකුත් ලංකාවේ සෞඛ්‍ය ක්ෂෙත්‍රයේ සැබෑ තක්කඩ්කම් හා ජාවාරම් ගැන කතා කරන්නේ නැත. මෛත්‍රීපාල රාජිත පමණක් නොව පෙරසිටි සෞඛ්‍ය ඇමතිලාද කම්බ තක්කඩියන්ය. සෞඛ්‍ය ඇමතිලාට දොලපිදේනි දෙන්නේ බෙහෙත් ජාවාරම්කරැවන්ය. මාලබේ එපා යැයි කියා කෑගසන අය කතා නොකරන්නේ බෙහෙත් සමාගම් වලින් අලුත් කාර් ගන්නට මෙඩ්කල් රෙප්ලාගෙන් ප්‍රෙස්ක්‍රිප්ෂන් ක්‍රමයට රෝගීන්ට බෙහෙත් ලබා දෙන විශේෂඥ වෛද්‍යවරැන් බිහි වුයේ මාලබෙන් නොව නිදහස් අධ්‍යාපනයෙන් බවය. මාලබේ නිසා සිදුවන්නට නියමිත වන්නේ දැනට ජාතික මටිටමින් සිදුවන බෙහෙත් ජාවාරම ජාත්‍යන්තරකරණවීම පමනි.
දැනට ආණ්ඩුවේ රෝහල් කියන්නේ හිරගෙවල්ය. රෝගීන්ට දොස්තරලා කතා කරන්නේ හිරකරැවන්ට ජේලර්ලා කතා කරන ආකාරයටය. රෝගියෙකු තම රෝගයට ලබාදෙන ඖෂධ ගැන කතා කරන විට වෛද්‍යවරයා ආසා කරන්නේ රතුපාට පෙත්ත කොලපාට පෙත්ත කියා කියනවාටය. බෙහෙත් වල නම කියනවාට දොස්තරලා අකමැතිය. ඔවුනට අනුව දොස්තර රස්සාව යනු දෙවියන්ගේ කැමැත්ත මත පෙරකල පිං බලයෙන් ලද රැකියාවකි. ඉතිං එවන් රැකිවයක ඇති දෑ ගැන නූගත් මිනිසුන් කතා කරන්නේ කෙසේද? මේ ආකාරයට හැසිරෙන අය බිහිවන්නේ නිදහස් අධ්‍යාපනය නිසා මිස පෞද්ගලික වෛද්‍ය විද්‍යාල වලින් නොවේ. මාලබේ වෛද්‍ය සිසුන්ට අනුව වෛද්‍ය වෘත්තිය යනු වෙළෙදාමකි. ලාභ තර්කණය මුල්කරගත් ධනවාදී භාවිතාවකි.ඒ නිසාම ඔවුන් උත්සහ කරන්නේ වැඩියෙන් මුදල් ඉපයීමටය.ඒ අනුව ඔවුන් තෝරාගැනීමට නියමිත රජයේ රෝහල් නොව වැඩිපුරම වැටුප් ගෙවන පෞද්ගලික රෝහල්ය. ප්‍රමිතිය අතින්ගත්කල මේ විශ්ව විද්‍යාල මෙන්ම ආණ්ඩුවේ විශ්ව විද්‍යාල පවා සිටින්නේ ජාත්‍යන්තර ශ්‍රේණිගත කිරීම් අනුව ඉතා පහලම තැනකය.
ධනවාද තුල සමාජවාදී විසදුම් සොයන වාමාංශිකයන් මෙන්ම බොරැ සිව්ල් සංවිධාන තක්කඩියන් කියන කතා නිසා වල්මත් වී සිටින සමාජයේ බහුතරයකට රෝගීන්ගේ ජීවිතය ගැන නොව තමන් දරන මතවාදය දිනවීම එකම ගැටලුවයි. පළාත් සභා වලට පොලිස් බලතල ලබා දෙනවාට විරැද්ධව හඩ නගන අය ජාතික පොලීසියට විරැද්ධ හඩ නගන්නේ නැත. ඒ කියන්නේ මේ අයට ඔලුපලා ගන්නට අවශ්‍ය ජාතික පොලීසියේ බැටන් පොල්ලයි.මේ ආකාරයට පෞද්ගලික වෛද්‍ය විද්‍යාල වලට විරැද්ධ වන අය ඉල්ලා සිටින්නේ ආණ්ඩුවේ රෝහලකම වෛද්‍ය නොසැලකිල්ල නිසාම මැරෙන්නට අවස්ථාව ලබාදෙන ලෙසද?

තුෂාර දස්කොන් -
Read more

Recent Posts

Popular Posts

Popular Posts