Open top menu
Friday, March 17, 2017
වීරයෝ සහ ද්‍රෝහියෝ

මේ දවස්වල දේශපාලන ලෝකයේ අහන්න ලැබෙන දේවල් දිහා බැලුවාම, සමහරුන් කියන්නේ ඔළුව මඤ්ඤං වෙනවා කියාය.

වීරයාද දුෂ්ටයාද එක තිරපිටපතකට අනුව සිටිය හැක්කේ චිත්‍රපටයකය. ආණ්ඩුවේ තිර පිටපතට අනුව වීරයා සිටින්නෙත් ද්‍රෝහියා හෙවත් දුෂ්ටයා සිටින්නෙත් ආණ්ඩුව ඇතුළේමය. ද්‍රෝහියා ද්‍රෝහියාගේ වැඩේ කරගෙන යන අතරේ ඊට එරෙහිව වීරයාද වීරයාගේ වැඩේ කරගෙන යන්නේ අරුම පුදුම ආකාරයකටය.

මීට කලින් ලංකාවේ ආණ්ඩු ඇතුළේ වීරයන් සහ ද්‍රෝහීන් එකම තිරපිටපතකට අනුව එකට සිටියේ නැත. මේ හින්දා මෙරට දේශපාලන ප්‍රේක්‍ෂකයන්ට, එකම ආණ්ඩුවක සිටින වීරයන් හා ද්‍රෝහීන් ගැන බල බලා සිටින්නට සිදුවීම ඔළුව මඤ්ඤං වීමට හේතු වන වැඩක්ය. කොහොම වුණත් වීරයෝ සහ ද්‍රෝහියෝ වෙන් වෙන පාටක් පේන්නේද නැත.

විදේශ අමාත්‍ය මංගල සමරවීර මහතා ජිනීවා නුවරට ගොඩ බැස්සේ සෙයිද් අල් හුසේන්ගේ සභාපතිත්වයෙන් යුත් මානව හිමිකම් කවුන්සිලය කොහොමෙන් හරි 'ෂේප්' කරගන්නටය. 'ෂේප්' කර ගැනීම සඳහා විදේශ ඇමැති කළේ ලංකාව තුට්ටු දෙකට ඇද වැට්ටවීමය. ඒ බව තේරෙන්නේ ඔහුගේ කතාවේ එන පහත දැක්වෙන කොටස උපුටා කියවීමෙන්ය.

'සිංහල, දමිළ, මුස්ලිම්, බර්ගර් වශයෙන් විවිධ විශ්වාසයන් සහ ඇදහීම් දරන අපි ස්ත්‍රී පුරුෂභාවය, කුලය හෝ වංසය නොතකා 1948දී අප ජාතියේ නිදහස වෙනුවෙන් සියලු දෙනා එකට ඒකරාශී වීමු. එය එසේ දිනාගත් නමුදු සියලු දෙනා සමාන අයිතිවාසිකම් භුක්ති විඳින පිරිපුන් මිනිසුන්ගෙන් යුත් ජාතියක් ලෙස අප රට ගොඩනඟමින් අපට ලබාගත හැකි උපරිමය කරා ළඟාවීමට අපි අපොහොසත් වීමු. එහි ප්‍රතිඵලයක් ලෙස වසර 69 මුළුල්ලේ අපි වේදනාව, හිංසනය අත්විඳිමින් අගනා ජීවිත අහිමි කර ගනිමින් හා සමාජ, ආර්ථික ප්‍රගතිය සඳහා වූ ඉඩ ප්‍රස්ථා අහිමි කර ගනිමින් දුෂ්කර ගමනක යෙදුනෙමු.

මෙය සත්‍ය වශයෙන්ම තවත් ඉදිරියට සිදු නොවිය යුතු ජාතිය ගොඩනැඟීම පිළිබඳ වැරැදී ගිය අත්හදා බැලීමකි. එම සත්‍යය පිළිගැනීමට අප සතුව ධෛර්යය තිබිය යුතු වනවා සේම එම යුගය නිමා කිරීමේ ශක්තියද අප සතු විය යුතුය.'

මංගල මේ කියන්නේ අවුරුදු 69ක් තිස්සේම අපට වැරැදුණු බවය. හරිගස්සා ගන්නට හදන්නේ දැන් බවය. මෙදා පාර නම් වැඩේ හරියටම කෙරෙන බවය.

මංගල කියන මේ අවුරුදු 69දී රට පාලනය කළේ එ.ජා.පය හා ශ්‍රී ල.නි.ප.ය මිස වෙනත් කවුරුවත් නොවේ. ඒ අවුරුදු 69ටම කරන්න බැරි වුණු වැඩේ මෙදා පාර නම් කොහොමෙන් හරි කරනවා යැයි කියා මංගල සපථ වන්නේ, එජාපයෙත්, ශ්‍රී ලනිපයෙත් හවුලින් ගොඩනැඟුණු ආණ්ඩුවක විදේශ ඇමැති හැටියට වැඩ කරන ගමන්ය.
ජිනීවාවලදී මංගල පොරොන්දු වූයේ ත්‍රස්තවාදය වැළැක්වීමේ පනත අහෝසි කර, ඒ යටතේ දඬුවම් ලබන කොටින්ට නිදහස් වීමට ඉඩ හිමි කර දෙන බවටය. එමෙන්ම අතුරුදන්වූ පුද්ගලයන් හා ඊට වගකිව යුතු අය (හමුදා සාමාජිකයන්) ගැන තොරතුරු හොයන සුපිරි බලතල සහිත කාර්යාලය ළඟදීම වැඩ අරඹන බවය. ශ්‍රී ලංකා පාර්ලිමේන්තුව විසින් සහජීවනය දෝරේ ගලන නව ව්‍යවස්ථාවක් ගෙන ඒමටද කටයුතු කරමින් සිටින බවය. මේවා මංගල කියන්නේ මුළු ලෝකයටමය. ඒ අස්සේ ජනාධිපති මෛත්‍රිපාල මෙහෙට කියන්නේ වෙන කතාවක්ය.

'ද්‍රෝහියෝ' හා 'වීරයෝ' එකම ආණ්ඩුවකදී එකම වෙලාවක එකට දකින්නට ලැබෙන්නේ ඒ අනුවය.

2017 මාර්තු 6 වැනි සඳුදා නිකුත් වූ දිනපතා පත්තරේක 'එන්.ජී.ඕ. පදයට මා නටන්නේ නෑ' යන හිසින් ප්‍රවෘත්තියක් තිබුණේ 'ජනාධිපති කියයි' යනුවෙන් යටින් සඳහන් කරමිනි. ඒ ප්‍රවෘත්තියේ තවදුරටත් කරුණු දක්වා තිබුණේ මෙසේය.

'රාජ්‍ය නොවන සංවිධානවලට අවශ්‍ය අයුරින් ආණ්ඩු කිරීමට තමන් සූදානම් නැතැයි ජනාධිපති මෛත්‍රිපාල සිරිසේන මහතා (04දා) පැවැසීය.
එම සංවිධාන කියන අයුරින් හමුදාවට චෝදනා පත්‍ර ලබාදීමට තමන් සූදානම් නැතැයි කී ජනාධිපතිවරයා හමුදාවට, පොලිසියට මොන චෝදනා ආවත් ඒවා ප්‍රතික්ෂේප කර ඔවුන් ආරක්‍ෂා කිරීමට කටයුතු කරන බවද සඳහන් කෙළේය.'

එදිනම තවත් දිනපතා පුවත්පතක මේ පුවත වාර්තා කර තිබුණේ මෙසේය.

'ජාත්‍යන්තරයට ඕනෑ විදියට මම ආණ්ඩු කරන්නේ නෑ! - ජනාධිපති කියයි'

විදේශ සම්බන්ධතා ඇතිව මෙරට ක්‍රියාත්මක රාජ්‍ය නොවන සංවිධානවලට අවශ්‍ය විදියට ආණ්ඩු කිරීමට තමන් සූදානම් නැතැයි ජනාධිපති මෛත්‍රිපාල සිරිසේන මහතා පැවැසීය.

එම සංවිධානවලට අවශ්‍ය ලෙස ත්‍රිවිධ හමුදාවලට විරුද්ධව නඩු ඇසීමට තමන් සූදානම් නැති බවද ජනාධිපතිවරයා කීවේය.'

මීට අමතරව, ජිනීවා මානව හිමිකම් කොමසාරිස් සෙයිද් අල් හුසේන් යුද අපරාධ ගැන සෙවීමට දෙමුහුන් අධිකරණයක් අවශ්‍ය බව කියා සති 2ක් යෑමට පෙර එය ප්‍රතික්ෂේප කිරීමට තමන්ට කොන්දක් තිබුණු බව ජනාධිපතිවරයා කීවේ ශ්‍රී ලනිපයේ විධායක සභා රැස්වීමේදීය. කොන්දක් නැති අය සමඟ තවදුරටත් ඉදිරියට යන්න තමන් සූදානම් නැති බවද ඔහු කීවේ රැස්ව සිටි පිරිසගේ අත්පොලසන් හඬ මැදය.

ජනාධිපති මෛත්‍රි එන්.ජී.ඕ. කියන විදියට නටන්න සූදානම් නැතැයි කීවද ඔහුගේ විදේශ ඇමැති ජිනීවා ගියේ මෙරට එන්.ජී.ඕ.වල 'ගෝඩ් ෆාදර්' ලා සමඟය.
විදේශ ඇමැති ලෝකයට එකක් කියද්දී ජනාධිපති මෛත්‍රි මෙහාට තව එකක් කියන්නේ කවුරුන් හෝ ලියූ තිරපිටපතකට අනුවද? නොමැති නම් විදේශ ඇමැතිගේ ආණ්ඩුවට, ජනාධිපති මෛත්‍රි අයිති නැති නිසාවද්ද?

රණවිරුවන් එන්.ජී.ඕ.වලට ඕනෑ පරිදි හිර කරන්න තමන් ඉඩ දෙන්නේ නැතැයි ජනාධිපති මෛත්‍රි කියන වෙලාව වෙන කොටද යුද හමුදා හා නාවික හමුදා බුද්ධි අංශ සාමාජිකයන් ගණනාවක් ඉන්නේ හිරේය. යුද හමුදා බුද්ධි බළකා මේජර්වරයකු ඇතුළු රට බේරාගන්නට කැපවූ සාමාජිකයන් 5 දෙනකු හිරේ දාගෙන ඉන්නේ මාධ්‍යවේදී කීත් නොයාර්ට පහරදුන්නා යැයි කියන සිද්ධියකට අදාළවය. නාවික හමුදා බුද්ධි අංශයේ ලුතිනන් කමාන්ඩර් සුමිත් රණසිංහ සහ නායක සෙබළ ටී.ඇල්. උදයකුමාර හිරේ දාගෙන ඉන්නේ එල්.ටී.ටී.ඊ. මූල්‍ය ජාලයේ 11 දෙනකු අතුරුදන් කළ බවට චෝදනා නඟාය. මේ බුද්ධි බළකා සාමාජිකයන් යුද්ධ පවතින කාලයේ තම දිවි පරදුවට තබා රට බේරාගන්නට කැපවූවෝ වෙති. සී.අයි.ඩී. එකේ ශානි අබේසේකර යටතේ කටයුතු කරන අයි.පී. නිශාන්ත ද සිල්වා හෙවත් කන්දප්පා කොටි ගෝලීය ජාලයේ විනයාගම්ලාට වුවමනා පරිදි මේ වැඩේ කරගෙන යන්නේ කාගේවත් බාධාවකින් තොරවය.

සිද්ධ වෙන දේ එකකි. ජනපතිගේ කතාව තව එකකි. මංගලගේ කතාව තවත් එකකි. වෙන දේ, කියන දේ, හා කරන දේ අතර ඇත්තේ අහසට පොළොව වැනි වෙනසකි.
මේවා බලන් ඉන්න අයට හිතෙන්නේ ජනපතිගේ දේශප්‍රේමය, 'වඳ ගෑනිගේ දරු සෙනෙහේ වගෙයි' කියාය. එහෙම නැත්නම් හිතෙන්නේ 'මෛත්‍රි නමැති වළංකාරයාගේ හය මාසෙක වැඩ මංගල නමැති පොලුකාරයාගේ එක පාරින් ඉවරයි' කියාය. නිවැරැදි වන්නේ මේ දෙකෙන් කෝකදැයි කියා සිතන්නට තාමත් කාලය මදිය.
කොහොම වුණත් පරණ ජනකවි සිහියට නැඟෙන්නේ මේ වගේ වෙලාවල්වලදීය.

'උෟරා මඩ කළත් උෟ වපුල බිජු නැතී
බළලා කපු කටී උෟ වියන රෙදි නැතී
මීයා ලී කපයි උෟ හදන බඩු නැතී
නරියා සිංහ වෙස්ගත් පසුව රැවටෙතී

ආදිපාද
Read more
Thursday, March 16, 2017
රනිල් - මලික් ආර්ථික (?) න්‍යාය!  -

රට, ඊනියා ජාත්‍යන්තර ණය උගුලේ තව තවත් හිරකරමින්, වංචා, දුෂණ සහ අක්‍රමිකතා සඳහා තව තවත් ඉඩ හදමින්, ආණ්ඩුව මේ යන ගමන ඉතාමත්ම භයානක ය. එයින් කියවෙන්නෙ, රාජපක්ෂ පාලනය තුළ, රටට හොඳ ආර්ථික ගමනක් තිබුණු බව නොව, ඔවුන් නවත්තපු තැනින්, රට තවදුරටත් විනාශය කරා තල්ලු කරගෙන යන බවය.
1977 න් පටන් ගන්න මේ විනාශකාරී ගමන් දිශාව, මේ වනවිට, එනම්, දශක හතරක් ගෙවෙන තැන, රටට අත්කර දී ඇති පරාජයන් අතිශය බරපතළය. විශේෂයෙන්ම, තවදුරටත් සංවර්ධනය කරමින් ඉදිරියට ගෙන ආ යුතුව තිබූ රාජ්‍ය ව්‍යවසායන් පියවරෙන් පියවර ඔවුන් එකතුව, විකුණා දමමින් ඉන්නවා. 1948 න් පස්සෙ අනිවාර්ය හේතු මත නිර්මාණය වන සුභ සාධන රාජ්‍ය ක්‍රමය තුළ ලංකාව රටක් ලෙස දිනාගත් ජයග්‍රහණ සියල්ලම මේ වනවිට පරාජයන් බවට පත් කෙරෙමින් තියෙනවා.
රාජ්‍ය, අර්ධ රාජ්‍ය, පුද්ගලික සහ බහු ජාතික කියන ආර්ථික ක්‍රම වේදයන් කරට කර තබා තරඟකාරී ලෙස පවත්වාගෙන යමින් ශක්තිමත් සහ ස්වාධීන රාජ්‍යයක් ලෙස ලෝකය තුළ හිටගන්න අපිට බැරි වුණේ, අපේ ඔලමොට්ටලකම නිසාමයි. රටේ කොඳු නාරටිය වන කෘෂිකර්මාන්තය විනාශකරමින්, ඒ වෙනුවට තොරතුරු තාක්ෂණයෙන් ලෝකය දික්විජය කරන්න පුළුවං කියලා හිතන අපේ ආර්ථික විශේෂඥයෝ, මොන විශේෂඥයෝ ද? සේවා ආර්ථිකයක් ගැනත් නිකං විකාරෙන් වගෙ කියවනවා! මොනවද මේ සේවා? 1977 අනුහසෙන් අන්න අපේ කාන්තාවො, මද පෙරදිග අපා දුක් විඳිනවා, කවුද දැන් ඒකට වග කියන්නෙ? JR ද? මේකට නං සංවර්ධනය කියන්නෙ, අනේ! ඒ සංවර්ධනය අපට එපා!
හැබැයි එහෙම කිව්වට බැහැ!
එදා, බ්‍රිතාන්‍ය යටත් විජිතයක් විදිහට රට පීඩාවට පත් වෙද්දි, එය සාධාරණීකරණය කරන්න කළු සුද්දො සෙට් එකක් හැදුණා වගේ, මේ ජාවාරම්කාර - ගොන් ආර්ථික වැඩත් එක්ක, පවුල් පිටින් ගොඩයන්න හදන සහ ඒ වෙනුවෙන් කොන්දේසි විරහිතව පෙනී ඉන්න ඊනියා බුද්ධිමතුන් සෙට් එකක් දැන් ඉන්නවා. මහාචාර්ය, ආචාර්ය, අර චාර්ය, මේ චාර්ය...කියලා.
දරන්න බැරි! ඒ අති බහුතරය, මේ රටේ වැඩකරන ජනයාගෙ බදු මුදලින් හැදිච්ච එවුන්, සමහරු මැරෙන්න ඔන්න මෙන්න!
රටේ ඉදිරි ආර්ථික ගමන ගැන සියළු තීරණ ගන්නෙ ලෝක බැංකුව සහ ජාත්‍යන්තර මූලය අරමුදල. රවී කරුණානායක ලා නිකං ( ඒත් ලාභ ලබන!) රූකඩ! රනිල් - මලික් කල්ලිය තමයි දැන් වැඩේ අතට අරගෙන ඉන්නෙ, එදා බැසිල් - නාමල්!
ඒ අස්සෙ, විදේශගත සමහර සහෘදයො, මට කතා කරලා මෙහෙම කියනවා.
''ඔබතුමාගෙ අදහස් හොඳයි...ඒ වුණත් ඔය සෞඛ්‍ය - අධ්‍යාපනය විකුණන කතා පිළිගන්න බැහැ! තරහා වෙන්න එපා! බලන්න මේ රටවල් දිහා...මම නං මෙහෙ දැන් අවුරුදු 30 ක් විතර...ආයෙ ලංකාවට එන්න බලාපොරොත්තුවක් නැහැ...ළමයිත් ඉතිං ලංකාවට වඩා මෙහාට කැමතියි...මම නං කියන්නෙ ඔය නිදහස් අධ්‍යාපනය කියලා එකක් වැඩක් නැහැ...ඇයි ඉතිං සල්ලි දීලා ඉගෙන ගන්න බැරි?''
ඉතිං ඒ වගෙ අයට දෙන්න උත්තරයක් දැනට නං නැහැ!
කොහොම වුණත්, ලංකාවෙ ආර්ථික දැක්ම ඉතාම අපූරුවට නිරුපණය කරන කාටුන් චිත්‍රයක් තමයි මේ!
මෙතැන මලික් නැතිවුණාට රනිල් ඉන්නවනෙ.
මතකනෙ 'රනිල් - මලික්' ආර්ථික (?) න්‍යාය!
CHAPA
Feb19, 2017
Read more
Wednesday, March 15, 2017
උදයංග වීරතුංග ලංකාවේ විදේශ සබඳතා අවුල් කරන මෙහෙයුමක

යහපාලන රජය පසුගිය කාලයේ ඉන්දියාව චීනය හා රුසියාව අතර ඇති කර ගත් සම්බන්ධතා තර කර ගැනීමට කටයුතු කළ අතර කෙසේ නමුත් රුසියානු සම්බන්ධතා තර කර ගැනීම වළක්වාලීමට සදහා අදිසි හස්තයක් ක්‍රියාත්මක වන බවට තොරතුරු අනාවරණය වී තිබේ.

මේ වන විට හෙළිදරව් වන පරිදි යුක්රේන් මාශ් (ukraine mash) නැමැති සමාගම උදයංග වීරතුංග සමග එක්ව රහසිගත සැලසුම්කට අනුව මෙකී සම්බන්ධතා කඩාකප්පල් කිරීමට ලංකා ලොජිස්ටික් නැමැති සමාගමට මුදල් ලබා දී ඇති බවට අනාවරණය වී ඇත.

අදාළ සමාගමේ ප්‍රධාන විධායක නිලධාරී ලලිත් ලියනගේ මේ සදහා හවුල් කොට ගෙන ඇති අතර ඔහු විදේශ කටයුතු සම්බන්ධයෙන් මෙකී බලපෑම සිදුකරන බවට වාර්තා පළවේ.

කෙසේ නමුත් මෙහි මුඛ්‍ය පරමාර්ථය වී ඇත්තේ අනෙකුත් රටවල් සමග පවත්වන සම්බන්ධතා කඩාකප්පල් කොට යුක්රේනය සමග වන විදෙස් සම්බන්ධතාවය පවත්වාගෙන යාම බවට මේ වනවිට තොරතුරු හෙලිවී තිබේ.

එක්සත් ජාතීන්ගේ සංවිධානය විසින්ද යුක්රේනය සම්බන්ධයෙන් වන විදෙස් ප්‍රතිපත්තිය තරයේ විවේචනයට ලක් කොට සිටින අතර මෙවැනි සම්බන්ධතාවයක් ගොඩ නැගීම තුළින් අනෙකුත් රාජ්‍යයන් සමග නිර්මාණය වී ඇති සම්බන්ධතාවන් පළුදු කිරීම මෙකී සැලසුමේ අනෙක් පරමාර්ථය බවද තොරතුරු වාර්තා වේ.

පසුගිය යුද්දය පැවැති කාල වකවානුවේදීද මෙය දැඩි සේ ක්‍රියාත්මක වූ අතර එහිදී ලංකාව සමඟ සම්බන්ධතා තර කර ගත් ඉන්දියාව රුසියාව හා චීනය සම්බන්ධතා බිද දැමීමට කටයුතු කළ අතර එක් අවස්ථාවක ඉන්දියාවෙන් ලැබුණු ගැණුම් 800ක් පමණ අවලංගු කිරීමට තරම් මෙකී යුක්රේන් මාෂ් සමාගමේ බලපෑමක්ද විය.

මේ වන විටද ලලිත් ලියනගේ හරහා සිදුකරමින් පවතිනුයේ එකී ක්‍රියාදාමයම වන අතර උදයංගට අමතරව මේ සදහා මුල් වී ඇති පිරිස් ඉදිරියේදී හෙළිකිරීමට ද අප බලාපොරොත්තු වෙමු.

යහපාලන ආණ්ඩුව මගින් ගෙන යනු ලබන විදෙස් ප්‍රතිපත්තියේදී ජනාධිපතිවරයා අගමැතිවරයා හා මංගල සමරවීර ඇමතිවරයා ඉහත කී චීනය රුසියාව හා ඉන්දියාව සමග වන සමීපතම විදෙස් ප්‍රතිපත්තියට මෙම සැලසුම්කරුවන්ගේ ක්‍රියාදාමයන් මගින් දැඩි බලපෑම් එල්ල වීමේ අවධානමක් පවතින බවටද තතු දත් ආරංචි මාර්ග පවසයි.
Read more
Saturday, March 11, 2017
පනිට්ටුවට වැසිකිළි යන වැලිකඩ බෝඩිම

සතියටම පොල්තෙල් හැන්දයි! වැලිකඩ සබන් වලින් හම ගැලවෙනවා. වැසිකිලි යන්නේ බාල්දියකට! සිරකරැවන් මනුෂ්‍යයෝ ද?
ලංකාවේ බන්දනාගාර වල ඇති ගැටලු සම්බන්දයෙන් වැලිකඩ බන්ධනාගාරය ආශ්ර්යෙන් කරනු ලබන කරුනු පැහැදිලි කිරිම
වැලිකඩ බන්දනාගාරයේ පිහිටිම හා වපසරිය
කොලබ 09 බේස්ලයින් පාරට මුහුනලා අක්කර හැටක පමන භූමිබාගයක් පුරා මෙම බන්දනාගාර පරිසය පිහිටා ඇත. එහි ප්රනධාන බන්දනාගාරය හා බන්දනාගාර මුලස්ථානය පිහිටි බන්දනාගාරයේ වර්ෂ 2007 ජුනි මස 25 වන දින සිට 2014 එක්තෝබර් මස 30 දින දක්වා දේශපාලන රැදවියෙකු ලෙස රක්ෂිත බන්දනාගාරයේ දිර්ග කාලිනව හදිසි නිතිය හා ත්ර ත්තවාදය වැලැක්විමේ පනත යටතේ රදවා සිටි හේවා දලුගොඩගේ සහන් කිර්ති යන රැදවියා විසින් සිය අත් දැකිමි හා බන්දනාගාරයේ ඉහල නිලදාරින් සමග සාකච්චා කර රැස්කර ගත් තොරතුරු අනුව මෙම බන්දනාගාරය හා ලංකාවේ සියලුම බන්දනාගාර වල ඇති ගැටලු හා පුනරුත්තාපන මුලදර්මයන් ක්රිියාත්මක නොවිම සම්බන්දයෙන් ඉදිරිපත් කරනු ලබන කරුනු වල සම්පුර්න සම්පිඩිත වාර්තාව මේ ආකාරයෙන් ඉදිරිපත් කර සිටියි.
වැලිකඩ බන්දනාගාරය තුල ඇති රැදවියන් මුහුන දෙන ගැටලු
ආහාර හා සනිපාරක්සක පහසුකම්
මුලික රදවා තැබිය හැකි ජාතන්තරව පිලිගත් කුමවේදයන්නට අනුකුල නොවන ආකාරයෙන් විශාල රැදවියන් ප්රනමානයක් රදවා සිටින අතර මෙහි ඉඩකඩ ප්රවමානය රදවා සිටින රැදවියන් ගනනට වඩා අතිශයින්ම සිමිතය.
කාමර පහසුකම්
මෙම කාමරයක රදවා තිබිය හැක්කේ එක් සිරකරුවෙකු පමනක් වුවවත් දැනට මෙම වර්ග ප්රකමානය 6-10 කාමරයක රැදවියන් 3-8 ත් අතර ප්රාමානයක් රදවා තබා තිබෙන අතර එය බන්දනාගාර ආඥාපනත අනුව සිරකරුවන්ගේ අයිතිවාසිකම් කඩ කිරිමකි. තවද මෙම කාමරයක රදවනු ලබන රැදවියෙකු සදහා අනිවාර්යෙන්ම පැදුරක් හා කොට්ටයක් ලබා දිය යුතු වුවත් එවැනි දැ ලබාදෙනු නොලැබේ. මේ නිසා රැදවියන් මුහුනපාන ගැටලුව ලෝක නිතයට අනුව පවා මනුෂත්වයට කරනු ලබන අවමානයකි. යම් රැදවියෙකු බන්දානාගාර ගතකල විට නිතියට අනුව එම සිරකරුට ජම්පර් ඇදුමක් පිගානක් හා කෝපයක් ලබා දිය යුතු වුවත් එවැනි දැ ලබා දෙනු නොලබයි. නිදසුනක් ලෙස ඇතැම් රැදවියන් සිලි සිලි මලු වලට ආහාර ගෙන කැම කන අවස්තා අනත්තවත් ඇත.
ආහාර පහසුකම්
සියලු රැදවියන්ට තුන්වේල කැම ලබාදෙනු ලබන නමුත් ලබා දෙන ආහාර නියමිත ප්ර මිතියෙන් හා ප්රසමානවලින් මෙන්ම පෝෂණ ගුනයෙන්ද තොරය. නිසි පෝෂණයෙන් තොර ආහාර ලබා දෙන නිසා රැදවියන් කායික හා මානසික රෝගින් බවට පත්විම වැලැක්විය නොහැක.
සනිපාරක්ෂක පහසුකම්
මේ අනුව මුලිකවම වැසිකිලි පහසුකම් රදවා සිටින රැදවියන් ගනනට සමානව කිසිසේත්ම ප්රරමානවත් නැත. නිදසුනක් ලෙස පැයක් වැනි කාලයක් තුල තම ශරීරකෘතිය කර ගැනීමට රැදවියන් 2500 කට ආසන්න ප්රරමානයට ඇත්තේ වැසිකිලි 50 කට ආසන්න ප්රනමානයකි. වැලිකිසි තුල ජල පහසුකම් නොමැති අතර වෙනත් ස්තානයකින් වතුර පනිට්ටුවක් රැගෙන ගොස් වැසිකිලි යාමට හා මුහුන සේදිමට සිදුව ඇත. වැලිකඩ බන්දනාගාරයේ චැපල් අංශයේ රදවා සිටින රැදවියන් හවස 5 ට පමන සිරමැදිරි තුලට ගාල්කල පසු නැවත එම කාමර අරිනු ලබන්නේ පාන්දර 6ට පමනය. රැදවියන් සිරමැදිතුල සිටින මුලු රාත්රි ය පුරා වැකිකිලි හා කැසිලිකි පහුසකම් ලබාගත නොහැකි අතර මුත්රා කිරිමට සිදු වන්නේ ප්ලාස්ටික් බෝතල් හා වැලිකඩ බන්දානාගාරයෙන් ලබාදෙන පනිට්ටුවකටය. මිට අමතරව වැසිකිලි යාමට සිදුවන විට එයද එවැනිම ආකාරයෙන් කාමරය තුල පනිට්ටුවකට සිදුකල යුතුය. එක් රැදවියෙකු රදවා තැබිමට සාදා ඇති කාමරයක 5ක් දෙනෙකු හෝ ඉට වැඩි ගනනක් රදවා සිටින විට මේ පිරිස මුලු රාත්රිකය පහන් කල යුතු ආකාරයේ කටුක බව වචනයෙන් විස්තර කල නොහැක.
ජල පහසුකම්
දිනකට එක් සිරකරුවෙකුට ස්නානය කිරිම සදහා ලබා දෙන වතුර ප්රකමානය කිසිසේත් ප්රදමානවත් නැත. මේ අයට ලබාදෙන වැලිකඩ බන්දනාගාරයේ නිෂ්පාදිත සබන් කිසිදු ප්රදමිතියක් නොමැති අතර රෙදිසේදිමට පවා ඒවා සුදුසු නොමැත. අධික කෝස්ටික් සෝඩා ප්රපමානයක් ඇති එම සබන් ඇගේ ගැ විට හම ගැලවි යයි. එම සබන් පවා එක් සිරකරුවෙකුට ලබා දෙන්නේ සති දෙකකට එක් කුඩා සබන් කැටයකි. හිසේ ගාන්නට සති දෙකකට පොල්තෙල් මේස හැන්දක් පමනක් ලබාදෙනු ලබයි.
වෛද්ය පහසුකම්
සිරකරුවන් අතර බෝවන රෝග හා චර්ම රෝග බහුලව දක්නට ඇත ඊට හේතුව වන්නේ ආහාර වල පෝෂණ ගුනය අඩුකම ඇදුම් පිරිසිදු කිරිමට ඇති අඩු පහසුකම් හා රැදවියන්ට පිරිසිදුව ඉන්ට තරම් ජල පහසුකම් නොමැති නිසා රැදවියන් දෛනිකව රෝගි වෙයි. බන්දනාගාරය තුලට දෛනිකව පැමිනෙන වෛද්යලවරුන් එහි රැදි සිටින්නේ සිමිත වේලාවකි. තවද මෙම වෛද්යනවරුන් නියමිත සුදුසුකම් සහිත අය නොවන අතර බන්දනාගාර රෝහල පිහිටා ඇත්තේ වැලිකඩ බන්දනාගාරයෙන් පිටත වන අතර හදිසි රෝගි තත්ත්වයකදි සියලු නෛතික විදි විදාන අනුගමනය කර රෝහලට රැගෙන යන විට පැයකට ආසන්න කාලයක් ගත වන අතර ඒ නිසා බෝහෝ රෝගින් මිය යයි. බන්දනාගාරය තුල අත්යනවශ්ය් බෙහෙත් නොමැතිකමද බරපතල ගැටලුවකි.
අනිත් අතට බන්දනාගාර රෝහල තුල සැත්කම් සදහා පහසුකම් මෙන්ම සමහර රෝහලක තිබිය යුතු මුලික පහසුකම් පවා නොමැති නිසා ජාතික රෝහලෙන් එය ලබා ගැනිමට සිදුවෙයි. එහිදි ජාතික රෝලහට රැදවියන් ඉදිරිපත් කිරිමේ දි බන්දනාගාර දෙපාර්තමේන්තුවේ ඇති පරිපාලන අඩුපහඩු හා නොසැලකල්ල නිසා ද රැදවියන් මිය යන අවස්තා ඇත. බන්දනාගාරය තුල ලිංගාශ්රියත රෝග ව්යඅප්තිය ඉතා වැඩි අතර ලිංගාශ්රියත රෝග බෝවිමට බහුල ඉඩක් ඇත. රෝගින් වෙන්කර රදවා තැබිමේ ක්රලමවේදයක් නැත..
නඩුකටයුතු නිසා සිදුවන අසාධාරනකම්
අධිකරනවලින් ලැබෙන අසාධාරන තින්දු වලට ලක්වුවන්ට නිති ආධාර ලබා ගැනිමට හැකි නිසි ක්රවමවේදයක් ක්රිනයාත්මක නොවිම නිසා රැදවියන් දිර්ග කාලිනව බන්දනාගාර ගතවිම. නිදසුනක් ලෙස මහේස්ත්රා්ත් අදිකරනයේ කමිස 12ක් සොරකම් කල අයෙකුට එක් කමිසයකට වසර 2ක බැගින් වසර 24 ක සිර දඩුවමක් ලබා දිම. මෙවැනි රැදවියන්ට මුදල් වියදම් කර අභියාචනා කිරිමේ හැකියාවක් ද නැත.
බන්දනාගාර අඥාපනතේ සිකරකරු ප්තිපාදන ක්රිියාත්මක නොවිම
වසර 1994 ට පෙර ක්රිියාත්මක වු රැදවියන් පුනරුත්තාපනය කර නැවත සමජගත කිරිමේ ක්රිමවේදය ඇතුලත් බන්ධනාගාර ආඥා පනතේ 40 වගන්තිය දැනට අක්රි්යව තිබිම. බන්දනාගාරයෙන් පිටත වැඩ සහන සදහා යොදවා ඇති රැදවියන්ට නියමිත යම් යාවත්කාලින වැටුපක් ලබා දෙනු ලැබුවද ඒහා සමාන සේවාවක් බන්දනාගාරය තුල සේවය කරන රැදවියන්ට ලබා නොදිම. එමෙන්ම පුනරුත්තාපනය කරනු ලබන රැදවියන්ටද තම දඩුවම් කාලය ගෙවා යලි සමාජගත වන්නට ඇති අවස්තාව ඉතා සිමිත විම නිසාම මේ රැදවියන්ගේ පවුල් වල අය විශාල අගතියකට මුහුන දිම.
රැදවියන් සියලු දෙනාම අධිකරනයෙන් වරදකරුවෙකු කල පසු ඒ අයගේ තරාතිරම කල අපරාදය සලකා ඒ අයට අසාමන ලෙස සැලකිමට බන්දනාගාර නිලධාරින්ට හැකියාවක් නැත. කල වරද මත පදනම් වන්නේ නම් අඩුම තරමේ මේ අය වෙන වෙනම රදවා තැබිය යුතුය. මේ නිසා අධිකරනයෙන් වරදකරු වු රැදවියන් බන්දනාගාරය තුලදි නැවත අනියමින් දඩුවමකට යටත් කිරිම සිදුවිම අසාධාරනය. අනෙක් අතට මරණීය දන්ඩනයෙන් සිර දඩුවම් ලැබුවන් කිසිදු පුනරුත්තාපන ක්රිනයාදාමයකට යටත් නොවන අතර මේ රැදවියන් දිර්ග කාලයක් නිකරුනේ ගාල්කර තැබිම. ජනාධිපති විසින් ව්යිවස්ථාවට අනුව ලබාදෙන පොදු සමාව නිතිපති දෙපාර්තමේන්තුව විසින් කල වරද අනුව වර්ග කර ඇතැම් වරදවල් අනුව ජනාදිපති පොදු සමාව අහිමි කිරිම කටයුතු සම්පාදනය කිරීම
තවද මේ වන විටත් මෙම ජනාධිපති පොදු සමාව යටතේ මහින්ද රාජපක්ෂට හිතවත් බොහෝ අපරාධකාරයන් නිදහස් කර තිබෙන අතර අහිංසක කිසිවක් කර කියාගත නොහැකි රැදවියන් නිකරැනේ අපාදුක් විදීම. දුම්න්ද සිල්වා වැනි වරප්රිසාදිත සිරකරැවන් සම්බන්ධයෙන් නැවත සමාලෝචන සිදු කරන නමුදු වෙනත් රැදවියන් තිරිසන් සතුන් ලෙස ගාල්කර සිටියි. මේ සම්බන්ධයෙන් බන්ධනාගාර රැදවියන්ගේ අයිතිවාසිකම් සදහා වන කමිටුව වශයෙන් අප දිගින් දිගටම යහ පාලන රජය දැනුවත් කලද යහ පාලන ආණ්ඩුව ඒ ගැන තඹ දොයිතුවකට මායිම් නොකරයි.
ලංකාවේ බහුතරයක් සිතන්නේ බන්ධනාගාර ගත කරන්නේ වරදකරැවන් නිසා ඔවුන් වෙඩ් තබා මැරැවත් ඔවුනට කන්න නොදුන්නත් නාන්න නොදුන්නත් කිසිදු ගැටලුවක් නොවන බවය. නමුත් අප සැවොම කල්පනා කළ යුත්තේ මේ හිරගෙවල් වල හෙට දින අපට ඉන්නට සිදුවීම සිදුවිය හැකි බව නොවෙද? අප විසින් හෙට දින උදෑසන 10 ට වැලිකඩ බන්ධනාගාරය අසලට රැස්ව යහ පාලන ආණ්ඩුවට බල කරනු ලබන්නේ සිරකරැවන් මනුෂ්යණයන් බව පිළිගන්නවා නම් බන්ධනාගාර රැදවියන්ට මනුෂ්යණයන්ට හිමි මූලික පහසුකම් හෝ ලබා දෙන ලෙසය. නැතිනම් බන්ධනාගාර තාප්පයේ ඇති දැන්වීම් පුවරැව සිරකරැවන් අමුනුෂ්යනයෝය ලෙස වෙනස් කරන ලෙසය. මානව හිතවාදී සියලු පුරවැසියන්ට හෙට දින වැලිකඩ බන්ධනාගාරය අසලට පැමිණ අප සමග එක්වන ලෙස අප ඉල්ලා සිටිමු. අරගලය ජයග්රෙහණය කරන තුරැ නතර නොකරන්නට අප සපථ කරන්නෙමු.

තුෂාර එන් දස්කොන්
සේනක පෙරේරා
සුදේශ් නන්දිමාල්
බන්ධනාගාර රැදවියන්ගේ අයිතිවාසිකම් සුරැකීමේ කමිටුව
Read more

Popular Posts

Popular Posts