Open top menu
Wednesday, October 18, 2017
සන්නස්ගල අතෑරීම ඉගෙන ගත්තේ ඔටාරාගෙන් නෙවෙයි......නාකි නරියෙක්ගෙන් .

සන්නස්ගල ටියුෂන් නවත්තනවා කියපු පොස්ට් එකට විවිධාකාර ප්‍රතිචාර තිබෙනු දුටුවා. ඉන් වැඩිමනක් තිබුනේ ගුරු තරුව බැස ගියාය / වාවනු කෙලෙස මේ දුක/ මල් දහසක සිරස නැවෙයි / පීතෘ සෙනෙහෙන් සිප් කියා දුන්, ගුරු පාද පියුම් සුවදයි / ඔබට සුබ ගමන්/ ආදරෙයි අහස තරම්// වගේ අදෝනා සහ විලාප පමණයි. ඒ අතර Isuru Arunabha කුමාර
[ගෝලයො නෙමෙයි ශිෂ්‍යයො හදන්න කියා දෙන්නෙ අලුත් දැනුම] යනුවෙන් සන්නස්ගල
කියපු ප්‍රකාශයට අදාලව වැදගත් ප්‍රශ්නයක් අසා තිබුණා. ඒ තමයි වසර 30ක් තිස්සේ උගන්වපු සිංහල භාෂාවට සන්නස්ගල මහතා එකතු කර තිබෙන නව ප්‍රවාද මොනවා ද යන්නයි. ඉතිං ඒකට උත්තරයක් නම් දීලා තිබුණේ නෑ. සිංහල භාෂාවට කළ ශාස්ත්‍රීය සම්ප්‍රදාන කෙසේ වෙතත් විද්වතුන්ගේ ශාස්ත්‍රීය පර්යේෂණවල බුද්ධිමය කරුණු නම් තම කෘතිවලට උරා ගැනීමට සෑහෙන්න දක්ෂතා තිබෙන බව පියසේන කහඳගම සූරීන්ගේ අත්දැකීම් අනුව අපිදු දනිමු.
ඊළගට ගුත්තිල මුසිල ගැන කියා ඇති මරි මෝඩ කතාවට Yohan Nalaka විශිෂ්ට පිළිතුරක් දී තිබෙනු දුටිමි. එනිසා ඒවා ගැන කිසිවක්ම නොකියා පන්ති නතර කිරීම ගැන ඔහු සමාජයට කියන බොරුව හෙළිදරව් කිරීම පමණක් මෙහි සීමාව කර ගන්නවා. සන්නස්ගල කියා තිබුනේ පන්ති නැවත්වීම ඔස්සේ තමා අත්හැරීම පුරුදු කළ බව. ඒ අත්හැරීම ඉගෙන ගත්තේ පන්සලේ හාමුදුරුවන්ගෙන් නොව ඔඩෙල් එකේ ඔටරාගෙන් බවයි. මේ බොරුව අපට විග්‍රහ කරගන්න හරිම පහසුයි එයාගෙම උදාහරණයකින්. සමහරු ඇත්ත හේතුව වහලා වෙන වෙන දේවල් කියනවා. උදාහරණයක් විදිහට ඉස්කෝලේ යන ළමයෙක් ගෙදර ඇවිල්ලා කියනවා අම්මේ ඒ ඉස්කෝලේ හරි නෑ.හොදට උගන්වන්නේ නෑ ගුරුවරු හොද නෑ ඒ නිසා වෙන ඉස්කෝලයක් හොයලා දෙන්න කියලා. ඇත්ත හේතුව තමයි ළමයට ස්කුල් වෑන් එකේ චූ ගිහිල්ලා . ඔහු ඒ ඇත්ත හේතුව නොකියා ගෙදර ඇවිත් වෙන වෙන කතා කියනවා. ඒ වගේ තමයි සන්නස්ගලත් අත්හැරීම ඔටාරාගෙන් පුදුරු වුණා කියන කතාවත්.
ඇත්තටම ඔහුට සිද්ද වුණේ යහපාලන ආණ්ඩුවේ අධ්‍යාපන ඇමති වෙන්න ඡන්දය ඉල්ලන්න ගිහින් සාර්ථකව කරගෙන ආව පන්ති ටික බංකොළොත් වීම. එයා කළේ ගෝලයෝ උගන්වන්න දාලා පොකැට් මීටීන් අමතන්න යාම. ඡන්දය තිබ්බේ අගෝස්තු නිසා මැතිවරණ ප්‍රචාරණ කාලය කියන්නේ උසස් පෙළ සිසුන්ට වැදගත්ම මාස කීපයක්. ඔහු ඡන්ද කරන අතරේ ළමයි වැඩි දෙනා වෙනත් ගුරුවරු ළගට ඇදුනා. කුරුණෑගල වගේ පන්ති නම් පේරාදෙණියේ කථිකාචාර්ය අත්තනායක එම්.හේරත් වැනි වෙනත් ගුරුවරුන්ගේ අතික්‍රමණය නිසා කල්තියා වැහුණා. ගම්පහ සහ නුවර පන්තිවල ඉරණමත් ඒකයි. අන්තිමට ඉතුරු වෙලා තිබුනේ නුගේගොඩ පන්තිය විතරයි. ඒකත් ඡන්ද ඉල්ලන්න ගිහිං නැතිවුණා. ඊට පස්සේ ඔබට මතක ඇති පසුගිය අප්‍රේල් 30 දා royal තැප්‍රෝබේනියන් කියලා නමක් දාගෙන ලංකාවේ හොදම ගුරුවරු සෙට් එක කියාගෙන විජේරාමේ පන්ති පටන් ගන්න හැදුවා. (දාපු සද්දය නම් විශ්වවිද්‍යාලයක් විවෘත්ත කරන්න හදනවා වගේ.) ඒක හරි ගියෙත් නෑ. මට යාලුවෙක් කිව්වා මාලබේ පැත්තෙත් පන්ති කරන්න ගිය බව. මොකද එතකොට හෝකන්දර අතුරුගිරිය මාලබේ වගේ පැතිවලින් නුගේගොඩට අනෙක් ගුරුවරුන්ට ඇදෙන ළමයි ටික වළක්වන්න පුළුවන්. ඒක සාර්ථක වෙලත් නෑ ඉස්සර බයිපාස් සැත්කම කරාට පස්සෙත් කිව්වේ මට බය නැතුව තව අවරුදු 20 උගන්වන්න පුළුවන් කියන එක.
එහෙම කෙනා තමයි දැන් කියන්නේ පන්සලේ හාමුදුරුවන්ගෙන් නෙමේ ඔටාරාගෙන් අත්හැරීම ඉගෙන ගත්තු බව.ඇත්තටම ඔහු අතෑරිම ඉගෙන ගත්තේ ඒ දෙන්නගෙන්ම නෙමේ. අර උඩ පැනලා බැරිම තැන මිදිත් තිත්තයි කියලා අතෑරපු නරියගෙන්. ළමයි 1500ක් විතර හිටපු පන්තියක් ළමයි 30කට 40කට වැටුණාම කළිසමක් ඇදගෙන උගන්වන්න බෑ තමයි.
.
රත්තනදෙණියේ මේධානන්ද හිමි




Read more
Saturday, October 14, 2017
සන්නස්ගලට පුළුවන්ද අපේ රටේ ගුරු ගීතය ලියන්න.

මට උපුල් ශාන්ත සන්නස්ගල හබ්බ වුනෙ තප්පර 30කට. විහාරමහා දේවි එකේ චිත්‍රාල්/චාපා කරපු රොක් කොන්සර්ට් එකේ දි විමල් කැටපේ එක්ක කථා කදයක් ගහගෙන ඉන්නකොට සන්නා එතැන්ට මතු වුනා.
ඒක පුංචි හදුන්වාදීමක් විතරයි.නමුත් මිනිහෙක්ව මැන ගන්න පුළුවන් වචන දෙක තුනක් ඒ හමුවීමේ මම දැක්කා.
අනුන්ගෙ ඕපදුප හොයන එක ජාතියේ ජාන වලින් ආපු දෙයක් නිසා සන්නා ගුරු දිනයේදී වසර 30ක ගුරු දිවියෙන් සමුගන්නා බව ලියපු ෆේස් බුක් සටහනෙ කොමෙන්ට්ස් ටික ඔක්කොම කියෙව්වා.
ජේසූස්ව සුද්ධෝත්තමයෙක් ලෙස ඉහලට එසවීමෙ සිට කුරසයෙ තබා ඇණ ගැසීම දක්වා වු සියල්ල ඒ කොමෙන්ට්ස් වල තිබුනා.මගෙ බ්‍රේක් නැති අතින් සුභ පැතුම් කියලා ලියලා බේක් කර ගත්ත ඔක්කොම කියවලා පස්සෙ දෙන්නම් කියලා හිතාගෙන.
උපුල් ශාන්ත සන්නස්ගල යනු කුමක්ද?
මෙහෙම ප්‍රශ්නයක් අපේ සිංහල පංතියෙ ඇහුවා නම් සන්නා මේ ප්‍රශ්නයේම තියන වැරදි සිංහල පෙන්නලා දෙයි.
නමුත් මගෙ ප්‍රශ්නය හරි..ඔහු කවුද කියලා ඇහුවොත් කෙට් පිළිතුර ටියුෂන් ගුරුවරයෙක්, මනාප ටිකක් ලැබුනා නම් එ.ජා.ප ගරු කටයුතු පාර්ලිමේන්තු මංත්‍රි කෙනෙක් වගෙ එකක් කියන්න පුළුවන්.
නමුත් සන්නා යනු කුමක්ද?
1977 ජේ.ආර් ජයවර්ධන විවෘත ආර්ථක හෙවත් ප්‍රාග්ධන ගිණුම විවෘත කිරීම කරනවා.ඊට පස්සෙ ඔහු ජනතාවට යෝජනා කරනවා බල්ලෝ මරලා හරි සල්ලි හොයන්න කියලා.ඒ ජේ.ආර්ම ආයෙත් අහනවා සාහිත්‍යය කන්නද කියලා?
සන්නස්ගල යනු ජේ.ආර් ලබා දුන්න අවස්ථාවෙන් උපරිම ප්‍රයෝජන අරන් ජේ.ආර්ට ඇරපු එකෙක් කිව්වොත් ටිකක් මංඤං වගෙ.
මේක ටිකක් දේශපාලනිකව කියව ගත්තොත් අර ජේ.ආර් ලබා දුන්න මොකක් හරි කරලා සල්ලි හොයා ගනින් කියලා ලබලා දුන්න අවස්ථාව ප්‍රයෝජනයට අරන් , ජේ.ආර් කන්නද කියලා අහපු සාහිත්‍යය විකුණගෙන ලිබරල් ධනවාදය ඇතුලේ සාර්ථක ගේම් එකක් ගහපු කෙනෙක් කිව්වොත් තේරෙයිද මංදා. තවත් සරළ කලොත් ජේ.ආර්ගෙ ක්‍රමය අස්සෙ ඕනම දෙයක්, ඒ කියන්නෙ ජේ.ආර් කන්නද කියලා අහපු සාහිත්‍ය පවා විකුණ ගත්ත එල පොරක්.
මම සන්නගෙන් ඉගන ගෙන නෑ.ඒක ටිකක් වෙනස් විදිහකට කිව්වොත් ඉගන ගන්න අවස්ථාවක් ලැබිලා නෑ.
ඒකට හේතුවක් තිබුනා.අර ජේ.ආර් කිව්ව කථාව අපේ අම්මා මට නිතරම කිව්වා.
සාමන්‍ය පෙලට සිංහල භාෂාවට විශිෂ්ඨ සමාර්ථයක් ගන්න මට උසස් පෙළට කලා විෂයන් කරන්න මගෙ මව ඉඩ දෙන්නෙ නෑ.
පේරාදෙණිය විශ්ව විද්‍යලයෙ රාමනාදන් ශාලාව අක්බාර් ශාලාව පෙන්න පෙන්න, හන්තානෙ සුන්දරත්වය කියව කියව සරත්චන්ද්‍රගෙ වලෙ නාට්‍යය ගැන අපිට කිය කිය , 71 අරගලයෙ මතක අවදි කරමින් පේරාදෙණිය කැම්පස් එක වටේ පොඩි කාලේ මාව අරන් යන අම්මා, හැම වෙලේම කිව්වෙ කලාව කලොත් අනාථයි,මම රක්ෂාවක් නැතුව අවුරුදු 7ක් ගෙදර හිටියා කියලා.
එහෙම බය කරපු මම උසස් පෙළට විද්‍ය විෂයන් තෝර ගන්නවා, බල කරනවා කිව්වොත් වඩා හොදයි.
ඒ නිසා අපේ සිංහල පංතිය මග ඇරෙනවා.ලියන සිංහල භාගයක් වැරදි වෙන්නෙ ඒක ප්‍රගුණ නොකළ නිසා කියන එක තමා ඇත්ත.
නමුත් මම පිනට සන්නගෙන් ඉගන ගන්නවා. එකක් සිද්ධ වෙන අවාසිය නොතකා කියන්න ඕන දේ සුද්ධ සිංහලෙන් මූණටම කියලා දාන එක.
අනිත් එක වයසට යනකොට වැඩියෙන් තරුණයො එක්ක වැඩ කරපං කියන එක.
අර අපි මුලින් කිව්ව ලිබරල් ධනවාදය ඇතුලෙ ගේම ගහන සන්නා, උගන්වලා සල්ලි හොයනවාට වඩා වෙනස් දෙයක් කරනවා.
අපි පංතිවල ඉන්නකොට කෙල්ලෙක්ට චිට් එකක් යවලා අහුවුනොත් දණ ගස්සලා හරි කනට ගහලා හරි අවලාද කරනවා වෙනුවට සන්නා තරුණ තරුණියන්ගෙ ආදරයට ඉඩක් හදනවා.හැබැයි මූ මේකෙනුත් හබ්බ කරනවා.
ඒ තමයි ජේ.ආර් ගෙ අවවාදය.කුඩු පොවලා දරුවො විනාශ කරනවාට වඩා උන්ගෙ හැගිම් එළි පිට කථා කරන එක පට්ට.
සන්නා ආදරණීය වස්සානය විකුණන්නෙ දම්මිවයි සුගත්වයි සේල්ස් රෙප්ලා කරලා.
ඒ වෙලාවෙ පොඩ්ඩක් මල පැන්නට ආයේ දේශපාලනිකව කියව ගන්න කොට ලිබරල් පොරවල් එහෙම තමා කියන එක අපිට වැටහෙනවා.
සන්නා අම්මා එළියට දානකොට ලාල් කාන්ත ගෙන්වනවා, නිර්වාණ විකුණන්නෙ චින්තන එක්ක.
දැන් තේරෙනවා නේද සන්නා යනු කුමක්ද කියලා.සන්නා යනු මේ පවතින ධනේශ්වර රටාව හදලා තියන ඉඩකඩ ඇතුලෙ බඩ පිණුම් ගහපු හාදයෙක්.
වෙන විදිහකට කියනවා නම් පසුගිය මැතිවරණයෙ කොලඹ පිරෙන්න පෝස්ටර ගහන්න ප්‍රාග්ධනයක් තුබුන එක සැරෙ පොල් ගෙඩ් විස්සක් කාර් එකේ ඉදන් ගන්න පුළුවන් ප්‍රාග්ධන හිමිකාරයා,ධනවතා.
සන්නා කුරුසයෙ ඇණ ගැසු සියල්ලම කියවා ගත යුතු එකම දේ තමයි, සන්නා යනු මේ ලිබරල් ධනවාදයෙ තවත් එක් නිෂ්පාධනයක් සහ ඔහු බල්ලො නොමරා ජේ.ආර් කන්නදැයි ඇසු මෙලො රහක් නැති සාහිත්‍යත් විකුණන්න තරම් දක්ෂයෙක් කියන එක.අපි ඒ දේශපාලනය නොකියවාගෙන ඔහුට බිම දාගෙන ගහන එක හරිද?
ඔහු සැගවී වී සිටි කුමාර් ගුණරත්නම් සත්‍යගාරයට කැදවනවා.මාධ්‍ය විසින් මවලා තිබුන කුමාර් කියන රකුසා ලවා ගීත ගායනා කරවලා සමාජය ඉස්සරහා ඔහුගෙ පපුව එළියට ගන්න සන්නා සමත් වෙනවා.ඒ තමා එ.ජා.පක්ෂයෙ රත්මලාන ආසනයෙ මංත්‍රිධූර අපේක්ෂක සන්නා.
දැන් අපි ඒ දේශපාලනය කොහොමද කියව ගන්න ඕනෙ..ඔව් ආයෙත් මාර්කටින් තමා, නමුත් කුමාර් කියලා කෙනෙක් දන්නෙත් නෑ කියන අයටත් ඔහු යමක් උගන්වනවා.
ලංකාවෙ මිනිස්සු දේශපාලන මතවාද වෙනස්කම් තියාගෙන ඒවා අභිබවා හැසිරෙන්නෙ කොහොමද කියන එක.
සන්නාගෙ ෆේස් බුක් සටහන අවසාන කරන්නෙ ඔහු ලංකාවේ ගුරු ගීතය ලියනවා කියලා.
මම යෝජනා කරනවා ලිබරල් ධනවාදයෙ පට්ට මුදලාලි කෙනෙක් වුන සන්නට ලංකාවේ ගුරු ගීතය ලියන්න බැ.ඒක සදාචාරත්මක නෑ.
දුයිෂෙන් කියන්නෙ පරමාදර්ශයක්, පාඩමක්,.අත්දැකීමක්.
මුදලට සියල්ල යට නොවුන ක්‍රමයක් තුල අධ්‍යපනය ලබා ගැනීමේ අයිතිය වෙනුවෙන් අරගල කරපු දුයිෂෙන්ගෙ කථාව ලියන්න , අධ්‍යපනයට මිලක් නියම කල සන්නට අයිතියක් නෑ.
මම අර මුලින් ලිව්වා කියන්න කියන දේ අමුවෙන් කියන එකට මම ටියුෂන් ගත්තෙ සන්නාගෙන්.
මේ ධනේශ්වරය ඇතුලෙ සන්නා ගහපු ගෙම් එක ගහපු එකම කෙනා සන්නා නොවෙයි.නමුත් අන් සියල්ල අභිබවා සන්නා ඒක ගැහුවේ ගුරුවරයෙක් ලෙස මිසක් කුඩු මුදලාලි කෙනෙක් ලෙස නොවෙයි.ඒකට වෙනම පුළුල්,පොදු දේශපාලන විවේචනයක් වෙනම කරමු.
නමුත් වමේ කථාවක් කියන දුයිෂෙන්ගෙ පොපලර් ගස් වසන්තය එනතුරු තියෙන්න අරින්න.වසන්තය එනවා, සත්තයි.
කණිෂ්ක ජයලත් 


Read more
Thursday, October 12, 2017
මහරාජාගේ චණ්ඩි මාධ්‍ය භාවිතය සහ අපේ කාලයේ ගොබ්බ මාධ්‍යවේදීන්...

පසුගිය දිනක සිරස ප්‍රවෘත්ති ප්‍රකාශනයක් අතරතුර රෙෂාන් වටවල කියන මාධ්‍යවේදියා ගේ සංදර්ශනය ගැන බොහෝ කතා බහ ආරම්භ වී තිබේ. මාධ්‍යක වගකීම සහ මාධ්‍ය කරුවාගේ කාර්යභාරය යන්න කුමක්ද කියා අවාසනාවකට මෙන් අපේ රටේ මාධ්‍යවේදීන්ගෙන් දන්නේ ඉතා කීපදෙනෙක් පමණි. පෞද්ගලික නාලික ආරම්භ වීමත් සමග මේ මාධ්‍ය සහ මාධ්‍යකරුවන් විසින් අපේ රටට සිදු කර ඇති හානිය සුඵ පටු නොවේ. මහජනතාව අවරසිකත්වයකට කැන්දා ගනිමින් හරසුන් මුග්ධ ටෙලිනාට්ය්, වැඩසටහන්, ගීත, සාකච්ඡා, තරග, සහ රියලිටි ෂෝ මෙන්ම දේශපාලන සාකච්ඡා දක්වා මහජනතාවට සිදු කළේ ඔළුවල මැටි පුරවමින් ඔවුන්ගේ බුද්ධිමය සහ භාවමය විකසිත භාවය දුරු කිරීමයි. එමගින් මේ සියලු මාධ්‍ය නාලිකාවලට පිංසිද්ධ වෙන්න දැන් අපිට ඉතුරු වී ඇති මහජනතාව සහ තරුණ ප්රජාව හද්ද මෝඩ, ප්රතිගාමී, ආත්මාර්ථකාමී, වෛරී සහගත, ජාතිවාදී, වර්ගවාදී, මුග්ධ පිරිසක් ය. ඒ මේ මාධ්‍ය අයියලා සහ අක්කිලා අපට කළ එක දෙයකි.
රොෂාන් වටවල බබෙකු නොවේ. රොෂාන් බැසිල් රාජපක්ෂට මඩ ගසන්නට එකවරම මැදිරියට පැමිණෙන්නේ පූර්ව සැලසුම් පිටපතකට අනුවය. ඒ බව පසුබිමින් සැලසුම් කළ රූපාවලියෙන්ම මනාව තේරෙන දෙයකි. ප්ර්ධාන ප්ර වෘත්ති ප්රාකාශයක් අතරතුරදී මැදිරියට කඩා පනිමින් බැසිල් රාජපක්ෂගේ කතාවට උත්තර දීමට අවශ්ය යැයි ඔහු පෙනී සිටියි. ප්‍රවෘත්ති ප්‍රකාශය

ඇරඹෙන්නේද මිස්ටර් 10% යැයි කියන බැසිල් රාජපක්ෂ මෙවැනි දෙයක් ප්‍රකාශ කළා යැයි කියමිනි. ආරම්භයේදී සිටම මොවුන් කරන්නට ගිය දේ පැහැදිලිය. බැසිල් රාජපක්ෂ යනු කම්බ හොරෙකු විය හැකිය. ඒ බව බොහෝ දෙනා දන්නා කරුණකි. බැසිල් සුධීමතෙකුද නොවේ. ඒ බවද සමස්ත සමාජයම දනී. අපේ ප්‍රශ්නය එය නොවේ. සිරස ගරුකටයුතු මාධ්‍යක් විදියට මේ කාරණයේදී ක්‍රියා කළ යුතු ආකරයයි.
ගමේ චණ්ඩි දෙකක් දාගෙන සරම උස්සගෙන කියන ඒවා සිරස ප්රවෘත්ති මැදිරියේ ටයි එකක්, කෝට් බෑයක් දාගෙන රොෂාන් වටවල දෙකක් දාගෙන වගේම කියාගෙන ගියේය. වෙනසකට තිබ්බේ සරමක් වෙනුවට කෝට් එකක් ටයි එකක් ඇඳගෙන සිටීම පමණි. ප්‍රවෘත්ති විකාශයක් අතරතුර ''අඩෝ'' කියා ආමන්ත්‍රණය කරනවා මා දැක්කේ ජීවිතයේ පළමු වතාවටයි. දැන් අපේ මාධ්‍ය සදාචාරයේ දිශානතිය එයයි. රටක ප්‍රවෘත්ති ප්‍රකාශයක් යනු ඒ රටේ පුරවැසියන්ට වැදගත් වන කාලපරාසයකි. ඒ අතර එක එකාගේ පෞද්ගලික ඇරියස් නැරඹීමට බුද්ධිමත් ප්‍රේක්ෂක ජනතාව සූදානම් නැත. ලොව කොහේවත් සිදුනොවන අයුරින් ප්රධාන ප්‍රවෘත්ති ප්‍රකාශයක් අතරතුර තව එකෙක් පැමිණ තව එකෙක්ට බැණගෙන බැණගෙන යාම විහිළු සහගතය. සිරස හිතන්නේ බැසිල්ගේ රෙදි ගැලවුණා කියාය. නමුත් රෙදි ගැලවුණේ ඔවුන්ගේමය.
රොෂාන් වටවලගේ අතේ තිබුණු මහරාජාගේ පිටපතට අනුව අපිට පෙනී ගිය කරුණු කීපයකි.

1. සිරස නාලිකාව ප්‍රශ්න කිරීමට කිසි කෙනෙක්ට බැරිය. එසේ වුවහොත් සිදුවන්නේ මෙසේය.
2. අපිට කේන්ති ගියොත් අපි ප්‍රධාන ප්රවෘත්ති ප්‍රකාශයක හෝ ''අඩෝ'' කියා කියන්න මැලිවෙන්නේ නැත. 
3. අපිට ගැහුවොත් අපි බොගේ ඒවා එළියට දානවා ය. 
4. ප්‍රශ්නවලට උත්තර අපි දෙන්නේ නැත. අපි දන්න උඹ යන මාතෘකාවෙන් අප රචනාවක් ලියන්නේය.

මේ අනුසාරයෙන් ගත්කළ හත්පොලේ ගා ගත්තේ බැසිල් නොව සිරසයි. සිරස විසින් මතුකරන බැසිල් සම්බන්ධ චෝදනා සමාජයට වගකිව යුතු මාධ්යක් විදියට කළ යුතුව තිබ්බේ දිගින් දිගටම දේශපාලනිකව ප්‍රශ්න කිරීමයි. බැසිල්ට එරෙහිව නීතිය ක්රියාත්මක කරන ආකාරයට ජනතාව තුළ සබුද්ධික පෙළගැස්මක් ඇති කිරීමයි. ඒත් සිරස සරම උස්සන්නේ දැන් ය. මෙතෙක් කල් එයාලා නිදි ය. අනෙක් කාරණාව බැසිල්ගේ ප්‍රකාශයට අභියෝග කරමින් එය එසේ නොව ඒ කාරණයේදී සත්යය මෙයයි යන්න කීමට සත්්‍යෙය් සටහන බුද්ධියේ විමසුමට ගේන මෙයාලට බැරි විය. ඒ වෙනුවට කළේ දෙන්නම් බැටේ ප්‍රතිපත්තිය ක්‍රියාත්මක කිරීමයි. අපි දන්න උඹ යන මාතෘකාවෙන් මහරාජා ලියපු රචනාවක් රොෂාන් වටවල කියන ගොබ්බ මාධ්ය්වේදියා කියවගෙන යාම යි. බැසිල් රාජ්්‍ය දේපළ අවභාවිතා කරමින් රටේ මිනිස්සුන්ගේ දේපළ තමන් සන්තකයට ගනිමින් කොමිස් ගසමින් ස්වකීය මඩිය තරකර ගැනීමේ ක්‍රියාවලියේ නිරත වූවෙක් බව මහජනතාව තුළ මතයක් තිබුණද ඔහු සුධීමතෙකු නොවුනද වගකිව යුතු මාධ්යක් හැසිරිය යුතු නියාවට වඩා චණ්ඩි කමක් ප්‍රදර්ශනය කිරීම ලැජ්ජා සහගත කටයුත්තකි. ඒ වගේම රටේ මාධ්‍ය කලාවේ වර්තමාන දිශානතිය පිළිබද ඉඟි සපයන්නකි. මේ සිදුවීම් හුදෙක් ජනතාවාදී මාධ්‍ය කලාවක පෙර නිමිති නොවන්නේය. මේ තවත් චණ්ඩින් පිරිසකට සේවය කරන මාධ්‍ය කලාවක පෙරනිමිතිය. මීට පෙර දෙරණ මාධ්‍යයේ සංක අමරජිත් ද නිදහස් දිනය දා කී ගීතයක් ගැන තරුණියකට අපහසා කළේය. නමුත් ඔහු ද තවමත් ඒ නාලිකාවේම සේවය කරයි. මාධ්‍යවේදීන් කියා අපේ රටේ දරුවන්ට දැන් දැකගැනීමට ඇත්තේ මෙවන් අඳ බොළද අඥාන තකතීරු තක්කඩියන්ය. එය රටේ අවාසනාවකි.

සිරස සමූහ ව්‍යාපාරයේ මහරාජාගේ දේශපාලනික භූමිකාව මීට වඩා අප සිහිනුවණින් විමසා බැලිය යුත්තකි. ඔහු මුලින්ම බුද්ධික පතිරණව දේශපාලනයට ගෙනාවේය. ඊට පස්සේ සුසාර දිනාල්ව එක්සත් ජනතා නිදහස් සන්ධානයට දැම්මේය. ඊට පස්සේ ශ්‍රී රංගාව දමිළ දේශපාලන නායකයෙකු කළේය. ඉන් අනතුරුව එස්. එම්. මරික්කාර්ව යූ. එන්. පී යෙන් ජනතා නියෝජිතයෙකු කළේය. පසුව සුසිල් කි‍දෙල්පිටියව ෆොන්සේකාගේ පක්ෂයෙන් පළාත් සභාවට ගෙනාවේය. මහරාජෙගේ උවමනාව කුමක්ද? බූවල්ලෙක් මෙන් සෑම දිශාවකටම අතුපතර විහිදමින් තමන්ගේ ඉත්තන් ඒ ඒ ස්ථානවල ස්ථානගත කිරීමයි. මීට අමතරව ප්‍රධාන පක්ෂ සමග ඒ ඒ කාලවලදී ඇතිකරගන්නා සම්මුතීන් අනුව මාධ්‍ය මෙහෙයවීමට කටයුතු සූදානම් වෙයි. රනිල්ගේ ගල ඒකට
උදාහරණයක් පමණි.
බැසිල් සහ රාජපක්ෂ රෙජීමය අපේ පොදු හතුරෙකි. ඔවුන් රටට කළ භෞතික සහ ආධ්‍යාත්මික විනාශයෙන් ගැලවීමට අපට සෑහෙන කාලයක් ගතවනු ඇත. එහෙත් මාධ්‍යක් හැසිරිය යුත්තේ ජනතාවාදී පුර්වාදර්ශ පෙරදැරිව මිසක් ගමේ සෝමේ අයියා කසිප්පු කාලක් බිව්වම නටන නාඩගමක් සේ නොවේය.
ඉතිං සිරස.. සත්‍යයේ සටහන ඔයාලගේ බුද්ධියේ විමසුමට...

Prasad Weerasekara 

Read more
Sunday, October 8, 2017
අන්තිම බොහිමියානුවා -

මීට වසර පහකට ඉහත සයිමන් නවගත්තේගම කලාකරුවා අපෙන් සදහටම සමුගත් අවස්ථාවේ මෙරට සිටි දක්ෂ පුවත්පත් කලාවේදියකු හා අග්‍රගණ්‍ය කලා විචාරකයකු මෙන්ම පශ්චාත් මරණ ගුණ සැමරුම් ලේඛකයකු (Appreciation) ලෙස ද කීර්තිමත්ව සිටි අජිත් සමරනායක ලියූ ලිපියේ ශීර්ෂ පාඨය ලෙස යොදා තිබුණේ ‘ද ලාස්ට් බොහිමියන්’ යනුවෙනි. එහි සිංහලාර්ථය ‘අන්තිම බොහිමියානුවා’ යන්නයි.

ඇත්තටම බොහිමියානුවකු ලෙස හැඳින්වෙන්නේ කවරෙක්ද? ශබ්දකෝෂයන්ට අනුව බොහිමියානුවා යනු ‘සමාජ සම්මතයන් බැහැර කළ තැනැත්තා’ යන්නයි. බොහිමියන් කලාව නමින් කලා සම්ප්‍රදායයක් ද ලොව පවතී.

ගුස්ටාවෝ කූබට්, විලියම් තැකරේ, ජින් ෆැන්කොයිස් මිලට් වැනි කලාකරුවෝ එකී සම්ප්‍රදායය නියෝජනය කළහ. ඉහත වර්ගීකරණයට අනුව සයිමන් ද බොහිමියානු කලාකරුවකු ලෙස අජිත් කළ හැඳීන්වීම සාධාරණ යැයි සිතමි.

සයිමන් යනු සමාජ සම්මතයන් සතපහකටවත් ගණන් නොගත් කලාකරුවෙකි. අප පුවත්පත් කලා ක්‍ෂේත්‍රයට පිවිසෙන වකවානුවේ අපට සයිමන් පිළිබඳ තිබූ ප්‍රතිරූපය වූයේ එකපිට එක සිගරැට් බොන, අසීමිතව මධුවිතට ලොල්, ගැහැනු ආශ්‍රය කරන අසම්මත චර්යාවන්ගෙන් හෙබියා වූ කලාකරුවකුය යන්නය.

අධික ලෙස දුම්පානය කළ කලාකරුවන් දෙදෙනකුª ගැන මම දනිමි. එක් අයකු ගාමිණී ෆොන්සේකාය. අනිත් කලාකරුවා සයිමන් ය. සයිමන් කොළඹ නිවාස අධිකාරියේ වායු සමනයෙන් යුතු කාමරයක තම කාර්යාලය පවත්වාගෙන යමින් සිටියදී මට හමුවූ අවස්ථාවක ද ඔහු සිගරැට් බොමින් සිටියේය. මා මේ ගැන ප්‍රශ්න කළ විට ඔහු කියා සිටියේ,

”එයාර් කන්ඩිෂන් කාමරයක් ඇතුළේ සිගරට් බොන්න මට විතරයි ප්‍රේමදාස මහත්තයා (එවක අගමැතිව හෝ ජනාධිපතිව සිටි ආර්.ප්‍රේමදාස මහතා) අවසර දීලා තියෙන්නේ.”

අධික ලෙස බීමත් වූ අවස්ථා කීපයකදීම මට සයිමන් හමුවී ඇත. එබඳු අවස්ථාවක මම ඔහුගෙන් මෙසේ ඇසීමි.

”මිස්ටර් නවගත්තේගමට ඩ්‍රින්ක්ස් දාලා නිර්මාණාත්මක දේවල් එහෙම ලියන්න පුළුවන්ද?”

ඊට සයිමන් දුන් පිළිතුර මෙවැන්නකි.

”බීලා නිර්මාණ කරන්න පුළුවන්ය කියන එක බොරුවක්. මට නම් බීලා එකම රසවත් වාක්‍යයක්වත් ලියන්න බැහැ. හැබැයි බිව්වම හොඳ අදහස් හිතට එනවා. ඒවා සටහන් කරගන්න විතරක් පුළුවන්. හැබැයි නිර්මාණ කරන්න බැහැ. මාර්ටින් වික්‍රමසිංහ (එයා මගේ සීයා කෙනෙක් වගේ) පොඩි ඩ්‍රෑම් එකක් ගහනවා. ඒත් අපි බොන්න ගියාම ඉතිං කෙළවරක් නැහැනේ”.

තමා දිගටම ගමේ සිටියා නම් ඒ වන විටත් මියගොස් තිබෙන්න පුළුවන් බව සයිමන් වරක් එක් පුවත්පතකට කියා තිබිණි. ඒ කසිප්පු බීමෙනි.

සයිමන් ගැන අපට තිබූ ප්‍රතිරූපයේ ඊළඟ කොටස වූයේ ගැහැනු ආශ්‍රයයි. බොහෝ කලාකරුවන් සම්බන්ධයෙන් ද එය අදාළ වුවත් සයිමන් කේන්ද්‍රකොටගෙන නොයෙක් කතා (ඇතැම් විට අතිශයෝක්තියෙන් යුතු) නිර්මාණයව තිබිණි. සයිමන් අහවල් වේදිකා නාට්‍ය නිළියත් එක්ක යාළුයි. අහවල් රටේ සුද්දියෙක් එක්කත් ඉඳලා තියෙනවා. සයිමන් කියන්නේ ගෙදරකට වැද්දගන්න තරම් සුදුසු කෙනෙක් නෙමෙයි. ගැහැනියෙක් දැක්කොත් ඉවරයි” යනාදී වශයෙන් චරිත ඝාතන ද ඔහුට සිදුවී තිබිණි.

මීට අදාළ ප්‍රකාශයක් සයිමන්ගේ බිරිඳ වරක් පුවත්පතකට කියා තිබුණේ මෙසේය.

”සමහරු කියනවා එයා කාන්තාවන් එක්කත් සමීපව ආශ්‍රය කළා කියලා. එයා කවදාවත් ගෑනු උදවිය පස්සේ ගියා කියලා මම හිතන්නේ නෑ. ගෑනු අය එයා පස්සේ එන්න ඇති. මොකද; මහත්තයා හරි ලස්සන පෙනුමක් තිබුණු කෙනෙක් නිසා. කොහොම වුණත් ඒවා මට ප්‍රශ්න නෙමෙයි. මම ඒවා ප්‍රශ්න කරගත්තා නම් මේ පවුල අවුල්වෙලා ගොඩක් කල්” (දිවයින 2005 නොවැම්බර් 13)

සයිමන් පිළිබඳව ගොඩනැගුණු මේ විචිත්‍රවත් ප්‍රතිරූප හේතුකොටගෙන මම ඔහු ගැනත් ඔහුගේ පසුබිම ගැනත් සෙවීමට වෙහෙසීමි. සයිමන් හද්ද වන්නියේ උපන් බයියකු බවත් (ඔහුට අගෞරව පිණිස නොවේ) ඔහුගේ මුල් නම නවගත්තේගම රන්කිරාගේ උක්කුවා (එන්.ආර්.උක්කුවා) බවත් පහේ ශිෂ්‍යත්වයෙන් සමත්ව අනුරාධපුර මධ්‍ය විද්‍යාලයට විත් පසුව විශ්වවිද්‍යාලය දක්වා දුර ගමනක් ගිය අයකු බවත් එහිදී දැනගන්ට ලැබිණි. සයිමන්ට කොළඹට එන්ට පාර කැපුණේ එලෙස ය.

සයිමන්ම කියා ඇති ආකාරයට ඔහු මේ ආත්මයේ ලංකාවේ හද්දා පිටිසර ගමක උපන්නද පූර්වාත්මයේ ජන්මලාභය ලැබ ඇත්තේ යුරෝපීය රටකය. කුඩා කල තමා හීනෙන් කිසිවක් දුටු බවත් එය හිම බව පසුව ප්‍රත්‍යක්ෂ වූ බවත් සයිමන් වරක් කියා ඇත.

හිම නැති රටක, පොතකින්, පත්‍රයකින් හිම දැකීමට අවකාශ නැති සමාජ පරිසරයක හැදීවැඩුණු සයිමන්ට හීනෙන් හිම පෙනුණේ කෙසේද? එය පුනර්භවය හා බැඳුණු අත්දැකීමක් බව සයිමන් විශ්වාස කළේය.

සයිමන්ට තවත් අපූර්ව ශක්තියක් තිබිණි. ඒ තමා දුටු කිසියම් සිහිනයක ඉතිරි කොටස් නැවත නිදාගැනීමකදී දැකීමේ ඇති සුවිශේෂ හැකියාවයි. පූජ්‍ය මණ්ඩාවල පඤ්ඤාවාස හිමියන් කියන්නේ එය ලක්ෂයකින් එක් අයකුට පමණක් ඉතා විරලව පිහිටන ශක්තියක් බවයි.

මණ්ඩාවල හිමියන් සයිමන් ඉතා සමීපව ඇසුරු කළ හිමිනමකි. දිනක් සයිමන් මණ්ඩාවල හිමියන් හමුවූ අවස්ථාවක මෙසේ කියා ඇත.

”අපේ හාමුදුරුවනේ මට පුදුම දෙයක් මතක්වුණානෙ. විසාකා, සුජාතා, බන්දුල මල්ලිකා වගේ ලස්සන නම් පිිරිලා බෞද්ධ සාහිත්‍යයේ. ඒ වුණාට අර ගෑනු එක්කෙනා විතරක් චිංචිමානවිකාව“...

සයිමන් මීට පස්වසරක ඉහත ජීවිතක්ෂයට පත්වූයේ රෝගාතුරවය. ඔහුගේ වකුගඩු රෝගය සුවකිරීම සඳහා කෙරුණු ප්‍රතිපාදන ඉල්ලීමකදී එය ප්‍රතික්ෂේප වූයේ සයිමන් ජනතාවාදී කලා ව්‍යාපාරයට සහයෝගය දී නොමැති කලාකුරුවකු බැවින් යැයි සඳහන් ව ඇත. සයිමන්ගේ ‘සාහිත්‍යය, සමාජවාදය හා කලා විචාරය’ නම් වූ පොත ජනතාවාදී වූයේ නැද්ද? ඔහුගේ ‘සුභ සහ යස’ වැනි නාට්‍යයක් පන්දහස් වාරයක් වේදිකාගත වූයේ ජනතාවාදී වූ නිසා නොවේද? ඔහුගේ ‘සාගර ජලය’ කෙටිකතා සංග්‍රහය, දඩයක්කාරයා කේන්ද්‍ර කොටගත් නවකතා මාලාව ජනතාවාදී වන්නේ නැද්ද?

සයිමන් පසුකලෙක කුමන දේශපාලන දර්ශන වාදයක එල්බගෙන සිටිය ද ඔහු කලාව නම් කිසිදා පාවා නොදුන් බව ඔහුගේ සමස්ත කලා නිර්මාණාවලිය පිරික්සා බලන විට පෙනී යයි. සයිමන් වැනි (මාර්ටින් වික්‍රමසිංහයන්ට පසු) අති විශිෂ්ට පරිකල්පනයකින් යුතු සාහිත්‍ය කලාකරුවකු පසුගිය සියවසේ මෙරට පහළ වී නම් (කේ.ජයතිලක, ගුණදාස අමරසේකර) හා අජිත් තිලකසේන හැරුණු කොට) අන් කවරෙක්ද යන්න අපට අභියෝග කරන්නකුගෙන් අපට ඇසීමට සිදුවෙයි.

සුනිල් මිහිඳුකුල, සිළුමිණ 2010-10-10
----------

Read more
Thursday, October 5, 2017
මාමයි බෑනයි

"අද උදේ 9.43ට ජනාධිපති මන්දිරයේදී මම අගමැති වශයෙන් දිවුරුම් දුනිමි. බේ‍රවර්හිල්හි සිට කොළඹ කොටුව දක්වා මඟ දෙපස විශාල ජනකායක් පෙළ ගැසී සිටියහ. 1874 දී වයස 70ට පත්ව සිටි එංගලන්තයේ අගමැති පදවියට පත් බෙන්ජමින් ඩිස්රේලි ප්‍රකාශ කළ අන්දමට මමද ලිස්සන ගහේ අන්තිම මුදුනට නැග්ගෙමි"
මෙහෙම ලියන්නේ ජේ.ආර්.ය. 1977 ජූලි මස 23 වැනි දින සිය දින පොතේ ඔහු එහෙම ලියන්නේ 77 පෙරළිය දාට පහුවැනිදාය.

1977 ජූලි 22 බ්‍රහස්පතින්දා රාත්‍රියේ මහ මැතිවරණ ප්‍රතිඵල එනකොට එක්සත් ජාතික පක්ෂයේ නායකයා ජේ.ආර්.ය. ඒ වෙනකොට ඔහුට අවුරුදු 70ට කිට්ටුය. 78 බලයට එන ජේ.ආර්.ට ඕනෑ වුණේ ශක්තිමත් විධායක ජනාධිපති ධුරයක් හදා ගන්නටය. 1956දී මහජන එක්සත් පෙරමුණ අබියසත් 1970දී සමඟි පෙරමුණ අබියසත් "අලියා" කූඹියෙක් වෙනකොට ජේ.ආර්. කල්පනා කළේ අලියා අලියෙක් විදියටම තියන්නේ කොහොමද කියලාය. 78 ව්‍යවස්ථාව කාටත් හොරා ගෙන එන්නේ "තැටිය රත් වෙච්ච වෙලාවේ රොටිය පුච්චා ගන්න"ටය.

ආණ්ඩුක්‍රම ව්‍යවස්ථා ප්‍රතිසංස්කරණ මඟින් විධායක ජනාධිපති ක්‍රමය ඇති කිරීමෙන් අනතුරුව ආර්ථික ප්‍රතිසංස්කරණ ඇති කළේය. බලය විමධ්‍යගත කිරීම සඳහා 1980දී දිස්ත්‍රික් සංවර්ධන සභා ක්‍රමයද, එය අසාර්ථක වීමෙන් පසුව 1987දී වට මේස සාකච්ඡා හරහා යෝජනා වූ පළාත් සභා ක්‍රමයද ඇති කළේය. ඉන්දීය ආණ්ඩු ක්‍රම ව්‍යවස්ථාවේ බලය බෙදාහැරීමේ මොඩලය සමීපයෙන් අනුගමනය කළ නව නීතිය, ශ්‍රී ලංකාවේ පළාත් නවයක් තුළ පළාත් සභා ක්‍රමයක් නිර්මාණය කරමින් ජේ.ආර්.ලා 1987 නොවැම්බරයේදී 1978 ආණ්ඩුක්‍රම ව්‍යවස්ථාවට සිදුකළ 13 වැනි සංශෝධනය ශ්‍රී ලංකා පාර්ලිමේන්තුවෙන් සම්මත කරනු ලැබීය.
ජේ.ආර්. ඉන්දු - ලංකා ගිවිසුම ගෙනැවිත් අමුතු නාඩගමක් නැටුවේය.

මූලික අරමුණු දෙකක් මත ඉන්දු-ලංකා ගිවිසුම අස්සන් තැබීය. පළමුවැන්න ශ්‍රී ලංකාවේ වාර්ගික යුද්ධය නිමා කිරීමය. දෙවැන්න වූයේ ශ්‍රී ලංකා රාජ්‍යයේ බලතල බෙදාහැරීම මඟින් සුළුතර දෙමළ ප්‍රජාවට කලාපීය ස්වයංපාලනය ප්‍රදානය කිරීමය. ඒ වෙනකොට වාර්ගික යුද්ධය තිබ්බේ තීරණාත්මක ඉමකය. ජෙනරාල් ඩෙන්සිල් කොබ්බෑකඩුවගේ මෙහෙයවීමෙන් 7000ක භට පිරිසක් වඩමාරච්චි මෙහෙයුම දියත් කරනු ලැබ තිබූ අතර ප්‍රභාකරන් හිටියේ තීරණාත්මක අවසානය ඉදිරියේය. වඩමාරච්චි මෙහෙයුම නතර කරන්නැයි ඉන්දීය අගමැති රජීව් ගාන්ධි ශ්‍රී ලංකා ජනාධිපතිවරයාට කියා සිටියේ ඔය අතරය. ඉන්දීය තර්ජනය ජේ. ආර්. ගනන් ගත්තේ නැත. ඔහු හිතුවේ ඇමෙරිකාව තමන්ට සහාය දෙයි කියලාය. ඒ වෙනකොටත් ඔහු "යැංකි ඩිකී"ය. කී දේ නාහන ජේ.ආර්.ට ඉන්දියාව උත්තර දුන්නේ මෙරට ගුවන් සහ මුහුදු සීමා ආක්‍රමණය කරමින්ය.

"ඉන්දියාවේ මේ ක්‍රියාමාර්ගයට එරෙහිව අපට කළ හැකි දෙයක් නැහැ. ඉන්දියාව විසින් ශ්‍රී ලංකාව ආක්‍රමණය කළ 17 වැනි වතාව මෙයයි." ජේ.ආර්. ජයවර්ධන කීවේය.
අන්තිමට ජේ.ආර්. ඉන්දීය ගැටේට හසුවිය.
මේ ගිවිසුමට රටම එරෙහි වූයේ දෙවැන්න හින්දාය.
ගිවිසුම් ප්‍රකාරව කොටි අවි භාර දුන්නේ නැත. චීන වරායට පහර දුන්නේය. භික්ෂුන් ඝාතනය කරනු ලැබීය.
අන්තිමට රජීව්ට ප්‍රභාකරන් එපා විය.

"ප්‍රභාකරන් ගැන මට විශ්වාසයක් නැහැ. ඔහුට වෙඩි තබන ලෙස අණදෙන නිලධාරියාට කියන්න" යැයි රජීව් ඉන්දීය මහ කොමසාරිස් ජේ.එන්. ඩික්සිත්ට කීවේය. ඉන්දීය සාම හමුදා ප්‍රධානියා වූ මේජර් ජෙනාල් හරිකිරාත් සිං රජීව්ගේ අණ පැත්තකට දැම්මේය.
"ඉන්දීය හමුදාව මිනිසුන්ගේ පසුපසින් වෙඩි තියන්නේ නැහැ. මම ගාන්ධිගේ නියෝගය ක්‍රියාත්මක කරන්නේ නැහැ."
ඔහු කීවේය.
අන්තිමට රටම රජීව්ගේ උගුලේ වැටිණි. ජේ.ආර්. කරකියා ගන්නට දෙයක් නැතිව තවත් දශක දෙකක් දිවෙන යුද්ධයක් ස්ථාපිත කළේය.
එදා වුණේ ඉන්දු ලංකා ගිවිසුම නිසා මිනිසුන්ට මහා විනාශයක්ය.
එහෙම බැලුවම ජේ.ආර්. ඉන්දියානු බලහත්කාරයට යටත්ව 13 වැනි ආණ්ඩුක්‍රම ව්‍යවස්ථා සංශෝධනය ගෙන එනු ලැබුවෙත් අවි දරපු බෙදුම්වාදී කල්ලි හීලෑ කර ගැනීමටය. එය සම්මත කර ගැනීමට ජේ.ආර්. ගත්තේ සුළුපටු උප්පරවැට්ටි නොවේය. 13 වැනි ආණ්ඩුක්‍රම ව්‍යවස්ථා සංශෝධනය සම්මත කර ගත්තේ ශේ්‍රෂ්ඨාධිකරණයේ මතය අනුව ජනමත විචාරණයකට නොගොස්, එදා සිටි නීතිපතිවරයාගෙන් උපදෙස් අරගෙනය.
පළාත් සභා ඡන්ද විමසීම් (සංශෝධන) පනත් කෙටුම්පත සම්මත කරන්න ආණ්ඩුව ගැසූ ගේමට එරෙහිව දැන් කතාබහක් ඇති වෙලාය. දෙවැනි වර කියැවීමේදී නොතිබූ සංශෝධන තෙවැනි වර එකතු කරමින් "නංගී පෙන්නා අක්කා දීමේ" වැඩේ ආණ්ඩුව අපූරුවට කරලාය. ඒ ජේ.ආර්.ගේ ඉතිහාසයේ ස්වරූපය නැවත රඟ දැක්වීමක්ය. ශේ්‍රෂ්ඨාධිකරණය වෙත යවනු ලබන පනත් කෙටුම්පත ශේ්‍රෂ්ඨාධිකරණයේ මතය සහිතව පාර්ලිමේන්තුවට ගෙන ආ විට කාරක සභා අවස්ථාවේදී එයට සංශෝධන ගණනාවක් ඇතුළත් කරවීමට ආණ්ඩුව කටයුතු කළේ කූට ලෙසටය.

නව ආණ්ඩුක්‍රම ව්‍යවස්ථා පනත් කෙටුම්පත පාර්ලිමේන්තුවේදී සම්මත කර ගන්න යන්නෙත් මෙහෙම නොවේ යැයි කාටවත් සහතික දෙන්න බැරිය. එහෙම වුණොත් දෙවියන්ගේම පිහිටය.

"ශ්‍රී ලංකාවේ ආණ්ඩුක්‍රම ව්‍යවස්ථා මණ්ඩලයේ මෙහෙයුම් කමිටුවේ අතුරු වාර්තාව" යන නමින් පසුගිය 21 වැනිදා අගමැතිවරයා විසින් පාර්ලිමේන්තුවට ඉදිරිපත් කළ කෙටුම්පතේ ඇතුළත් නිර්දේශ ටික ක්‍රියාත්මක කළාම මේ රටේ මධ්‍යම ආණ්ඩුව කියා එකක් ඉතිරි වන්නේ නැහැ. නමට පමණක් මධ්‍යම ආණ්ඩුවක්, පාර්ලිමේන්තුවක් තිබෙනවා. නමට පමණක් ජනාධිපතිවරයකු ඉන්නවා. සමගාමී ලැයිස්තුව අහෝසි කර එහි තිබූ බොහෝ විෂයයන්ට අදාළව නීති හැදීමේ බලයද පළාත් සභාවලට දෙනවා. පොලිස්, ඉඩම්, පරිපාලන, මුදල් පාලනය පිළිබඳ බලය යන සියල්ලම පළාත් සභාවට දෙනවා. මේ නිර්දේශවලින් පළාත් සභා දෙකක් ඒකාබද්ධ කර ගැනීමේ ක්‍රමවේදයක් කියා තිබෙනවා. "උතුරු - නැඟෙනහිර එක පළාත් සභාවක් ලෙස සලකලා වැඩ පටන් ගනිමු" කියා මේ වාර්තාවෙන් කියා තිබෙනවා."
මෙහෙම කීවේ විමල් වීරවංශය.

එජාපයට තියෙන්නේ ආණ්ඩුක්‍රම ව්‍යවස්ථාව සෙල්ලමට ගත්ත ඉතිහාසයක්ය. එකී ඉතිහාසය ලේ, කඳුළු, මළ මිනීවලින් පිරී ගිය එකක්ය. 1982 කුප්‍රකට ජනමත විචාරණය මඟින් පාර්ලිමේන්තු ඡන්දය වසර හයකට කල් දැමීම කළේ ජේ.ආර්.ය. ඡන්දයක් ඕනද එපාද අහන්න ජනමත විචාරණයක් තිබ්බ ලොව එකම රට මේකය. අදත් කැරකෙන්නේ ඒ ඉතිහාසයය. අදත් ඡන්ද කල් දමලාය. අදත් ජනතා පරමාධිපත්‍ය වනසා දමලාය. එදා ජේ.ආර්. යැංකි ඩිකී නම අරගෙන ඇමෙරිකාවට ගැති වුණත් ඉන්දියාවේ පදේට නැටුවේය. අද රනිලුත් ඇමෙරිකන් ගැති වෙලා ඉන්දියාවේ පදේට නටන්නේය.

අද වෙනකොට අපේ රටට වාහන නිෂ්පාදන ක්ෂේත්‍රය අහිමි වෙලාය. ඉන්දියාවේ ටාටා, මහේන්ද්‍රා, ටී.වී.එස්, බජාජ්, හීරෝ හොන්ඩා, මරුටි සුසුකි වගේ කොම්පැනි ඒක අල්ලාගෙනය. අපේ මාළු සම්පත මුළුමනින්ම ඉන්දියාව අල්ලාගෙනය. ලෝක වෙළෙඳපොළේ බොරතෙල් මිල අඩු වීමේ "ලාභය" සම්පූර්ණයෙන්ම ගන්නේ ඉන්දියාවය.
අපිට පිරිපහදු කළ තෙල් එම මිලටම බෙදන්නේ ඉන්දියානු තෙල් සමාගම්ය. දැන් බැලුවම රටම "රූකඩ රාජ්ජයක්ය"
Read more

Recent Posts

Popular Posts

Popular Posts