Open top menu
Friday, June 28, 2019
දෙරණේ හිගන සම්මාන පූජාවේ කතාවක් - දුලීකා මාරපන කියයි

කලාකරුවාගේ මානව හිමිකම් උල්ලංඝනය වීම.
---------------------------------------------------
මම කවුරුත් දැයි මුලින්ම හදුන්වා දීමට කැමැත්තෙමි .
මම නමින් දුලීකා මාරපන වෙමි.
උපතේදී මට වඩා දීර්ඝ නමක් හිමි විය. . නමුත් සියලු දෙනා මා හදුනන්නේ ඉහත දුලීකා මාරපන නමිනි.
මම රන්ගන ශිල්පීණීයක් ලෙස, අද වනවිට 21 වසරක් කටයුතු කර ඇත්තෙමි. 1998 කැළණි සරසවියෙන් ආරම්භ කල රන්ගන දිවිය තවමත් දිරියෙන් ඉදිරියට ගමන් කරමි.

ඔබ මා වැඩියෙන්ම හදුනාගන්නේ මලී හා අත්තම්මා ටෙලි නිර්මාණ හරහාය.
ඒ දෙරණ නාලිකාවේ ප්‍රචාරය වූ ඒවාය . මා කියන්නට යන කතාවටද දෙරණ සම්බන්ධයෙන් ය.
අද දෙරණ සිනමා සම්මාන උලෙළ තිබිණ.
වසර කිහිපයක් දෙරණ සම්මාණ උලෙළට ඇරයුම් ලැබුවත් මා සහභාගි නොවූයේද තරමක් අමිහිරි අත්දැකීම් ලැබු හෙයිනි .නමුදු ඉදහිට හෝ සහභාගි වූයේ අපේ සගයන් හමුවන නිසාමය.
( අමිහිරි යන්නෙහි තේරුම සම්මාන සම්බන්ධයෙන් නොවන බව කිව යුතුමය. )
සම්මාන උළෙලට ආරාධනා පත් ලබන්නේ VIP හෝ VVIP ය. සහභාගි වූ විට වාඩි වීමට අසුන් නැතිය.
අදද එසේ විය. VIP ආරාධනා පත්‍ර වලට අමතර නොමිනී ( Nominated ) පත්‍රයක් ද ලැබී තිබිණි . එනිසා අපි සහභාගි වූයේ අප සිනමා පටයේ නිෂ්පාදිකාවද එක්කර ගෙනය. එය ඇය ප්‍රථම වරට සහභාගී වූ ලාංකීය සිනමා සම්මාන උලෙළ විය.
හිතවතුන් බොහෝ විය. හැමට කතාකරමින් ගියෙමි . සoවිධායක වරුන් විසින් අපිව කැදවාගෙන ගොස් ආසන පෙන්වීය . අප අසුන් ගත්තෙමු. සෙනග බොහෝවිය. බහුතරයක් නාදුනති.
උලෙළ ආරම්භ විය. අතරමගදී දෙරණ නාලිකාවේ රධිකා හෝ රාජිකා නම් කාන්තාව පැමින අපට අසුනින් ඉවත් වන ලෙස කීවාය. එය විමසන විට එම ආසන ජූරියට වෙන්කර ඇතිබව කීවාය.ඔවුන් එය වෙන් කර නොතිබුනි. එසේනම් අපට වෙන්කල ආසන ලබදෙන ලෙස කියූවද එම අසුන්ද පිරී ඇතිබව කීය. ????
නමුත් මාත් මගේ ස්වාමියාත් එම අසූනින් නැගිට ඔවුන් සපයා දුන් වෙන් වෙන්ව ස්තාන දෙකක අසුන් ගතිමි.
රාධිකා හෝ රජික ඇසුවේ අප දෙදෙනා එක ලග වාඩිවෙන්න උවමනා නෑනෙ යනුවෙන් අසමිනි.
තව සම්මාන වාර දෙකක් ගිය තැන් නැවත ඔවුන් පැමින මාගේ ස්වාමියා නැගිටවූයේ එම ආසනයද ඔවුන්ට ඇවැසි බව පවස්මිනි. ඔහු නැගිට ප්‍රධාන දොරටුවෙන් යන්නම ගියේය.

ඇසීමට ඇත්තේ එක්දෙයකි.
ආරාධනා කොට අපව ගෙන්වා සමස්ථ සමාජයක් හා මාධ්‍ය ඉදිරියේ කලාකරුවන් වන අපව අපහසුවට පත් කිරීමට දෙරණ සoවිධායක මණ්ඩලයට ඇති නෛතික අයිතිවාසිකම කුමක්ද????
ඇතැමුන් මාගෙන් ඇසුවේ මොකද්ද ප්‍රශ්නය ?
Invitation නැද්ද ????
ඇයි නැගිට්ටෙවුවේ ????
මා මෙතෙක් ගොඩනගාගත් වෘත්තීය ජීවිතයට හා ගෞරවයට ඇතිවූ හානිය හිමිකම් කඩවීමක් නොවන්නේද????

මෙවැනි උලෙළක , යම් තැනැත්තෙකුට අසුනක් පනවා ඔහු හෝ ඇය ඉන් ඉවත්කොට වෙන අයෙකුට එම අසුන ලබාදීම , ( පූජ්‍ය පක්ෂය නම් කම් නැත) කෙතරම් පහත් ක්‍රියාවක්ද?
මෙම තත්වය දෙරණ සම්මාන උලෙළ තුල මීට ඉහතදීද සිදුවිය .
මට ලැජ්ජාවක් ඇතිවිය. ජීවිතයේ ප්‍රථම වතාවට මට ලැජ්ජාවක් ඇතිවිය. ඒ මන්ද යත් සෑම විටම සමානාත්මතාවයට ගරුකරන , අනෙකාට අපහසුවක් ඇතිනොවන ලෙස ජීවත්වන්නට උත්සාහ කරන මම , බොහෝ ගෞරවයෙන් සහභාගි වු දෙරණ සිනමා උලෙළ තුල මට කල අගෞරවයයි.
රධිකා , ඔබ පාවිච්චි කලා මගේ නම ..... එය ඔබකල දෙවන වරද . දුලිකා මරපන නැගිටලා ගියානම් ඇයි ඔයාට යන්න බැරි යනුවෙන් පවසා, බොහෝ ගෞරවනීය කන්තාවක් එම ආසනයෙන් නැගිටවා ඇයද වෙනත් අසුන කට යවා තිබුනා .
ඔබලා විනාශ කරන්නේ සමස්ථ කලකරුවාගේම ගෞරවයයි.
ඔබලාගේ සැබෑ ස්වරූපය හදුනාගන්නට සැලැස්වූවාට බොහෝ පින්......

දෙරණ ප්‍රධානියාගේ කීර්තිනාමයට පවා ඔබ ඉතා හානිකර බව සoවිධායක කණ්ඩායම තේරුම් ගන්නේ නම් මැනවි.මන්ද ඔබලාගේ ක්‍රියාවලිය තුලින් ප්‍රතික්ෂේප වන්නේද අගෞරවයට පාත්‍ර වන්නේද දෙරණ නාමයයි.
ආයතනක් ඇතිවන්නේත් නැතිවන්නේත් ඔබ වැනි මිනිසුන්ගේ ක්‍රියාවන් නිසය.

දුලීකා මාරපනගේ ෆේස්බුක් සටහනකි
2019/06/28

 https://www.youtube.com/watch?v=NK_OseLCmgo
Read more
Tuesday, June 4, 2019
ආගමික අන්තවාදය මිනිස් නිදහස සීමා කළා |රටින් පිටුවහල් කළ ශී‍්‍ර ලාංකික මුස්ලිම් ලේඛිකා ෂර්මිලා සෙයියිද්

රාවය පුවත්පත - 
අජිත් නිශාන්ත
ශ්‍රී ලාංකික මුස්ලිම් ලේඛිකාවන් ගැන අපට අසන්නට ලැබෙන්නේ කලාතුරකිනි. එයට හේතුව ලේඛනයේ හෝ නිර්මාණකරණයේ යෙදෙන මුස්ලිම් කාන්තාවන් හිග වීමය. එහෙත්, ද්‍රවිඩ සහ ඉංගී‍්‍රසි බසින් මෙන්ම සිංහලෙන් ලියන මුස්ලිම් ලේඛිකාවන් ද අතළොස්සක් පමණ පිරිසක් හෝ අප අතර සිටීම සතුටට කරුණකි. ඒ කෙසේවූවද, ලංකාවේ එවැනි එක් මුස්ලිම් ලේඛිකාවක් මේ වන විට බරපතළ අර්බුදයකට මැදිව සිටින්නීය. ෂර්මිලා සෙයියිද් නම් වන ඇයට පසුගිය වසර කිහිපයක් තිස්සේ මෙරට මුස්ලිම් මූලධර්මවාදීන්ගෙන් දිගින් දිගටම එල්ල වෙමින් පැවැති තර්ජන ගර්ජන සහ තාඩන පීඩන නිසාම ඇයට ලංකාව අත හැර යන්නට පවා සිදුවී තිබේ.

ද්‍රවිඩ බසින් නිර්මාණකරණයේ යෙදෙන ශී‍්‍ර ලාංකික මුස්ලිම් ලේඛිකාවක, කිවිදියක සහ සමාජ කි‍්‍රයාකාරිණියක වන ෂර්මිලා මේ වන විට සැගවී ජීවත් වන්නියක බවට පත්ව සිටියි. එරාවුර් හි ප‍්‍රජා කටයුතු පිළිබද සංවිධානයක් වන සමාජ සංවර්ධන සංවිධානයේ නිර්මාතෘවරිය වන ඇය 30 හැවිරිදි, එක් දරු මවකි. සිවිල් යුද්ධය නිමා වීමෙන් පසු ගෙවී ගිය වසර තුනක කාලය පුරා ඇය නැගෙනහිර පළාතේ සුළු ජාතික කාන්තාවන් සමග සමීපව කටයුතු කළාය.

ඇය විසින් රචනා කරන ලදුව, 2012 වසරේදී පළ වූිසිරගු මුලයිත්ත පෙන්’ සහ 2015 වසරේදී පළ වූිඌව්ව’ යන කාව්‍ය සංග‍්‍රහයන් දෙකට මෙන්මිඋම්මත්’ නමින් 2014 වසරේදී පළ වූ ඇගේ ප‍්‍රථම නවකතාවට ද තමිල්නාඩුවේ ප‍්‍රගතිශීලී ලේඛක සහ කලා සංගමයෙන් සම්මාන පිරිනැමිණි.

‘පියාපත් වැඩුණු ගැහැනු’ යන අදහස සහිත ඇගේිසිරගු මුලයිත්ත පෙන්’ කාව්‍ය සංග‍්‍රහය පළ වීමෙන් පසුව, 2012 නොවැම්බර් 18 වැනිදා බී.බී.සී. ද්‍රවිඩ (BBC
Tamil) සේවය සමග ඇය පැවැත්වූ සම්මුඛ සාකච්ඡාවකින් පසුව ඇගේ ජීවිතය කණපිට පෙරැළිණි. කාන්තාවන්ගේ ආරක්ෂාව පිළිබදව එම සම්මුඛ සාකච්ඡාවේදී අසන ලද ප‍්‍රශ්නයකට අවංකව පිළිතුරු දෙමින්, ගණිකා වෘත්තිය නීතිගත කිරීමෙන් ඔවුන්ට කිසියම් ආරක්ෂාවක් සැලසෙනු ඇතැයි ඇය කියා සිටියාය. ඇගේ එම ප‍්‍රකාශය මගින්, ඉස්ලාම් ආගමට අනුවිහරාම්’ හෙවත් තහනම් වෘත්තියක් ලෙස සැලකෙන ගණිකා වෘත්තිය පිළිගන්නා බවක් කියැවෙන්නේ යැයි කියමින් මූලධර්මවාදී කණ්ඩායම් හඩ නගන්නට වූහ. මේ සම්බන්ධයෙන් සමාව ගැනීමට සේයිද් එකග වූ නමුදු, මූලධර්මවාදී කණ්ඩායම් තරයේ කියා සිටියේ එම ප‍්‍රකාශය ඇය විසින් ඉල්ලා අස්කරගත යුතු බවය. එහෙත් ඇය එයට එකග වූයේ නැත.

ඇගේ එම ස්ථාවරය නිසා බරපතළ අර්බුදකාරී තත්ත්වයක් උද්ගත විය. ඇයත්, ඇගේ සොයුරියත් එක්ව පවත්වාගෙන ගිය ඉංගී‍්‍රසි අධ්‍යාපන ආයතනයකට පහර දී අලාභ හානි සිදු කළ මූලධර්මවාදී කණ්ඩායම් විසින් දිගින් දිගටම එල්ල කරන ලද බලපෑම් හේතු කොටගෙන ඇයටත්, ඇගේ පවුලේ සියලූ දෙනාටත් රටෙන් පිටවීමට සිදුවිය.
පසුගිය මාර්තු මාසයේදී පර්දාව නොමැතිව ඇය පෙනී සිටි ඡායාරූප කිහිපයක් මුහුණු පොතේ (Facebook) පළ වූ අතර, ඒවා ඉවත් කරගන්නැයි මූලධර්මවාදීන් විසින් ඇයට කරන ලද බලපෑම් ද ඇය විසින් ප‍්‍රතික්ෂේප කරනු ලැබීමෙන් පසුව, මූලධර්මවාදී මුස්ලිම් කණ්ඩායම් විසින් ඇගේ මරණය පිළිබද ප‍්‍රවෘත්තියක් ද සමග දූෂණය කර මරා දමන ලද’ ඇගේ සිරුර සේ පෙනෙන පරිගණක පොටෝෂොප් තාක්ෂණ යෙන් නිර්මාණය කළ පින්තූර ද ඇතැම් මාධ්‍ය ඔස්සේ පළ කර තිබිණි.
මේ සියල්ල මෙසේ සිදු වන අතර, ශී‍්‍ර ලංකාවේ මෙන්ම ඉන්දියාවේත් ඇයට සහාය පළ කිරීමට මධ්‍යස්ථ මතධාරී මුස්ලිම් පිරිස් සහ ලේඛක ලේඛිකාවන් පිරිසක් ද ඉදිරිපත්ව සිටිති.

The News Minute නමැති පුවත් සේවාව සමග පැවැති සුවිශේෂී සම්මුඛ සාකච්ඡාවකදී රටින් පිටුවහල්වීම, සිය බී.බී.සී සම්මුඛ සාකච්ඡාව සහ ප‍්‍රකාශන නිදහස ඇතුළු කරුණු පිළිබදව ඇය දැක්වූ අදහස් පෙළගැස්මකි මේ.

ඔබ උපන් රට හැර ගිහින් තිබෙනවා. නමුත් එයින් මේ ප‍්‍රශ්නයට කිසියම් හෝ විසදුමක් ලැබී තිබෙනවාද?

පුද්ගලික ආරක්ෂාව සම්බන්ධයෙන් කිසියම් ආකාරයක සැනසිලි සහගත හැගීමක් නම් අපට දැනෙනවා. මට එරෙහිව දියත් කර තිබුණු ක්‍රෝධ සහගත පළිගැනීම් මාලාව විවිධ පැතිවලට පැතිරිලා යනවා කියලා හිතෙනකොට මට දැනුණු හැගීම වුණේ මම මගේ මුළු පවුලම ලොකු අර්බුදයකට දානවා කියන එකයි. ඒ වෙනකොට සාමාන්‍ය මුස්ලිම් ප‍්‍රජාව පවා මා වෙනුවෙන් පෙනී සිටියේ නැහැ. මම කියපු දේ වැරදි විදිහට වටහාගත්තු හුග දෙනෙක් කිව්වෙ මම ගණිකා වෘත්තිය හොද දෙයක් කියලා පිළිගන්නවයි කියලයි. හැබැයි මේ වෙනකොට ලෝකෙ පුරාම ජනතාව මගේ අවංක අදහස්වලට ගරු කරමින්, මගේ හඩ හරහා මතු වුණු කාන්තා ගැටලූ තේරුම් අරගෙන සිටීම ගැන මට සතුටුයි. ජීවිතය පිළිබද ඇති වුණු බිය නිසා රටෙන් පිටවෙන්න සිද්ධ වුණත්, ඒක වෙස් වළාගත්තු ආශීර් වාදයක් බවට පත් වෙලා තියෙනවා.

පර්දාව නැතිව ඔබ පෙනී සිටි ඡායාරූප මුහුණු පොතේ පළ කිරීම සම්බන්ධයෙන් ඔබට චෝදනා එල්ල වී තිබෙනවා. ශී‍්‍ර ලංකාවේ මුස්ලිම් ප‍්‍රජාව අනවශ්‍ය තරමට දැඩියි හෝ සාම්ප‍්‍රදායිකයි කියා ඔබ සිතනවාද?

මම දන්න විදිහට නම්, අල්-කුරානයේ සුරා අන්නූරයේ 31 වැනි ගාථා පාඨය අනුව, බර්කාවක් අදින්න කියලා නියමයක් ඉස්ලාම් ආගමේ නැහැ. අවාසනාවකට වගේ පීතෘ මූලික සමාජයක ඉස්ලාම් ආගම කි‍්‍රයාත්මක වෙනකොට, සමහර පුද්ගලයො හෝ ඇතැම් කණ්ඩායම් කිහිපයක් මේක අර්බුදයක් හැටියට නිර්මාණය කරනවා. මුළු ලෝකෙ පුරාම විහිදිලා ඉන්න මුළු මහත් මුස්ලිම් ජනතාවම එකම අනන්‍යතාවක් යටතට ගේන්න ඉස්ලාමීය කණ්ඩායම් කිහිපයක් කටයුතු කරමින් සිටිනවා. ඒ අනුවයි මුළු ඇගම වැහෙන්න ඇදුමක් අදින්නයි, මුහුණු වැස්මක් පළදින්නයි බල කරන්නෙ. ශී‍්‍ර ලංකාවේ අරාබි පාසල්වල පවා මේක කි‍්‍රයාත්මක කෙරෙනවා. ඉස්ලාම් ආගම කිසියම් ඇදුමක් හෝ කිසිම ආකාරයක අනන්‍යතාවක් මත පදනම් වෙච්ච ආගමක් නෙවෙයි. ඉස්ලාම් ආගමට පදනම් වෙන්නේ ඉමාන් කියන සංකල්පයයි. ඒකෙන් කියැවෙන්නෙ කිසිම කෙනෙක් විසින් තවත් කෙනෙකුට කිසිම දෙයක් සම්බන්ධයෙන් බලපෑම් කරන්න බැහැයි කියන එකයි.

වසර තුනක් තිස්සේ ඇදී යන මේ ප‍්‍රශ්නය ඇති වුණේ බී.බී.සී සේවයේ සම්මුඛ සාකච්ඡාව සහ ගණිකා වෘත්තිය සම්බන්ධයෙන් ඔබ දැක්වූ අදහස් නිසාම පමණක්ද?

මම නම් එහෙම හිතන්නෙ නැහැ. ඒකත් එක හේතුවක් තමයි. කාන්තාවන්ට ස්වාධීනව කටයුතු කරන්න පීතෘමූලික සමාජයක් ඉඩ දෙන්නේ නැහැ. මගේ අදහස්වලින් කාන්තාවන්ගේ නිදහස ගැන සංඥා නිකුත් කෙරුණු නිසා තමයි ඒ අදහස් සමාජයේ උදහසට ලක් වුණේ. ඒකෙන් මාව දෝෂ දර්ශනයට ලක් වුණා. ඔවුන් මං ගැන විමසිල්ලෙන් බලන්න පටන්ගත්තා. මගේ ස්වාධීනත්වය, මගේ නිදහස, මම කතා කරන දේවල්, මම ලියන දේවල්, මම අදින ඇදුම සහ මම ජීවත් වෙන විදිහ කියන මේ හැමදෙයක්ම ඔවුන්ගේ කැමැත්තට අනුව සිද්ධ වෙන දේවල් නෙවෙයි. ඉතින් ඔවුන්ට ඕන වුණා මාව නැති කරලා දාන්න…

ගණිකා වෘත්තිය පිළිබදව ඔබේ අදහස කුමක්ද? එය නීතිගත කිරීමෙන් යහපතක් වෙයි කියා ඔබ සිතන්නේ ඇයි?

යුද්ධයේ බලපෑමට හසුවූ ප‍්‍රදේශවල කාන්තාවන්ගේ ජීවිත හා බැදුණු සැබෑ යථාර්ථයන් සම්බන්ධයෙන් සිදු කළ මගේ පර්යේෂණ අනුවයි මම අදහස් පළ කළේ. උතුරු නැගෙනහිර පළාත්වල ගම්මාන රාශියකට මම ගියා. පවතින තත්ත්වයන් යටතේ ගණිකා වෘත්තියට බලෙන් තල්ලූ කරනු ලබන කාන්තාවන් වගේම බාල වයස්කාර ළමයින් පවා මට හමු වුණා. ලිංගික සේවය නීතිගත කිරීම මගින් බලහත්කාරයෙන් ලිංගික වහල් සේවයට පිරිස් යෙදවීම නවත්වන අතරම, අමානුෂික කි‍්‍රයා කලාපයන්ට එරෙහිව කටයුතු කිරීම සදහා පියවර ගැනීම සදහා කාන්තාවන්ට සහාය ලබා දිය හැකියි. කාන්තාවන් සම්බන්ධයෙන් සිදු වන අපරාධ සහ ප‍්‍රචණ්ඩකාරී තත්ත්වයන් ඒ මගින් අඩු කරගන්න පුළුවන් වෙයි. පවතින තත්ත්වයන් නිසාම කාන්තාවන් ගණිකා වෘත්තියට ඇදී යෑමත් ඒ මගින් වළක්වාගන්න පුළුවන් වෙයි. ගණිකා වෘත්තිය නීතිගත කරපු රටවල් දිහා බැලූවාම පේනවා ඒකෙන් කාන්තාවන්ගේ සුභසිද්ධිය, අපරාධ අනුපාතය පහළ යෑම සහ එයින් සමාජයට ඇති වී තිබෙන බලපෑම මොන වගේද කියලා. අන්න ඒ නිසායි මම කිව්වෙ පූර්ණ වශයෙන් පරිණත ධනවාදී රටක් වන ශී‍්‍ර ලංකාවටත් ඔය කාරණය සම්බන්ධයෙන් ගැටලූවක් තිබිය යුතු නැහැයි කියලා.

‘උම්මත්’ නමැති ඔබේ නවකතාවෙන් කියැවෙන්නේ ශී‍්‍ර ලංකාවේ නැගෙනහිර පළාතේ මුස්ලිම් ප‍්‍රජාව තලෙයිබාන්කරණය වීම ගැනයි. අද ඒ සම්බන්ධයෙන් පවතින තත්ත්වය ගැන යමක් අපට කියන්න පුළුවන්ද?

‘උම්මත්’ නවකතාවෙන් කිසිසේත්ම තලෙයිබානු කරණයක් ගැන කියැවෙන්නේ නැහැ. ඒක පොත ලියපු කතුවරියට අපහාස කිරීමේ අරමුණ ඇතිව, නවකතාව විකෘති කරලා අදහස් පළ කරන අය පතුරන දුර්මතයක්. ඇත්තටමිඋම්මත්’ නවකතාවෙන් කියැවෙන්නේ ශී‍්‍ර ලංකාවේ සිවිල් යුද්ධය අත්විදිමින් ජීවත් වූ, වාර්ගික සහ ආගමික වශයෙන් සුළුතරයට අයත් කාන්තාවන්ගේ ඛේදවාචකය ගැනයි. මේ නවකතාව සදහා මම තලෙයිබානුකරණය කියන වචනය යොදාගත්තේ පහසුවෙන් තේරුම්ගත හැකි උදාහරණයක් විදිහටයි. ඇතැම් ආගමික අන්තවාදී සංවිධාන ආගමික නිදහස සීමා කිරීමට පසුබිම සැකසෙන ආකාරයේ මතවාද පතුරුවමින් සිටිනවා. ඉස්ලාම් ධර්මය සම්බන්ධයෙන් ඔවුන් පළ කරන මතවාද සමස්ත මුස්ලිම් ප‍්‍රජාව විසින්ම අනුගමනය කළ යුතු යැයි විශ්වාස කරන මුස්ලිම් කල්ලි ප‍්‍රමාණයත්් ක‍්‍රමයෙන් වැඩි වෙමින් සිටිනවා. ඒ මතවාදවලට පටහැනි අදහස් දරණ අයව හෙළා දකින යම් ක‍්‍රමවේදයකුත් කි‍්‍රයාත්මක වෙනවා. ඒක තරමක් දුරට තලෙයිබාන්වරු කරන දේටත් සමානයි.

අජිත් නිශාන්ත
ajith_vithana@yahoo.com


 https://www.youtube.com/watch?v=EQHnywKiz0M&t=2s
Read more
Sunday, June 2, 2019
කොළඹ නගර සභා ඉතිහාස රස

: රාවය -
රේඛා නිලුක්ෂි හේරත්
අපි කොටුව කඩවීදි දිගේ ඇවිද යමින් සිටියෙමු. කඩවීදි අතර අතරින් පතර පැරණි ගොඩනැඟිලි දකින්නට ඇත. පැරණි කොටුවට අයත් අංග දිරාපත් වෙමින් කොළඹ කට්ට අව්වේ වේලෙමින් සිටින්නේ ‘අපේ වටිනාකම දකින්නට කවුරුවත් නැද්දෝ’ යැයි අසමින් මෙන්ය. ඒ සියල්ල පසුකරමින් කෙළින් වීදියට ඇතුළු වූ අපි කෙළින් වීදිය දිගේ ගමන් කළෙමු. කයිමන් දොරකඩත් පසු කළෙමු. කයිමන් දොරටුව හෙවත් කිඹුල් දොරටුව ගැන පසුව ලියන්නට ඉටාගෙන අපි පැරණි ගොඩනැඟිල්ලක් අසළ නතර වුණෙමු. කෙළින් වීදිය දිගේ එන අපට මුණගැසෙන්නේ පැරණි නගර ශාලාවයි. ගිනි නිවන වාහන කිහිපයක් එය ඉදිරිපිට නවත්වා ඇත.
ලංකාවේ පැරණිතම පළාත් පාලන ආයතනයට අයත් වන ගොඩනැඟිල්ල වන මෙයයි. ගොඩනැඟිල්ල ඉදිරිපිට කොළඹ නගර සභාවට අයත් ලාංඡනය තිබුණි. ගොඩනැඟිල්ලෙන් ඇතුළුවෙද්දී අප අසා ඇති දේවල් සිහිපත් කරගත්තෙමු. ගොඩනැඟිල්ලෙන් පිටතට පැමිණි අපි කොළඹ නගර සභාවේ ඉතිහාසයෙනුත් විකිපීඩියා වෙබ් අඩවියෙන් මෙන්ම කොළඹ නගරයේ ඉතිහාස කතා ලියන බ්ලොග්කරුවෙකු වන කොළොම්පුරේ සවාරියක් බ්ලොග් අඩවියේ අසංග රණසිංහ ආරච්චිගෙනුත් සහාය ලබාගෙන පැරණි නගර සභා ශාලාවේ මතකයන් එකතු කරගන්නට උත්සාහ කළෙමු.
පැරණි නගර සභාවේ තවමත් කොළඹ නගර සභා ලාංඡනය ඇත. 1873දී සිට 1928 මැයි මාසය දක්වා වසර පනස්පහක පමණ කාලයක් තිස්සේ පැරණි නගර සභා ගොඩනැගිල්ල කොළඹ නගරය පාලනය කළ අතර 1979දී ආර්. ප්‍රේමදාස මහතාගේ අදහසක් අනුව මෙම නගර සභා ගොඩනැඟිල්ල තුළ කෞතුකාගාරයක් තනා 1984 දෙසැම්බර් මාසයේදී ජේ.ආර්. ජයවර්ධන ජනාධිපතිවරයා විසින් මහජන ප්‍රදර්ශනයට විවෘත කළ බව එක් පරම්පරාවකට අයත් පිරිසකගේ මතකයක් බවට පත්ව ඇත. නව පරම්පරාවේ බොහෝ දෙනෙක් මේ කෞතුකාගාරය ගැන හෝ පැරණි නගර සභා ගොඩනැඟිල්ල ගැන දන්නේ නැත.
මහජන ප්‍රදර්ශනයට විවෘත කළත් මේ කෞතුකාගාරය දකින්නට එන්නේ අතරින් පතර විදේශිකයෙකු සහ උනන්දුවක් දක්වන ලාංකිකයෙකු දෙන්නෙකු පමණකි. ලාංකිකයන් පැරණි නගර ශාලාව බලන්නට පැමිණීම පුදුමයක් විය හැකිය. අප පැරණි පල්ලියක් සේ දිස්වන ගරාවැටීමට නියමිත ගොඩනැගිල්ල දෙස බලමින් එබිකම් කරද්දී ඉදිරිපිට ත්‍රීවීලර් නැවතුම්පලක සිටි දෙන්නෙකු ‘අරාබි රටකින් ආ දෙන්නෙක් වෙන්න ඇති’ කියා කීවේ ඒ නිසා විය හැකිය.
නගර ශාලාවේ කෞතුකාගාරයේ ඇත්තේ කොළඹ නගරයේ මුලින් භාවිත කළ යන්ත්‍ර, උපකරණ ආදි දේවල්ය. කොළඹ නගර සභා පුස්තකාලයේ ජංගම පුස්තකාලය ලෙස මුල්වරට භාවිත කළ වෑන්රිය, මුල්ම ගල් තලන යන්ත්‍රය, පැරණි බෝක්කු, මුලින්ම ළමා උයනක් වෙනුවෙන් භාවිත කළ සීසෝවක්, මුලින්ම කොළඹ නගරයේ කුණු අදින්නට භාවිත කළ කරත්තයක්, පැරණි ලොරියක්, පැරණි මඟ සලකුණු කණු, ජලාපවහනය වෙනුවෙන් භාවිත කළ උපකරණ මෙහි තැන්පත් කර ඇත.
මේ සියල්ල පැරණි කොළඹ කෙසේ වීදැයි අපට අතීතකාමී හැඟීමක් ඇති කරවන සංකේතයි. අපි මේ කෞතුකාගාරයේ සිට පැරණි කොළඹ මවාගත්තෙමු.
කොළඹ ගෝල්ෆේස් පිටිය මුලින්ම විවෘත කළ අවස්ථාවේ එහි තැබූ සමරු ඵලකය අද ඇත්තේද පැරණි නගර ශාලාවේ ඇති කිසිවෙකු නොදකින කෞතුකාගාරයේය. එමෙ න්ම නව නගර ශාලාව වෙනුවෙන් සර් එස්. ජේ. එඞ්වර්ඞ්ස් විසින් සකස් කළ සැලැස්මේ අනුරුවක්ද මෙහි ඇත. මුලින්ම නගර සභා ක්‍රීඩා තරගාවලි වෙනුවෙන් භාවිත කළ පදක්කම්ද මෙහි ඇත.
මේ කෞතුකාගාරය ඉදිකරන්නට හේතුව ඒ වනවිට නගර පැරණි ශාලා ගොඩනැගිල්ල දිරා පත්වෙමින් පැවති නිසාය. එහෙත් කෞතුකාගාරයක් බවට පත්වීමෙන් පසුව මේ ගොඩනැගිල්ල දිරාපත්වීමේ වේගය වැඩි වී ඇතිදැයි සිතේ. බුරුමයෙන් මේ ගොඩනැගිල්ල සඳහාම ගෙන්වූ ලීවලින් තැනුණු දොර ජනෙල් සහ භාණ්ඩ දිරාපත් වෙමින් තිබේ. ගොඩනැගිල්ලේ ඇති ලී පඩිපෙළ කඩාවැටීමේ අවදානමකට ලක්ව ඇත. මෙය වසරකට වරක් තීන්ත ගා අලුත්වැඩියා කළ යුතු වුණත් මේ වසරේ තවමත් අලුත්වැඩියා කර නැත. පැරණි යන්ත්‍ර සූත්‍ර පවා දිරාපත්ව ඇත. කොළඹ බලන්නට චාරිකා එන්නෝ ගෝල්ෆේස් පිට්ටනියත්, ග්‍රහලෝකාගාරයත්, සත්තුවත්තත් බලා කොළඹින් යන්නේ මේ වටිනා තැන දැකබලා ගන්නේ නැතිවමය.
පැරණි නගර ශාලාවේ සිට වසර විසිහයක් තිස්සේ නගරාධිපතිවරුන් විසිහය දෙනෙකු කොළඹ නගරයේ පරිපාලන කටයුතු සිදුකර ඇත. ඒ සියලුදෙනාම ඉංග්‍රීසි ජාතිකයෝ වූහ. සියල්ලන් අතරින් පළමුවැන්නා ගැන මඳක් කතා කළ යුතුය. පළමුවැනි නගරාධිපතිවරයා වන්නේ කීර්තිමත් පරිපාලකයෙකු ලෙස නමක් දිනාගනිමින් පසුව නයිට් පදවියෙන්ද පිදුම් ලැබූ චාල්ස් පීටර් ලෙයාඞ් මහතායි. ඔහුගේ පුත්‍රයා වන චාල්ස් පීටර් මහතා ලංකාවේ දහසය වැනි අගවිනිසුරුවරයා බවට පත්විය. ඔහුගේ පියා යාපනයේ සේවය කළ රාජ්‍ය නිලධාරියෙකි. ලෙයාර්ඞ් පරම්පරාවම ලංකාවේ සිවිල් සේවයට කැපවී සිටි අතර සී.පී. ලෙයාර්ඞ් නම් පළමු නගරාධිපතිවරයා ලන්ඩන යේදි මියගිය පසුව ඔහුගේ අවසන් කැමැත්ත වූයේ ලංකාවේ තමන්ව මිහිදන් කරනු දැකීමයි. ඒ අනුව ඔහු කොළඹ කොටුවේ ඇති, 1801 දී ලංකාවේ ශ්‍රේෂ්ඨාධිකරණය මුලින්ම රැස්වූ ගොඩනැඟිල්ලෙහි දැන් පවතින ශාන්ත පීටර්ස් පල්ලියේ මිහිදන් කර ඇත.
මේ නගර සභාව ජේ.ජී. ස්මිනර් විසින් සැලසුම් කළ ගොඩනැගිල්ලක් වුණත් එය සැලසුම් කිරීම මුලින්ම භාර වුණේ ජී. බර්ටන් මහතාටයි. ඒ 1850 දී කොළඹ නගරයට නගර සභාවක් අවශ්‍ය බවට බි්‍රතාන්‍ය පාර්ලිමේන්තුවේ සම්මත කළ යෝජනාවක් සහ ඒ අනුව 1865දී ප්‍රසිද්ධ කළ නිවේදනයක් අනුවයි. කොළඹ නගර සභාව ආරම්භ වූයේ 1865 අංක 17 දරන පනතනි. ජී. බර්ටන් ගිනි පනහක් අයකොට ඉදිකළ සැලසුම ගොතික් ක්‍රමය අනුව සැකසුණු ගොඩනැගිල්ලකි. නගර සභාවේ සභා ගර්භය හා කාර්යාල උඩුමහලත්, පුස්තකාලය සහ මහේස්ත්‍රාත් කාමරයත් ඉන් එහා පැත්තේ එඩින්බරෝ වෙළෙඳ සැලත් ඔහු සැලසුම් කර තිබුණු අතර සම්පූර්ණ සැලැස්මට පවුම් 15,000ක වියදමක් ඇස්තමේන්තුගත කොට තිබුණි. එහෙත් එම සැලසුම වියදම් අධික බව පෙන්වා දුන් නිසා ජේ.ජී. ස්මිනර් මහතාගේ දෙවැනි සැලැස්මක් අනුව නගර සභාවේ ඉදිකිරීම් ආරම්භ විය. වසර තුනකින් පවුම් හත්දාහක් වියදම් කරමින් ඒ අනුව මේ ගොඩනැගිල්ල ඉදිවිය. මේ ගොඩනැගිල්ලත් සමඟම ඉන් එහා පැත්තේ එඩින්බරෝ වෙළෙඳසැලත් ඉදිවිය.
මෙසේ ඉදිවූ නගර සභාවේ පළමු වරට නගර සභාව රැස්වුණේ 1866දී පැවති නගර සභා මැතිවරණයෙන් පසුවයි. නගර සභාවට කොල්ලුපිටිය, කොම්පඤ්ඤ වීදිය, කොටුව, ශාන්ත බස්තියම, පිටකොටුව, ශාන්ත පාවුලු, කොටහේන, නිව් බසාර්, මරදාන නියෝජනය කරමින් එක් නියෝජිතයෙකු බැගින් සීමිත ඡන්දයෙන් තෝරාගෙන තිබුණි. ඊට අමතරව ආණ්ඩුකාරවරයා විසින් තවත් නියෝජිතයෙකු පත් කරගෙන තිබුණු අතර පළමු නගර සභා රැස්වීම 1866 ජනවාරි 12 වැනිදා රැස්ව ඇත. නගර සභාව වසර එකසිය පනහක දීර්ඝ ඉතිහාසයක් පසු කරද්දී ඉන් වසර පනහක් නගර සභාව ලෙස පැවතුණේ මේ ඓතිහාසික ගොඩ නැගිල්ලයි.
ඒ ඉතිහාසයෙහි රසය විඳිමින් කොළඹ පාලනය කළවුන් ආ ගිය ලී පඩිපෙළෙහි පහළට අපි බසින්නට පටන් ගත්තෙමු. ඒ තව වසර කීයක් යන තෙක් මේ රසය විඳින්නට හැකිවේද යන්න කල්පනා කරමින්ය. කිසිවෙකුට වැදගත් නැතිනම් මේ වටිනා ඓතිහාසික සාක්ෂිය අකාලයේ මියැදෙනු ඇත.■


 https://www.youtube.com/watch?v=EQHnywKiz0M&t=2s
Read more
Saturday, June 1, 2019
මල් පෙරහැරේ අපි ගෝලයෝ. සන්නා අපේ දළ ඇතා.  -  සන්නා වටේ සිටින පැපොල් ඇට ලොන්තයන්ට සමන් එදිරිමුණී. කියපු කතාව

පුද්ගලික සම්බන්ධකම් ප්‍රසිද්ධියේ ප්‍රකාශට පත් කිරීමේ න්‍යාය මා උගත්තේ සන්නාගේ අම්මා පොතෙනි. මේ ඔහුව අමතන්නේ ඒ රචනා ශෛලීයෙනි.

# සන්නා ගැන නොදත් වටේ සිටින පැපොල් ඇට ලොන්තයෝ.......

සන්නා අසල දැන් ගැවසෙමින් සිටින අවුරුදු විසි තිස්ගණන් වයස පැපොල් ඇට ලොන්තයෝ කියනා පරිදි ඔවුන්ගෙ සම්බන්ධකම ඔවුන්ගේ වයසට වඩා හත් අටගුණයකින් වයසය. සන්නා ගැන උන් දන්නේ සන්නා තාත්තාගේ වෘශණ කෝෂ වල ශුක්‍රාණුවක්ව තිබියදීය. සන්නා මාව දන්නා බවත් මා සන්නාව දන්නා බවත් නොදත් ඒ ලොන්තයින්ට මෙසේ අමතමි. අසාගනින් පකයිනි,

මම මල්කතා කරුවෙක්මි. මා ලියු නවකතා සහ ටෙලිනාට්‍ය මල්කතා ගණයට වැටෙයි. නමුදු මා මේ ගමන් කරණා පෙරහැරේ දළ ඇතා සන්නාය. අපි ගුරුකොට ගත්තේ සන්නලා, බන්ධුල පුස්ප කුමාරලා ආරම්භ කල මල්කතා කලාවය. අවශ්‍ය නම් සන්නාගේ වස්සානය නැවත කියවා බලන්න. සන්නා වටා දැන් සිටින පැපොල් ඇටලොන්තයෝ හිතාගෙන ඉන්නේ උන් ප්‍රබුද්ධ කඳවුරක ඉන්නවා කියලාය. සන්නා අයිති අපේ මල්කතා පරපුරටය. මා දෙරණ මාධ්‍ය ජාලයට සම්බන්ධ වෙද්දී ඒ වනවිටත් දෙරණට යම් යම් වැඩ කල සන්නාගෙන් දෙරණ ගැන උපදෙස් ලබා ගතිමි. ඒ අදහස් මට මනා පිටිවහලක් විය. ඔහු අපි වැනි මල්කතා මල්ලිලාට සදාදරණීය, අයියා කෙනෙකු බව කිවයුතුය. පුකට පයින් ගහලා කියන්නෙ විශ්වාස කරපල්ලා. කරුණාකර ඒ් මහතාව අපිට දීපල්ලා පකයිනි. ඔහු ඔහුගේ මුද්‍රණාල ධනය ප්‍රබුද්ධ පොත් කීපයක් සඳහාද පුද්ගලික ධනය හඳයාගේ චිත්‍රපට 3ක් සඳහාද වියදම් කර ඇත. ඔබ විසින් කර ඇත්තේ ත්‍රිපිටකයක් අච්චු ගැසුවා කියා මුද්‍රණාලයේ හිමිකරු බුදුන් වහන්සේ ලෙස තේරුම් ගැනීමේ වරදයි. අමුතු පොත් අච්චු ගසන්නට මුදල් වියදම් කල පලියට ඒ මිනිසා අමුතු මිනිසෙකු නොවේ. ඔහු විවිධ පොත් අච්චු ගසයි. මීට වසර ගණනකට පෙර සාහිත්‍ය මාසය කිට්ටු වෙද්දි සන්නා මට ඇමතුමක් දී මාගේ නවකතා පොතක් අච්චු ගසා ප්‍රකාශයට පත් කරන්නට තමා තීරණය කර ඇති බව මට කීවේය. මම එවැන්නක් තීරණය කර නොමැති බව මම කීවෙමි. ඉන් පසු පිට පිට වසර 3 ක් ඔහු සාහිත්‍ය මාසය ලං වෙද්දී මට ඒ ආරාධනය කල අතර මම එය ප්‍රතික්ෂේප කලබව ඇත්තක්දැයි ඔහුගෙන් දැනගත හැකිය.

# සන්නාගෙන් ඇමතුමක් - ඉන්න තැනකින් හරවන් මා ගාවට වරෙන්.

2015 ජනාධිපතිවරණයෙන් පසු එළැඹුණු මහ මැතිවරණයට සන්නා කොළඹින් තරග කරන්නට යන බවක් මම මාධ්‍ය මගින් දැනගතිමි. ජනාධිපතිවරණයෙන් පසු මහ ඡන්දය ගැනද මගේ එතරම් උනන්දුවක් නොතිබිණි. කෙසේ වෙතත් මහමැතිවරණයට ආසන්න දිනක, මම අධීවේගී මාර්ගයේ කළුතර බලා යමින් සිටියෙමි. මොරසූරණ මහ වැසි දවසකි. අතරතුරදී සන්නා මා ඇමතුවේය.
සමන් කොහෙද ඉන්නේ
හයිවේ එකේ ඉන්නෙ
කොයි හරියෙද
කහතුඩුව එන්ට්‍රන්ස් එක පේන මානේ
හරි එලිය දාලා දෙල්කඳ ඔෆිස් එකට එන්න, මට ඔයාට කියලා වැඩක් කරවගන්න තියෙනවා.
එන්නං
මම කහතුඩුවෙන් පිටවී දෙල්කඳට ගියෙමි. එහි යන විට , එතන කොල්ලන් කෙල්ලන් 15 ක් 20 ක් වැඩ කරමින් සිටියේය. ඒ වන විට සන්නාට අන්තර්ජාලයේ සංවිධානාත්මකව දැවැන්ත මඩ ප්‍රහාර එල්ලකරමින් සිටියේ. අජිත් වාගේ නමක් ඇති සිනාමා විචාරකයෙක් පෙරමුණේ සිටියේය. ඔහු ලියු ලිපියකින් සන්නාගේ හිත හොඳටම රිදී තිබිණ. සන්නා ඒ වන විට ජනප්‍රියම ජාතික පුවත්පතේ අතිරේකයක් මුදල් දී සතියක් සඳහා හයර් කර තිබිණ. එබැවින් ඒ අතිරේකයේ සම්පුර්ණයෙන්ම සන්නා ගැන සන්නා ලියනවා වාගේ ස්වැයං චරිතාපදානයක් ලිවීම මට පැවරුණු කාර්යය විය.
උඹ ලියන ඒවා මාරම රහයි සමන්. ඒ ස්ටයිල් එකට මං කැමතියි. ඒකයි මේකට ඔයාව තෝරගත්තෙ.
ඔහු ඒ වචන කීවේය. නැවත ගෙදර විත් පසුදා නැවත ගියෙමි. ලියන්නට ගතිමි. එහිදී ඔහු මාරි පෙට්ටියක දැමූ පැරැණි ඡායාරූප එකතුවක් මට පෙන්වුයේය. ඒවා අතිශය පුද්ගලිික ඡායාරූපව ඔහු කීවේය. සන්නාට තිබු චෝදනා මම කරුණු වශයෙන් ගොනු කල ඒවාට පිළිතුරු ලීවෙමි. ඊට ගැලපෙන ඡායාරූප සන්නා සොයා දෙයි. ඒ අතර අන්තර්ජාලයේ ඔහුට විරුද්ධව පලවන සත්‍ය හෝ අසත්‍ය අවාසි සහගත කමෙන්ට් වලට කුණු හරුපෙන් හෝ වෙනත් ශිෂ්ඨ භාෂාවකින් පිළිතුරු සපයන්නට චුටි මල්ලිලා 15 ක් පමණ කාමරයක් තුල පරිඝණකාගාරයක් තුල වැඩ කලේය. උන්ට ෆේක් profile ගණනාවක් තිබිණ. ඒ profile මම අදටත් සන්නාගේ පිටුවේ විරුද්ධවාදීන්ට බනින අය අතරේ මම දකිමි. ඉතින් ඒ ගොඩනැගිල්ලෙ උඩම මහලේ වාඩියක් අටවා අලි තඩි කල්දේරම් වල බත් හැලි ඉදෙයි. පරිප්පු අල ව්‍යංජන ඉදෙයි. හාල්මැස්සන් බැදෙයි. ගංජා කූරු ගැසෙයි. ශිෆ්ට් එකට කන්නට උඩට එන ඈයෝ ප්ලාස්ටික් පිගානේ කා වතුර බී පහල බසියි. නැවත වැඩ කරයි. ඒ අතරේ අනාගත ඇමතිවරයාගෙන් පසුකාලීනව වැඩක් කරගන්නට සිතා පැමිණ සිනාසී බොරුවට නියවා යන මිනිස්සුද වෙති. සන්නා මට හොරෙන් කියයි.
ඔකුන් එන්නේ පස්සෙ මොනව හරි බලාපොරොත්තුවෙන්.
මමද එය විශ්වාස කලෙමි. සන්නා කොළඹින් රනිල් වික්‍රමසිංහව පවා පරද්දන බව මට ඉඳුරාම විශ්වාසයක් විය. මම ගැම්මෙන් ලීවෙමි. එය ඉතාම දිර්ඝ ලිවිල්ලකි. දවස් දෙකක් හෝ තුනක් මට ඊට ගත විය. මම සියල්ල ලියා සන්නාට බලන්නට දුන්නෙමි. ඒ ලියවිල්ල මා ළග තවම ඇත. ඔහු ඒ දෙස ආදරණීයව බලා ඇස් පුංචි කර සිනාසී මෙසේ කීවේය.
ඒකනේ සමන් මං උඹටම මේක දුන්නෙ. මේක මරු
ඡායාරූප කිහිපයක් දුන් සන්නා මට මෙසේද කීවේය.
මේ ඉන්නෙ ඔය මට පැලෙන්න ගහන සිනමා විචාරක අජිත්. මේ ඉන්නේ ...... අවුරුද්දේ මගේ පංතියේ ෆ්‍රී කාඩ් පෝලිමේ. මගේ ෆ්‍රී කාඩ් අරන් ඉගෙන ගෙන ඌ මටම ගහනවා. මේ ෆෝටෝ එක දාන්න,
මේ ඉන්නේ ෆ්‍රී කාඩ් පෝලිමෙමයි කියලා ඔයා කොහොමද කියන්නෙ.
මමනේ කියන්නේ. ඔයා දාන්නකෝ
මම ඉන් එහා කිසිත් නෑසුවෙමි. මගේ වැඩේ අහවර කර තඹ සතයක්වත් නොගෙන ගෙදර ආවෙමි. ඔහු ඡන්දය ජයග්‍රහණය කලයුතු යැයි හදවතින්ම පැතුවෙමි. නමුත් ඔහුවත් සිහිනයකින් වත් නොසිතූ විරු ලෙස ඔහුව කොළඹ ජනතාවත්, ලක්ෂ සංඛ්‍යාත ශිෂ්‍ය ප්‍රජාව විසිනුත් ප්‍රතික්ෂේප කර දැමීය. සන්නා වෙනුවෙන් දැන් මැරෙන්න යන පැපොල් ඇට ලොන්තයන් පවා එදා ඡන්දය භාවිතා කලේ සන්නාට විරුද්ධව බව ඔවුන් ගේ හදවත් දනියි. මම සුසුමක් හෙලමි. එය එසේ සිදුවිය.

# ඡන්දයෙන් පසු චේන් පැන්නා.....

ඡන්දයෙන් පසු සන්නා නැමැති ආදරණීය සොඳුරු මිනිහා අනිවාර්ය ලෙසම මිය ගියේය. එහෙත් ආගමක් දහමක් නැති පවුලක් පංසලක් නැති, හැගීමක් බැදීමක් නැති, ලේ නෑකම ගැන විශ්වාසයක් නැති ජීවත්ව සිටියදීත් මලවුන් සේ හැසිරෙන මළවුන් යදින පරම්පරාවක් සන්නාගේ නාමික මියයෑමෙන් පසු ඔහුගේ අධ්‍යාත්මික මෘත දේහය රැගෙන වන්දනාමාන කරමින් සිටියි. මට දැන් ඔහු ඔහේ වැනෙන සෙවනැල්ලක් පමණි. ලංකාවේ ඉහලම පන්නයේ දේශපාලකයින්, ව්‍යාපාරකයින්, කලාකරුවන්, හොරුන් , තක්කඩියන්, ජ්‍යෝතීර් වේදීන් මාධ්‍යට ගෙන්වා ඔවුන්ව ප්‍රශ්න කර ආධ්‍යාත්මිකව රෙදි ගලවා යමාමහා පෙලහර පෑ ඒ අභීත මිනිසා, දැන් සාමාන්‍ය පෙළ ප්‍රතිපල එනතුරු කාලය කා දමන්නට Facebook ආ හුජ්ජ කොල්ලන්ගේ කමෙන්ට්ස් වල කුණුහරුපෙන් බනියි. අම්මගෙන් අහපන් යැයි කියයි. තෝ දැන් බැදලා ඉන්නේ මං ඉස්සර ගහපු එකී නේදැයි වාගේ කතා අසයි. සරම උස්සා පුක පෙන්වයි. අතීත ආදරණීය සන්නා ගැන කිසිත් නොදන්නා අර වටේ සිටින පැපොල් ඇට ලොන්තයෝ, විසිල් ගසති. හූ කියති. උසි උසි යැයි කියති. සන්නාණෝ බුරති.
මම දන්නා සන්නා, අසාධාරණයට විරුද්ධය, කිපෙන්නේ නැත., වාග් විලාශය අති සුන්ඳරය. අහිංසක සිනහවක් ඇත. කොණ්ඩය කොටට කපා පැත්තට පීරා ඇත. තැනකට එක්කාගෙන ගොස් මේ ඉන්නේ මහත්මයෙක් යැයි හදුන්වාදිය හැකිය. හැබැයි දැන් ඉන්නා එකා වෙනස්ය. ඔහුට මුලින්ම ඉරාජ් ගීතයකින් පොඩි විහිලුවක් කලේය. සන්නා ඊට තරවටු කලේය. අලුත්ගම මිහිරිපැන්න නගරයේ මුස්ලිම් ගැටුම වේලාවේ සන්නා බොදුබල සේනාව ඇමතුවේ ජාතිවාදීපකයිනි., කියලාය. ඒ අපි දන්නා සන්නාය. එහෙත් පාස්කු ඉරිදා බෝම්බ ප්‍රහාරයෙන් 250 කට අධික පිරිසක් මිය පරලෝ යැව්වේ අන්තවාදී මුස්ලිම් ඇත්තන්ය. එතනදී අන්තර්ජාලික සන්නා අන්තවාදී මුස්ලිම් පකයිනි කියා කීවේ නැත. ඔහු එදා පටන් අද දක්වා ඒ ගැන වචනයක් නොකියු ඔහු, පොඩි පොඩි හුරිජ්ජ කොල්ලන්ගේ පෝස්ට් ශෙයාර් කරමින්, බබා හුකුං දානවාය. නමුත් මා දන්නා ඇත්ත සන්නා එහෙම නැත. සන්නාගේ ෆේස්බුක් එකවුන්ට් එක හැක් වී ඇතැයි මම සැක කරමි. එය සැක හැර දැනගන්න මම කලේ ඔහුට පණිවිඩයක් යැවීමය. ඔහු ඒවාට දුන්නේ ඉදුරාම වෙනදා දෙන පිලිතුරු නොවේ. හිටි ගමන් සන්නා මාව unfriend කර තිබිණ. මම නැවත පණිවිඩයක් යවා ඇසුවේ ඇයි මාව unfriend කලේ කියලාය. ඊට පිලිතුරු නැත. මන්ද යත් ඒ සැබෑ සන්නා නොවන බව මම ඉඳුරාම දනිමි.
සන්නා ගේ ෆේස්බුක් පිටුව හැක් වෙලාද, එසේත් නැතිනම් සම්පූර්ණයෙන් සන්නාවම හැක් වෙලාදැයි මට කියා දෙන්න. මේ ඉන්නේ මා ගෞරවයෙන් ආශ්‍රය කල සන්නා නම් නොවේ. හුජ්ජ කොල්ලන්ගේ හූවකට සරම උස්සා පුක පෙන්වන මෙවැනි බාලයෙකු ආශ්‍රය කිරීමට තබා රිටකින් වත් ඇල්ලීමට මම ප්‍රිය නොකරමි. සන්නාගේ මුවාවෙන් රැවුලක්ද වවාගෙන නටන පකයාගේ පුකට පයින් ගසා කියමි. උඹට සන්නාගේ මයිලක් තරම් දෙයක් වත් කරන්නට නුපුලුවන. කරුණාකර ඒ ශ්‍රෙෂ්ඨ මිනිසාගේ ෆේස්බුක් ෆ්‍රොෆයිල් එක ඒ මනුස්සයාට දියං. රැඩිකල් පක්කුන්ට නමක් තිබුනේ නැත. මනුස්සයෙක් ආදරය කලේ නැත. උන් ඒ ඉරිසියාවට රටක් ආදරය කල මිනිසෙක්ව විනාශ කර දමා , ඔහුට ආදරය කල අපිට හිනා වෙමින් සිටිති.

- සමන් එදිරිමුණී.
මල්කතා රචක

 https://www.youtube.com/watch?v=EQHnywKiz0M&t=2s

Read more
Sunday, April 28, 2019
ඉස්ලාම් අන්තවාදයට එරෙහිවූ වරදට මක්කමදී කට කැපූ යහීයා මව්ලවිතුමා කියන කතාව….

ලංකාවේ මුස්ලිම් අන්තවාදීන්ගේ බලවත්ම ජීවමාන ආගමික සතුරා යහියා මවුලවීතුමාය. මවුලවි කෙනෙක් යනු ආගමික ගුරුවරයෙකි. එසේත් නැතිනම් ෂේක්වරයෙකි. කොච්චිකඩේ නිවුන්හැම් චතුරස්‍රයේ පිහිටි ජුම්මා දේවස්ථානයේ මෙන්ම කොළඹ නගර සභාව අසල පිහිටි ප්‍රකට දවටගහ පල්ලියේද, එතුමා නිතිපතා ධර්මය දේශනා කරන්නේය. තව්හීඩ් ජමාත් අන්තවාදීන්ගේ ඝාතන ප්‍රයත්නයන්ගෙන් හා පැහැර ගැනීම් අවසානයේ දිවි ගලවාගෙන නමුත් තවමත් ඔවුන්ගේ බලවත්ම විවේචකයා වී සිටි යහියා මවුලවීතුමා කිසිවකුගේත් ආරක්ෂාවක් නැතිව හුදකලාව දිවි ගෙවමින් මෙසේ කියන්නේය. මගේ ආරක්ෂාවට අල්ලාගෙ හෙවත් දෙවියන්ගේ මිත්‍රයින් සිටිනවා. ඉතින් මට වෙන කාගේවත් ආරක්ෂාවක් ඕන නෑ.

මේ වහාබ් අන්තවාදය පැතිරීමේ ප්‍රධාන ලකුණු දෙකක් තියෙනවා. එකක් මුහුණත් එක්ක මුළු ශරීරයම වසා දමන බුර්කාව. අනික මේ අන්තවාදය පසුපසින් එන කුඩු ජාවාරම. මේ දෙකම වහාබ්වාදයත් එක්කයි එන්නේ. පළමුවෙන්ම ආණ්ඩුව බුර්කාව තහනම් කළ යුතුයි. මේ ඇඳුම අඳින්නට නබීතුමාවත්, කුරාණනයවත් අපට උගන්වල නෑ. නබිතුමාට බිසෝවරු හයදෙනෙක් හිටියා. මේ හයදෙනා පාරෙ යනකොට මිනිස්සු නොයෙකුත් කතා කියන්න ගත්තා. ඊට පස්සෙ තමයි නබිතුමා තමන්ගේ බිසෝවරුන්ට බුර්කා ඇන්දුවෙ, කාගේ කවුද, කොයි කෙනාද කියලා සොයා ගන්න බැරිවෙන්න. ඉතින් මේ අන්තවාදී මෝඩ රැල තමන්ගේ ගෑනිටයි, දූලටයි බුර්කා අන්දලා නබිතුමාගේ පවුල වාගේ හැසිරෙන්න හදනවා. මේක පිස්සුවක්. ආණ්ඩුව වහාම මේ අැඳුම තහනම් කළ යුතුයි. එය මේ වහාබ් අන්තවාදය විනාශ කිරීමේ වැදගත් පියවරක්.

මීට අවුරුදු විස්සකට තිහකට කලින් මේව අපේ රටේ තිබුණේ නෑ. මේ ඔක්කෝම වහාබ් වාදයේ සල්ලිත් එක්ක ආපු විකාර. දැන් බෙහෙත් දෙන දොස්තරට ලෙඩා පේන්නේ නෑ. බෙහෙත් දෙන ෆාමසියට බෙහෙත් ගන්න එකා පේන්නේ නෑ. බඩු විකුණන වෙළෙන්දට පාරිභෝගිකයා පේන්නේ නෑ. ඉතින් මේ බුර්කාව තහනම් නොකර කොහොමද?

මුහුණේ වම් පස පෙනෙන්නේ කැපුම් පාරයි
මේවා කියන නිසා මුලින් මට වෙඩි තිබ්බා. ඊට පස්සෙ මාව පැහැරගෙන ගිහින් දවස් තුනක් තිස්සෙ වධදීලා කිව්ව කට වහගෙන ඉඳපන් කියලා. මම ඒත් ඉස්ලාම් ධර්මය විකෘති කරනවට විරුද්ධව දේශනා පැවැත්තුවා. ඊළඟට මම මක්කම ගියාම මගේ කටේ දකුණු පැත්ත කැපුවා. අලවි මවුලානා ආණ්ඩුකාරතුමා දැක්ක මගේ කට කපනවා. එතුමා ඇහුව උඹල මක්කම ආවේ ඒ මිනිහගෙ කට කපන්න ද කියලා. සෞදි පොලිසියත් උන්ගේ පැත්තේ. ලංකාවෙ දි මාව පැහැර ගෙන වධ හිංසා කළාම පොලිසියට ගියා. ත්‍රස්ත විමර්ශන ඒකකයට ගියා. එතුමන්ලා පරීක්ෂණ කරලා සති දෙකක් මට ආරක්ෂාව දීලා කිව්ව මුන් එක්ක හැප්පෙන්නේ නැතිව ඉන්න කියලා. ඒ වුණාට මට නිශ්ශබ්ද වෙන්න බෑ.

දැන් හැම පල්ලියකම බලය මේ අන්තවාදීන් අතට පත් වෙමින් තියෙන්නේ. මේ රටේම දැන් උගන්වන්නේ ඉස්ලාම් අන්තවාදය. ඉතින් කොල්ලො මරාගෙන මැරෙන්න යනවා. ඉස්ලාමය ප්‍රචණ්ඩත්වය උගන්වන ආගමක් නෙවෙයි, වහාබ්වාදයයි ප්‍රචණ්ඩත්වය උගන්වන්නේ. ඒ වෙනුවෙන් මැදපෙරදිගින් සල්ලි පොම්ප කරනවා. ඉතින් මොවුන් කල්ලි ගැහි ගැහි සල්ලිවලට රොක් වෙනවා.

ඉස්ලාමය කියන්නේ අන් කිසිවක් නෑ. ඇත්තේ අල්ලා දෙවියන් පමණයි කියලා. ඉතින් බුදු දහම, කිතුදහම, හින්දු දහම මේ සියල්ල දෙවියන් මැවූ දේවල්. හැම රටක්ම දෙවියන් මැවූ රටවල්. හැම සතෙක්ම හැම ගහ කොළක්ම දෙවියන් මැව්වෙ. ඉතින් ඒ හැම දේකටම තමන්ගේ පැවැත්මක් තියෙනවා. අපි ජීවත් වෙන රටේ නීතියට යටත්විය යුතුයි. අපි සියල්ලන්ටම පොදු නීතියක් තිබිය යුතුයි.

මීට කලින් අපි මේ අන්තවාදය ගැන පුළුවන් විදිහට ආණ්ඩුවට කරුණු දැන්නුවා. නමුත් මුස්ලිම් අැමැතිවරු වැඩි දෙනෙක් මේ වහාබ් වාදයේ අනුගාමිකයන් නිසා ආණ්ඩුව කිසිම දෙයක් කළේ නෑ. රිෂාඩ් බදුර්දීන්, රවුෆ් හකීම් වගේ ඇමැතිවරු මොවුන් ආරක්ෂා කරනවා. ඉතින් අපි පැමිණිලි කළාට කිසිම දෙයක් වෙන්නේ නෑ. රටේ මිනිස්සු හිතන්නේ මේ උදවිය තමයි නියම මුස්ලිම්වරු කියලා. නමුත් මේ දේශපාලන තක්කඩිකම පහුගිය ඉරිදා එළියට වැටුණා.

මේව එක දවසෙන් වෙච්ච දේවල් නෙවෙයි. අවුරුදු විස්සක තිහකට පෙර වපුරපු බීජවල අස්වනු අපි මේ නෙළමින් ඉන්නේ. මේ ලංකාවට කුඩු ගෙන්වන ජාත්‍යන්තර සබඳතා හැදෙන්නේ තබ්ලීක් තව්හීඩ් හා ජමාද් අල් ඉස්ලාම් ගනුදෙනු හරහා. මොවුන් තමයි මේ රට ජාත්‍යන්තර කුඩු මූලස්ථානය කළේ. දැන් මොවුන් ලෝකයේ ආගමික අන්තවාදයේ මූලස්ථානය කරමින් ඉන්නවා. රටේ වගකිව යුත්තන් මේ සංවිධාන හා ඔවුන්ගේ මේ විකාර පැවැත්ම වහාම නතර කළ යුතුයි. මුස්ලිම්වරු කියන්නේ මේ රටේ ඉන්න තවත් අවංක අහිංසක ජන කණ්ඩායමක්. මොවුන් මේ ජන කණ්ඩායම විනාශ කරමින් ඉන්නේ.

අරුණ.lk
Read more
Sunday, April 7, 2019
 එක්කෝ හිරගේක ලැගලා හැදියං. නැත්නම් සංගීත කලාවේ අසූචි තවරන එක නවත්තපං .-  සන්නස්ගල ඉරාජ්ට කිව්ව කතාව

ආදරය තැවරුණු රෝමාන්තික සිංදු අසමින් අමරදේව, නන්දා මාලිනි, වික්ටර් රත්නායක, සුනිල් එදිරිසිංහ, සෝමතිලක ජයමහ යනාදී මිහිරැතියන්ගේ හඬින් භාවනා කරමින් සිටි කාලයක,
.
'අප්පච්චි අහන්නෙ මළ ගෙවල්වල අඬන සිංදු. කිසි ගෝ එකක් වයිබ් එකක් නෑ.'

කියා ඉරාජ් නම් තරුණ සංගීත ශිල්පියෙකුගේ ගීත අසන්නට මට පාර කීවේ මගේ පුතාලා දෙන්නා ය. ඔවුන් දෙදෙනා ඉරාජ්ට වඩා ටිකක් වයසින් අඩු ය. කුඩා කල සිට බටහිර ගීත ඇසූ දෙපුතුන් ඉරාජ් නම් ලාංකීය තරුණයෙකු ඊළඟ ජෙනරේෂන් එකේ හීරෝ ලෙස සැලකීම මා විස්මපත් කළ සිදුවීමක් විය. ඒ මීට දශක එකහමාරකට පමණ පෙර ය.

සුදර්ශියේ පැවති වසන්ත දුග්ගන්නාරාළගේ ප්‍රාසාංගික වැඩකදී හමු වූ ඉරාජ්ට මම දෙපුතුන්ගේ සංගීත ලෝකයේ හීරෝ ඔහු බව කීවෙමි. පසුදින ඉරාජ් ඔහුගේ මිතුරු රනිඳු සමග මත්තෙගොඩ ආවේ ය. එදින ගත් ඡායාරූපයක් මෑතදී ඇල්බමයක තිබී හමු වී මම පුතාට පෙන්වීමි. 'පොඩි කාලෙ' 🤣 පුතා කීවේ ය. බත්තරමුල්ල මගේ ව්‍යාපෘති කාර්යාලයට ඉරාජ් කීප වතාවක් පැමිණ ඇත. අදත් කොළඹ නගරාශ්‍රිත අවන්හලකදී, ප්‍රාසාංගිකයකදී හෝ සාප්පු සවාරියකදී අහඹු දැක්මකින් පමණක් මා අසලට එන ඉරාජ් සිනාමුසු මුහුණින් ආචාර කොට සුහදශීලී කතාවකට සැරසි නිහතමානියෙකි. මගේ පසුගිය උපන් දිනයකදී ඔහු අවසන් වරට මට දීර්ඝායුෂ ප්‍රාර්ථනා කළේ ය.

Kasun Chamara ඔස්ට්‍රේලියාවේ ජීවත් වන සංගීත අභිවෘද්ධිකාමියෙකි. ඔහු මගේ මහනුවර පන්තියේ ශිෂ්‍යයෙකි. සංගීත ලෝකයට පිවිසීමට ඔහු කොළඹ එන්නට සූදානම් වූ විට මම කොළඹ ගොස් කසුන් කල්හාර හෝ ඉරාජ් වීරරත්න හමු වන මෙන් පැවසුවෙමි. ශිල්පීන් දෙදෙනාටම ඒ මොහොතේම කතා කොට කසුන් චාමර දුරකතනයෙන් සම්බන්ධ කළෙමි. ඒ බව කසුන් චාමර ඊයේ පෙරේදා තැප්‍රොබේනයට පැමිණ සිහිගැන්වී ය. කසුන් කල්හාර ඇකඩමියෙන් ශිල්ප හැදෑරූ කසුන් චාමර ඉනික්බිතිව ඉන්දියාවට ගොස් ඒ. ආර්. රහමන් සංගීත පාසලට ඇතුළත් විය.

ඉතිං මේ හදිසියේ මං ඉරාජ්ට ලියන්නේ ඇයි?
ඒ, සුරත නිසා බව නොතේරෙන බබ්බු ෆේස්බුක් එකේ නැත.

පළමුව ඔබ තැප්‍රොබේනියන් එකත් මාත් යොදාගෙන වීඩියෝවක් කර සිදු කර දුන් ප්‍රමෝෂන් කැම්පේන් එකට ස්තුතිවන්ත වෙමි. ඒත් ඔබ වික්ටර් රත්නායකට කළ වැඩේ ඔහු මා තරම් සැහැල්ලුවෙන් භාරගත්තේ නැත. වීඩියෝවක් කර ඔබ බුක්ති වින්දේ ඔබේ ප්‍රකාශන නිදහස විය යුතු ය. ඒ වෙනුවෙන් මගේ සතදෙක ලියා තැබීම මගේ ප්‍රකාශන නිදහස ය. ඒ අනුව කලාව හා කැලෑව තෝරා බේරාගැනීම ගැන මේ මොහොතේ කියමි. ශක්තිකට වුණත් කිව යුත්තේ එයම ය. කොලිටි නැති වැඩ කර අදහස් ප්‍රකාශ කිරීමේ හා ප්‍රකාශන නිදහස වෙනුවෙන් පෙනී සිටින්නන්ගේ පෞරුෂ දීන කරන්න එපා.

සුරත වීඩියෝව සඳහා වස්සාන සිහිනය කෘතිය, එහි පිටකවරය සහ මගේ අම්මා පොතේ සම්පූර්ණ ඡේදයක් අනවසරයෙන් යොදාගැනීම මගේ අයිතීන් මංකොල්ලකෑමකි. නීතිමය පිවිසීමකින් මට ඔබට විරුද්ධව නඩු පැවරිය හැකි ය. රටේ රාජ්‍ය නායකයාගේ කටහඬ ඔබ යොදාගෙන ඇත්තේ අවසර ගෙනදැයි මම නොදනිමි. අශිෂ්ට ලෙස මහමඟ දී ඔබේ හොම්බට දෙකක් අනිනවා ද ශිෂ්ට ලෙස නීතියේ සහය පතනවා දැයි මා තවම තීරණය කොට නැත. එය එසේ තිබියදීත් මම ඔබේ රයිට්ස් වෙනුවෙන් ටැලන්ට්ස් වෙනුවෙන් පෙනී සිටිමි. ඒත් තමන්ට ඇති රයිට් එක කොලිටි විදිහට පාවිච්චි කිරීමට නොදන්නාකම ඔබේ ටැලන්ට් එකට කරන්නේ මහ විනාසයකි. මට නොතේරෙන්නේ මා උපහාසයට ලක් කිරීමට මීට වඩා නිර්මාණාත්මක වීඩියෝවක් කරගන්නට ඔබට බැරි වුණේ මන්ද යන්නයි. කාලෙකට පෙර මියුසික් ෆීල්ඩ් එකේ හීරෝ කෙනෙක් වීමේ පෙරනිමිති පෙන්නූ ඔබ දැන් මියුසික් වීඩියෝස් කරන්නේ ද ඔබේ අසික්කිත නොයිස් ටීවී යූටියුබ් චැනල් එක වටා රොක් වී සිටින අසහනකාරී ඕඩියන්ස් එකටම වීම සෝචනීය ය.

එක්කෝ හිරගේක ලැගලා හැදියං. නැත්නම් සංගීත කලාවේ අසූචි තවරන එක නවත්තපං. ජරා වැඩ නොකර ලස්සනට ජීවත් වෙන්න උඹට පුළුවන්. මට පුදුම සමන්තභද්‍ර බුදුන් වහන්සේ තමන්ගේ දායක සංගීතකාරයාට මේ ඩිංග කියන්නේ නැත්තේ ඇයි කියලා ය. රේටිංග්ස්, වීව්ස් වෙනුවෙන් මිනිස් මාංශ කරද්දීත්; අනේ මේ බුදුන් පවා තමන්ට දායක නම් ඕන ගූ ගොඩක් වළඳන කැත! ☝🤣

ප.ලි. - උඹේ වීඩියෝවට රිප්ලයි ලිවීමෙන් සිද්ද වෙන්නේ ද උඹට වීව්ස් වැඩි වීම පමණක් බව දනිමි.

Upul Sannasgala 
Read more
Sunday, March 31, 2019
නාගානන්ද කොඩිතුවක්කුගේ නීතිඥභාවය අහිමි කිරීම - වික්ටර් අයිවන්

වික්ටර් අයිවන්
ලංකාවේ දේශපාලන කරළියට නීති ක්‍රියාධරයකු හා ජනාධිපති අපේක්ෂකයන් ලෙස ලෙස එකතු වී සිටින නාගානන්ද කොඩිතුවක්කුගේ නීතිඥභාවය වසර තුනකට තහනම් කිරීමේ සිද්ධිය ආශ්‍රයෙන් කොඩිතුවක්කුගේ භූමිකාව විශ්ලේෂණයට ලක් කිරීම දේශපාලන වශයෙන් වැදගත්ය.

නාගානන්ද හිටපු රේගු නිලධාරියකු වන අතර, ඒ කාලයේදීද ඔහු දේශපාලන බලවතුන්ට හිස නොනැමූ සුවිශේෂ ගණයෙහි ලා සැලකිය හැකි පුද්ගලයකු විය. මට ඔහු සමග දීර්ඝකාලීන සම්බන්ධයක් තිබුණි. ජේ.ආර්. ජයවර්ධන පාලන කාලයේදී එම ආණ්ඩුවේ ප්‍රධාන පෙළේ ගජමිතුරකු ලෙස සැලකිය හැකි ව්‍යාපාරිකයකු පරණ බෙන්ස් රථයක් ගෙන්වන මුවාවෙන් අලුත්ම බෙන්ස් රථයක් ගෙන්වූ අවස්ථාවකදී ඔහු එම වංචාව අල්ලා ගන්නා ලද අතර දේශපාලන බලවතුන්ගේ බලපෑම් නොසලකා ඔහු එම ව්‍යාපාරිකයා සම්බන්ධයෙන් දැඩි ප්‍රතිපත්තියක් අනුගමනය කිරීම නිසා දීර්ඝ කාලයක් වැඩතහනමකට ලක්ව සිටින්නට ඔහුට සිදුවිය.

1994දී චන්ද්‍රිකා කුමාරතුංග බලයට පත්වන අවස්ථාව වනවිටත් ඔහු සිටියේ වැඩතහනමට ලක්ව සිටි පුද්ගලයකු වශයෙනි. චන්ද්‍රිකාට ඔහු හඳුන්වා දෙන ලද්දේ මා විසිනි. චන්ද්‍රිකාගේ පළමු ජනාධිපතිවරණයේදී සාමාන්‍යයෙන් කෙනකු භාර නොගන්නා උපාය මාර්ගික වැදගත්කමක් ඇති කාර්යභාරයක් ඔහු සිදු කළේය. ඔහුට එරෙහිව පනවා තිබූ වැඩතහනම සාධාරණ වැඩ තහනමක් නොවන බව චන්ද්‍රිකා දැන සිටි අතර ජනාධිපතිවරණ ජයග්‍රහණයෙන් පසු ඔහුට නැවත රැකියාව ලබාදෙන බවටද චන්ද්‍රිකා සහතික වී තිබුණි.
කොඩිතුවක්කුට සාධාරණත්වය ඉටු කිරීමට චන්ද්‍රිකාට ඇත්ත වුවමනාවක් මුලදී තිබුණේය. එහෙත් ඔහු නැවත රේගු සේවයට බඳවා ගන්නවාට තරයේ විරුද්ධ පිරිසක්ද ජනාධිපතිනියගේ සමීපතමයන් අතර සිටියේය. ජනාධිපති ලේකම් බාලපටබැඳිද ඔවුන් අතර සිටි ප්‍රධාන පුද්ගලයකු විය. සමහරවිට බාලපටබැඳි ඔහු කෙරෙහි විරෝධයක් ඇතිකර ගන්නට ඇති. ඔහුගේ පුතා වෙළෙඳාම සඳහා සපත්තු තොගයක් ගෙන්වා රේගු බදු ගෙවීමෙන් තොරව නිදහස් කරගැනීමේ සිද්ධියක් පිළිබඳව රාවයේ පළවූ වාර්තාවක් කොඩිතුවක්කුගෙන් ලබාගත් තොරතුරු මත පළවූවක් ලෙස බාලපටබැඳි කල්පනා කළ නිසා විය හැකිය. එම වාර්තාකරණය ජනාධිපතිනියගේද සතුටට හේතු නොවීය. ඇය මා කැඳවා එම වාර්තාව පළකිරීම ගැන මට දෝෂාරෝපණය කළාය. තමා ඉඩම් ප්‍රතිසංස්කරණ කොමිසම කාලයේ සිටම බාලා ගැන දන්නා බවත්, ඔහු සීයට සීයක්ම අවංක පුද්ගලයකු බවත් කීවාය. රාවයේ පළවූ එම වාර්තාව කවුරු හෝ ප්‍රසිද්ධ පුද්ගලයකු දෙන ලද තොරතුරක් කරුණු සොයා බැලීමකින් තොරව පළකර තිබෙන බව පෙනෙන බවත් කියා තවත් නඩු පැවරීමක් ගැනද අපූරු කතාවක්ද කීවාය. එම වාර්තාව පළවීමෙන් පසු මට එරෙහිව නඩු පවරන ලෙස බාලපටබැඳිගෙන් ඉල්ලා සිටි බවත්, ඒ සඳහා යන වියදමද තමන් දරන බව ඔහුට කියා සිටි බවත්, එහෙත් ඔහු නඩු පැවරීමක් කළේ නැති බවත්, ජනාධිපති ලේකම් වික්ටර් අයිවන්ට බය බව ඒ මගින් තමන් තේරුම් ගත් බවත් ඇය කියා සිටියාය. ජනාධිපතිනියට කියන්නට තිබුණු දේවල් කියන්නට ඉඩහැර අවසානයේදී මම මෙසේ කීවෙමි. “ඔබතුමියගේ විෂය ගැන මා නොදන්නා නමුත් මම මගේ විෂය වන පුවත්පත් කලාව ගැන හොඳින් දන්නෙමි. එම තොරතුරු ලබාදෙන්නන් අතර සිටින විශ්වාස කළ හැකි හා විශ්වාස නොකළ යුතු අය ගැනද මා හොඳින් දන්නා බවත් කියා සිටියෙමි.

චන්ද්‍රිකාගේ අකෘතඥභාවය

කොඩිතුවක්කු නැවත සේවයට නොගැනීමට තීරණය කර තිබෙන බව නිල නොවන වාර්තාවලින් මට දැනගන්නට ලැබී තිබුණි. ඒ කෙරෙහි රාවයේ පළවූ වාර්තාවද බලපාන්නට ඇත. ඒ බව ඍජු ලෙස මට කීමේ ආත්ම ශක්තියක් ඇයට නොතිබුණු නිසාදෝ ඇගේ ලේකම්වරයකු ලවා (ඔහු අන් කිසිවෙක් නොව, වර්තමාන ජනාධිපතිවරයාගේ කාර්ය මණ්ඩල ප්‍රධානියා සමග රුපියල් කෝටි දෙකක අල්ලසක් ගනිමින් සිටියදී අත්අඩංගුවට ගන්නා ලද රාජ්‍ය දැව සංස්ථාවේ සභාපතිවරයාය.) දැනුම් දෙන්නට සලස්වන ලදි. ඔහු ඒ බව මට දැනුම් දුන්නේ දුරකතනයෙනි. ඔහු කී කතාව සැකෙවින් මෙසේය. “මැඩම්ට ලොකු වුවමනාවක් තියෙනවා කොඩිතුවක්කු නැවත සේවයට ගන්න. එහෙත් මුදල් අමාත්‍යාංශයේ ලොකු නිලධාරීන් ඔහු ගන්නවාට තරයේ විරුද්ධයි. මුදල් අමාත්‍යාංශය භාරව තිබෙන්නේ මැඞ්මට නිසා එම නිලධාරීන් තරහ කරගැනීමේ හැකියාවක් මැඩම්ට නැහැ. කොඩිතුවක්කු නැවත සේවයට ගැනීමේ හැකියාවක් නැති බව අතුල අයියාට දැනුම් දෙන ලෙස මැඩම් මට කීවා” යැයි ඔහු කීවේය. කොඩිතුවක්කු ආණ්ඩුවේ සතුරකු වනදාට මමද ආණ්ඩුවේ සතුරකු වන බව මැඩම්ට කියන්නයි මම එක එල්ලේ ඔහුට කියා සිටියෙමි. මාගේ පිළිතුර ඔහු අන්ද මන්ද කිරීමට හේතුවූ බව පෙනෙන්නට තිබුණි. ඔහු මා සනසන්නට විවිධ දේ කීවේය.

කොඩිතුවක්කු නැවත රේගු සේවයට ගත්තේ ජනාධිපතිනියගේ අනුමැතිය ලබාගැනීමකින් තොරව රේගුවේ ප්‍රධානියා (එස්.එම්.අයි. සේනාරත්න) විසිනි. ඔහු ජනාධිපතිනියට සමීපව සිටි නිලධාරියකු වුවත්, හැරී ජයවර්ධනගේ සමාගමක් සම්බන්ධයෙන් රේගුව ආරම්භ කර තිබූ පරීක්ෂණයකදී පරීක්ෂණ කටයුතු සඳහා හැරීගේ නිවසට ගිය රේගු නිලධාරීන්ට ඔහු පිස්තෝලය අතට ගෙන තර්ජනය කර තිබුණි. එම සිද්ධියේදී ජනාධිපතිනිය ප්‍රසිද්ධියේම පෙනී සිටියේ හැරී ජයවර්ධන වෙනුවෙනි. රේගු ප්‍රධානියා ඊට වෙනස්ව රේගු නිලධාරීන් වෙනුවෙන් බලවත් ලෙස පෙනී සිටියේය. පසුව මෙම ආරාවුල දුරදිග ගිය ආරාවුලක් බවට පත්වූ අතර, එහි ප්‍රතිඵලයක් වශයෙන් පරීක්ෂණයට සම්බන්ධ එක් රෙගු නිලධාරියකුට මැරුම් කන්නටද සිදුවිය. එම සිද්ධියේදී කොඩිතුවක්කුගේ ජීවිත ආරක්ෂාව සඳහා ඔහු එක්සත් රාජධානියට යවන්නට මැදිහත් වූයේ රේගු ප්‍රධානියාය.
කොඩිතුවක්කු එක්සත් රාජධානියට යන්නට පෙර ඒ බව කියන්නට මාගේ කාර්යාලයටද පැමිණියේය. රේගු නිලධාරියාගේ ඝාතනය ගැන මට අවබෝධයක් තිබුණු අතර, ඒ හමුවේදී ඔහු දන්නා අලුත්ම තොරතුරු මට විස්තර කළේය. ඔහු ලංකාවෙන් යන්නට පෙර ඔහුගෙන් ලබාගන්නා ලද ප්‍රකාශයක්ද පුවත්පතේ පළ කරන ලදි.
කොඩිතුවක්කු එක්සත් රාජධානියට ගිය පසු එහි නීතිඥයකු ලෙස සේවය කළේය. මා දන්නා තරමින් ඔහු නැවත ලංකාවට ආවේ මහින්ද රාජපක්ෂ ජනාධිපතිවරයාගේ දෙවැනි ධුර කාලයේදීය. ඉන්පසු විටින් විට ලංකාවට පැමිණි අතර ලංකාවට පැමිණෙන සමහර අවස්ථාවලදී මා හමුවන්නටද ආවේය. ඒ සමග ඔහු රේගු නඩුවලට පෙනී සිටින්නට වූ අතර, මොහාන් පීරිස් නීතිපති ධුරයේ සිටියදී ඔහු සමග ලොකු ගැටුමක්ද ඇතිකර ගත්තේය. ක්‍රමානුකූලව ඔහු නෛතික තලයේ සමාජ ක්‍රියාධාරයකු බවත්, තවත් පසුකලක 2020 ජනාධිපතිවරණයට තරග කරන අපේක්ෂකයකු බවටත් පත්විය. ඔහු සමාජ මාධ්‍ය ප්‍රශස්ත ලෙස ප්‍රයෝජනයට ගත් පුද්ගලයකු ලෙස සැලකිය හැකිය. ඒ නිසා විශේෂයෙන් ඔහු සමාජ මාධ්‍යයට සම්බන්ධ ජනයා අතර පිළිගත් හා ජනප්‍රිය චරිතයක් බවට පත්විය.

අධිකරණය සමග සටන් කිරීම

නාගානන්දට එරෙහිව ශ්‍රේෂ්ඨාධිකරණයට පැමිණිල්ලක් ඉදිරිපත් කර තිබුණේ ශ්‍රේෂ්ඨාධිකරණ විනිසුරුවරයකු විසිනි. පැමිණිල්ලට පදනම් වූ සිද්ධිය සිදුවී තිබෙන්නේ එම විනිසුරුවරයා, අභියාචනාධිකරණයේ සේවය කරමින් සිටි කාලයේදී එම විනිසුරුවරයාද ඇතුළත් විනිශ්චය මණ්ඩලයක් ඉදිරියේ ඇසෙමින් තිබුණ නඩුවකදීය. එම විනිසුරුවරයා එම නඩුව අසනවාට ඔහු විරෝධය පළකර තිබේ. සාධාරණ හේතු ඇත්නම් එවැනි විරෝධයක් පළකිරීමේ අයිතිය නීතිඥයකුට පමණක් නොව විත්තිකරුවකුටද තිබෙන්නේය. එහෙත් එම විරෝධය පළ කළ යුත්තේ අධිකරණ සංස්කෘතියට ගැළපෙන විනීත ආකාරයකටය. එහිදී කොඩිතුවක්කුගේ හැසිරීම කෙසේ වීද යන්න මම නොදනිමි.

අධිකරණය සමග ගැටෙන්නට යන කෙනකුට අධිකරණ අපාහස නඩුවකට කොටුවීමට සිදුවිය හැකිය. ලංකාවේ අධිකරණ අපහාසය විධිමත් පනතකින් විවරණය කර තිබෙන නීතියක් නොවන නිසා එවැනි නඩුවක පැටලුණු කෙනකුට සටන් කිරීම පහසු නැත. එවැනි නඩුවකට පැටලීම ගැලවීමට පහසු නැති උගුලක් ලෙස සැලකිය හැකිය. අධිකරණය සමග සටන් කරන්නන් ඒ බවද දැනගත යුතුය. මේ නඩුවේදී නාගානන්ද පැමිණිලිකාර විනිශ්චයකාරවරයාට කනගාටුව ප්‍රකාශ කරන්නට කැමැත්ත පළ කරන ලද බව ජනමාධ්‍ය වාර්තා කර තිබිණි. මේ නඩුවේදී නාගානන්දට සිදුවී තිබෙන දේ එස්.බී. දිසානායකට සිදුවී තිබෙන දෙයට සමානය. මොන මොන හේතු නිසා හෝ නාගානන්දද ඒ දේම කරගෙන තිබෙන බව පෙනේ. එස්.බී. දිසානායකද වරද පිළිගත්තේය. ඒ නිසා ඔහුට දඬුවම් කිරීම පහසු දෙයක් බවට පත්විය. නාගානන්දද ඒ දේම කරගෙන තිබෙන බව පෙනේ. මහත්මා ගාන්ධි තමන්ට එරෙහිව පවරන ලද සමහර නඩුවලදී ගෙවීමට පහසු සරල දඩයක් පනවන ලද අවස්ථාවලදී පවා දඩය නොගෙවා හිරේ ගිය අවස්ථා තිබුණි. සොක්‍රටීස්ට මරණ දඬුවම පනවන ලද නඩු විභාගයේදී තරමක ලොකු දඩයකට එකඟ වී නිදහස් වීමේ හැකියාව තිබුණද ඔහු ඒ දේ නොකර මරණ දඬුවම භාර ගත්තේය.

ධෛර්යය හා නිර්භීතභාවය සටන් කරන්නකු තුළ තිබිය යුතු වැදගත් ගුණාංග දෙකක් ලෙස සැලකිය හැකිය. ඒ ගුණාංග දෙකම කොඩිතුවක්කු තුළ තිබුණේය. එම ගුණාංග දෙක තිබෙන කෙනකුට සටන්කාමියකු විය හැකි වුවත් ජයග්‍රාහී සටන්කාමියකු විය නොහැකිය. ජයග්‍රාහී සටන්කාමියකු සඳහා තිබිය යුතු තුන්වැනි ගුණාංගයක්ද තිබෙන්නේය. ඒ උපාය මාර්ගික ඥානයයි. තිබෙන ප්‍රතිවිරෝධතා අතරින් ප්‍රධාන ප්‍රතිවිරෝධතා තේරුම් ගැනීම, සටන් කළ යුතු විදිය, සටනක් කිරීමට අවශ්‍ය විෂය මූලික සාධක, සටන් කළ යුතු අවස්ථා, සටන් කිරීමෙන් වැළකී සිටිය යුතු අවස්ථා හා ලැබෙන ප්‍රතිඵල ගැන නිසි තක්සේරුවකට අවශ්‍ය දැනුම ලැබෙන්නේ එම ඥානයෙනි.

තමන් ඉදිරියේ තිබෙන සියලු ප්‍රතිවිරෝධතා එක් පොදියකට ගෙන සටන් කරන ප්‍රතිපත්තියක් ඥානාන්විත විය නොහැකිය. එවිට ඒ පොදියේ සිටින සියලුදෙනා එකට එකතු වී සටන් කරන්නාට එරෙහිව නැගී සිටින තත්ත්වයක් ඇතිවී සටන් කරන්නා එම සටන් ක්‍රියාදාමයේ පහසු ගොදුරක් බවට පත්විය හැකිය. සාමාන්‍යයෙන් සටන් කරන්නකු තෝරාගත යුතු ඥානාන්විත හා ප්‍රශස්තම උපාය මාර්ගික ප්‍රතිපත්තිය වනුයේ සියලු ප්‍රතිවිරෝධතා එකට නොගෙන තමන්ට ජයගැනීමට හැකියාව ඇති එක ප්‍රතිවිරෝධතාවක් තෝරාගෙන එයට එරෙහිව සටන් කිරීමය. තවත් ප්‍රතිවිරෝධතාවක් හෝ දෙකක් තෝරාගෙන ඒවාට එරෙහිව සටන් කළයුත්තේ ඉන් අනතුරුවය. රටවල් අල්ලා ගැනීමට අපේක්ෂා කරන යුද අධිපතියකු එකවිට රටවල් ගණනාවකට එරෙහිව යුද්ධ කරන්නේ නැත. ඒ වෙනුවට කරන්නේ එක රටක් අල්ලාගෙන ඉන්පසු තවත් රටක් අල්ලා ගැනීම සඳහා යුද්ධ කිරීමය. එය නාගානන්දගේ සටන් ක්‍රමයට ආවේණික ලොකුම දුර්වලතාව ලෙස සැලකිය හැකිය. එනම් සියලු ප්‍රතිවිරෝධතා එක පොදියකට ගෙන සටන් කිරීමය. විශේෂයෙන්ම අධිකරණය සමග සටන් කරන්නට යන කෙනකුට හොඳ උපාය මාර්ගික සැලැස්මක් තිබීම අවශ්‍ය වන අතර නිසි ගෞරවයකින් යුතුව එසේ කිරීමට අවශ්‍ය ශික්ෂණයක්ද එම පුද්ගලයාට තිබිය යුතුය.

මගේ අත්දැකීම්

මමද අධිකරණය සමග ලොකු ගැටුමකට ගිය පුද්ගලයකු ලෙස සැලකිය හැකිය. එය ලංකා අධිකරණ ඉතිහාසයේ සිවිල් පුද්ගලයකු අධිකරණය සමග ඇති කරගත් ලොකුම ගැටුම ලෙසද සැලකිය හැකිය. එය ජාත්‍යන්තර නීති ප්‍රජාවගේ ලොකු අවධානයක් දිනාගත් ගැටුමක් ලෙසද සැලකිය හැකිය.

එය සටන්කාමියකු ලෙස පෙනී සිටීම සඳහා නිර්මාණය කරගත් හේතු මත ඇති කරගත් ව්‍යාජ ගැටුමක් නොවූ අතර, සාධාරණ හා අව්‍යාජ හේතු මත සුළු පරිමාණයකින් ආරම්භ වී ක්‍රමයෙන් ලොකුවට වර්ධනය වූ අව්‍යාජ හා යුක්තිසහගත ගැටුමක් ලෙස සැලකිය හැකිය. සටන ආරම්භ කළේ තනියෙන් වුවත්, එය කිසියම් අදියරයක සිට නීතිඥ ප්‍රජාවගේද විනිසුරු ප්‍රජාවගේද කිසියම් ප්‍රමාණයකට මහජනයාගේද අනුකම්පාව හා සහයෝගය හිමි කරගත් අරගලයක් වී යැයිද කිව හැකිය.

එම ගැටුම ආරම්භවීමට හේතුවූයේ මහේස්ත්‍රාත්වරයකු තමන් ඉදිරියේ ඇසෙන නඩුවකට සම්බන්ධ කාන්තාවකට ලිංගිකව අතවර කිරීමේ සිද්ධියක් පිළිබඳව මා පළ කරන ලද වාර්තාවක් සම්බන්ධයෙන් බලධාරීන් අනුගමනය කරන ලද නොසැලකිලිමත් ප්‍රතිපත්තිය නිසා මා තුළ ඇතිවූ බලවත් කම්පනයේ ප්‍රතිඵලයක් ලෙස සැලකිය හැකිය. එම මහේස්ත්‍රාත්වරයා අධිකරණ සේවයට එකතු වන්නට පෙර ශ්‍රී ලංකා රක්ෂණ සංස්ථාවේ ලිපිකරුවකු ලෙස සේවය කර තිබුණු අතර, තුන්වැනි පාර්ශ්වයේ මුදල් වංචා කිරීමේ සිද්ධියක් මත සේවයෙන් පහකර තිබුණි. ඔහු අධිකරණ සේවයට එකතු වී තිබුණේ, තමන්ගේ අපකීර්තිමත් ඉතිහාසය වසන් කරමිනි.

එම සිද්ධිය රාවයේ පළවීමෙන් පසුව ඔහුට තිබුණු දැනහැඳුනුම්කම් මත නීතිපති සරත් සිල්වා හමුවන්නට ගිය ඔහු නීතිපතිගේ උපදෙස් මත මට එරෙහිව සාපරාධී අපහාස නඩුවක් ආරම්භ කිරීම සඳහා අපරාධ පරීක්ෂණ දෙපාර්තමේන්තුවට කටඋත්තරයක් ලබාදී තිබුණි. එහිදී අපරාධ පරීක්ෂණ දෙපාර්තමේන්තුවේ පරීක්ෂකයන් දෙදෙනකු මගෙන් කටඋත්තරයක් ලබාගැනීම සඳහා මා හමුවන්නට පැමිණි අවස්ථාවේදී මහේස්ත්‍රාත්වරයා පිළිබඳව මා ඒ වනවිට සොයාගෙන තිබුණු සියලු තොරතුරු ඔවුන්ට ලබා දුන්නේය. මුදල් වංචාවක් මත රක්ෂණ සංස්ථාවෙන් පහකිරීමේ සිද්ධිය තහවුරු කරන ලේඛනයක පිටපතක්ද ඔවුන්ට ලබාදෙන ලදි. අතවරයට ලක්වූ කාන්තාව පිළිබඳව මා දන්නා තොරතුරුද ලබාදෙන ලදි.

පරීක්ෂණය ආරම්භ කර තිබුණේ මට එරෙහිව කරන පරීක්ෂණයක් වශයෙන් වුවත්, එය අවසන් වී තිබුණේ මහේස්ත්‍රාත්වරයාට එරෙහිව කෙරෙන පරීක්ෂණයක් වශයෙනි. අපරාධ පරීක්ෂකයන් මහේස්ත්‍රාත්වරයා අතින් දූෂණයට ලක්වී තිබුණු කාන්තාවගෙන් ප්‍රශ්න කොට කටඋත්තරයක් ලබාගන්නවාට අතිරේකව මුදල් වංචාවක් මත සේවයෙන් පහකිරීමේ සිද්ධිය පිළිබඳව රක්ෂණ සංස්ථාවෙන්ද අවශ්‍ය තොරතුරු ලබාගෙන තිබුණි. පරීක්ෂණය අවසන් වන විට මා වෙනුවට පැමිණිලිකාර මහේස්ත්‍රාත්වරයා විත්තිකරුවකු වීම තුළ අපරාධ පරීක්ෂණ දෙපාර්තමේන්තුව සිය වාර්තාව නීතිපති සරත් සිල්වා වෙත යවා තිබුණේ අවශ්‍ය උපදෙස් ලබාගැනීම සඳහාය. නීතිපති වංචාකාරයා ස්ත්‍රී දූෂිත මහේස්ත්‍රාත්වරයා සම්බන්ධයෙන් අනුගමනය කරන්න යන්නේ කුමන ප්‍රතිපත්තියක්ද යන්න ගැන මා නිහඬව එහෙත් උනන්දුවෙන් බලා සිටියෙමි.

නීතිපතිවරයා මහේස්ත්‍රාත්වරයා සම්බන්ධයෙන් කිසිදු ක්‍රියාමාර්ගයක් නොගෙන පරීක්ෂණ වාර්තාව යටපත් කරගෙන සිටින බව පෙනුණු විට මම ඒ ගැන අධිකරණ ඇමති මහාචාර්ය ජී.එල්. පීරිස්ට පැමිණිලි කළෙමි. ඔහු ඒ ගැන නීතිපතිගෙන් ලිඛිත කරුණු විමසීමක් කරන ලද අතර, ඊට පිළිතුරු වශයෙන් මහේස්ත්‍රාත්වරයාගේ සිද්ධිය පිළිබඳව රහස්‍ය වාර්තාවක් අධිකරණ ඇමතිවරයා වෙත එවා තිබුණි. එහි පිටපතක් ලබාගෙන කියවූ විට මා තුළ ඇතිවූ විස්මය හා පිළිකුල නීතිපතිවරයා පිළිබඳව කියා නිම කළ නොහැකිය. ස්ත්‍රී දූෂණය පිළිබඳ සිද්ධිය විවිධ තර්ක මත නොසලකා සිටියද මුදල් වංචාවක් මත සේවයෙන් පහ කළ පුද්ගලයෙක් අධිකරණ සේවයට එකතුවීමේ සිද්ධිය සමාව දිය නොහැකි බිහිසුණු වරදක් බව නොසලකන නීතිපතිවරයකු නීතිපතිවරයකු ලෙස සැලකිය හැක්කේ කෙසේද?

නීතිපතිවරයා නීච හා අධම ගණයේ පුද්ගලයකු විය යුතු බව ඔහුගේ රහස්‍ය වාර්තාව කියවීමෙන් පසු මා ඔහු පිළිබඳව ඇති කරගත් නිරීක්ෂණය විය. ඒ සමග මා නීතිපති සරත් නන්ද සිල්වා පිළිබඳ කරුණු සොයා බලන පුද්ගලයකුගේ තත්ත්වයට පත්වීමි. එහි ප්‍රතිඵලයක් වශයෙන් සරත් නන්ද සිල්වාට අදාළ සනාථ කළ හැකි බිහිසුණු කතා දෙකක් සොයා ගැනීමට මට හැකිවිය. එයින් මා ප්‍රසිද්ධියට පත් කළේ එක් කතාවක් පමණය. සරත් සිල්වා සමවගඋත්තරකරුවකු කරමින් රසායන ඉංජිනේරුවකු වූ ජයසේකර සිය බිරිඳට එරෙහිව පවරන ලද නඩුව හා එම නඩුව විභාග කළ විනිසුරුවරයා වූ දිසා විනිසුරු උපාලි අබේරත්නගේ ආධාර ඇතිව එම නඩුවේදී ක්‍රියාත්මක කළ නීතියට පටහැනි ක්‍රියාදාමය මා ප්‍රසිද්ධියට පත් කළ කතාව ලෙස සැලකිය හැකිය. ඒ ගැන මා මීට පෙර ලියා ඇති නිසා කිසිවක් නොලියමි. වඩාත්ම භයානක කතාව වනුයේ මා ප්‍රසිද්ධියට පත් නොකළ කතාවය. එය ප්‍රසිද්ධියට පත් කළේ නම් සරත් සිල්වා පමණක් නොව ඒ කතාවට සම්බන්ධ අහිංසක පවුලක්ද මුළුමනින් විනාශ වන්නට ඉඩ තිබුණි. එම බිහිසුණු කතාව ප්‍රසිද්ධියට පත් නොකළේ සාක්ෂි නැතිකම නිසා නොව, අහිංසක පවුලකට සිදුවන විනාශය වැළකීම සඳහාය.

මේ විනිසුරුවරුන් දෙදෙනාට එරෙහිව හා නීතිපති සරත් සිල්වාට එරෙහිව මා නොනවත්වා කරන ලද හඬ නැගීම නිසා නීතිඥ සංගමයේ සභාපතිවරුන්ගේ සම්මේලනයක කරන ලද ඉල්ලීම අනුව ත්‍රිපුද්ගල විනිසුරුවරුන් දෙදෙනාට එරෙහිව මා එල්ල කරන ලද චෝදනා ගැන සොයා බැලීම පිණිස අභියාචනාධිකරණයේ විනිසුරුවරුන්ගෙන් සමන්විත ත්‍රිපුද්ගල පරීක්ෂණ කමිටු දෙකක් පත්කිරීමට අගවිනිසුරුවරයාට සිදුවිය. මහේස්ත්‍රාත් ලෙනින් රත්නායක ගැන සොයා බලන්නට පත් කළ පරීක්ෂණ කමිටුව මා ඉදිරිපත් කර තිබූ සියලු චෝදනාවලට ඔහු වරදකරු කළේය. දිසා විනිසුරු උපාලි අබේරත්න පරීක්ෂණයට ඉඩ නොතබා වරද පිළිගත්තේය.

ත්‍රිපුද්ගල පරීක්ෂණ කමිටු දෙකක් මගින් මෙම විනිසුරුවරුන් දෙදෙනා වරදකරු කිරීමෙන් පසු මහේස්ත්‍රාත් ලෙනින් රත්නායකට එරෙහිව එල්ල කරන චෝදනාවලට ඔහු වරදකරුවකු වන බව දැන දැනම ඔහු ආරක්ෂා කිරීමෙන් නීතිපති සරත් සිල්වා බරපතළ වරදක් කර තිබෙන බව චෝදනා කරමින් ඒ ගැන පරීක්ෂා කොට බලා අධිකරණ පනතේ 2 වන වගන්තිය යටතේ ඔහුගේ නීතිඥභාවය අහෝසි කරන ලෙස ඉල්ලා මම ශ්‍රේෂ්ඨාධිකරණය වෙත නීතිපතිට එරෙහිව පැමිණිල්ලක් ඉදිරිපත් කළෙමි. ඒ හා සමාන පැමිණිල්ලක් රසායන ඉංජිනේරු ජයසේකරද ඔහුගේ නඩුව පදනම් කරගනිමින් නීතිපති සරත් සිල්වාට එරෙහිව ශ්‍රේෂ්ඨාධිකරණයට පැමිණිල්ලක් ඉදිරිපත් කළේය.
මෙම පැමිණිලි දෙක විභාගයට ගත යුතුද නැද්ද යන්න ගැන ශ්‍රේෂ්ඨාධිකරණය සාමූහිකව රැස්වී සාකච්ඡා කර තිබෙන අතර නීතිපතිට එරෙහිව පරීක්ෂණයක් පවත්වනවාට විරුද්ධ වී ඇත්තේ විනිසුරුවරුන් තිදෙනෙක් පමණය. අමීර් ඉස්මයිල් විනිසුරුවරයා මගේ පැමිණිල්ල භාර පරීක්ෂණ නිලධාරියා වශයෙන්ද, ශිරානි බණ්ඩාරනායක විනිසුරුවරිය ජයසේකරගේ පැමිණිල්ල භාර පරීක්ෂණ නිලධාරියා වශයෙන්ද, ආචාර්ය මාක් ප්‍රනාන්දු විනිසුරුවරයා එම පැමිණිලි දෙකේ අධීක්ෂණ හා කළමනාකාර කටයුතු භාර නිලධාරියා වශයෙන්ද පත්කර තිබේ. අගවිනිසුරු ධුරයේ සිටි ජී.පී.එස්. සිල්වා විශ්‍රාම යන්නේ නීතිපතිවරයාට එරෙහිව පරීක්ෂණ දෙකක් ආරම්භ වී තිබුණු අවස්ථාවකදීය.

හොඳටම බෙල්ල හිරකර ගත් තත්ත්වයකට පත්වී සිටි සිය මිතුරා මුදා ගනිමින් ශ්‍රේෂ්ඨාධිකරණය තමන්ට අනියම් ලෙස පාලනය කළ හැකි තත්ත්වයක් ඇතිකර ගැනීම සඳහා ජනාධිපතිනිය ඔහු ගැන ශ්‍රේෂ්ඨාධිකරණය ආරම්භ කර තිබූ පරීක්ෂණයන් නොසලකා ඔහු අගවිනිසුරු ධුරයට පත් කළාය. ජනාධිපතිනියගේ එම නීති විරෝධී ක්‍රියාවට මා විරෝධය පළ කළේ ජනාධිපතිනිය ඉදිරියේ නව අගවිනිසුරුවරයා දිවුරුම් දෙන ඡායාරූපය උඩ යට හරවා රාවය පුවත්පත කළු කලාපයක් වශයෙන් පළකිරීමෙනි.

ඉන්පසු අපි තිදෙනකු අගවිනිසුරුවරයාගේ පත්වීම අභියෝගයට ලක් කරමින් ඔහුට එරෙහිව නඩු පැවරුවෙමු. අගවිනිසුරුවරයා එම නඩුවේ විනිශ්චය මණ්ඩලය තීන්දු කරන තත්ත්වයක සිටියදී එම නඩුව ජයගත නොහැකි බව අපි දැන සිටියෙමු. අපට අවශ්‍ය වූයේ ඔහුගේ පත්වීමෙන් පසු සටන අතරමග ඇනහිටින්නට නොදී ඉදිරියට ගලා යන තත්ත්වයක් ඇති කිරීමය. එම නඩුව නිරීක්ෂණය කිරීම සඳහා ජාත්‍යන්තර නීතීඥ සංගමය ඇතුළු නීති සංගම් ගණනාවක් එකට එකතු වී කේරළයේ විශ්‍රාමලත් අගවිනිසුරුවරයකු එම නඩුවේ නිරීක්ෂකයකු වශයෙන් ලංකාවට එවීය.

ඉන්පසු අගවිනිසුරුවරයා ඉවත් කිරීමට උත්සාහ කරන අසාර්ථක උත්සාහයන් දෙකකටද දායක වන්නට සිදුවිය. ඉන්පසු අගවිනිසුරුවරයා තනතුරේ සිටියදීම ඔහුගේ ජුගුප්සාජනක භූමිකාව විස්තර කරන පොතක් ‘නොනිමි අරගලය’ නමින් පළ කරන ලදි. එය දේශීය වශයෙන් පමණක් නොව, ජාත්‍යන්තර වශයෙන්ද පාඨක අවධානය දිනාගත් පොතක් බවට පත්විය.

සරත් නන්ද සිල්වා ආශ්‍රයෙන් ඇතිවූ අර්බුදයේදී රටේ දේශපාලන පක්ෂ හා ජනමාධ්‍ය රඟපෑ භූමිකාවද සරත් සිල්වා තරම්ම ජුගුප්සාජනක වූ බව කිව යුතුය. ප්‍රධාන දේශපාලන පක්ෂ දෙක පමණක් නොව ජනතා විමුක්ති පෙරමුණ හා හෙළ උරුමය වැනි පක්ෂද කුණුවූ මළ සිරුරකින් මජර උරා බොන නිලමැස්සන් මෙන් ඒ අර්බුදයේදී ඔහුගෙන් උපරිම ප්‍රයෝජන ගනිමින් ඔහුගේ පැවැත්ම ශක්තිමත් කළේය. බොහෝ ජනමාධ්‍යවල හිමිකරුවන්ද එම අර්බුදය අවස්ථාවක් කරගනිමින් ඔවුන්ගේ නඩු හබ බේරා ගත්තේය. ඒ සියලුදෙනාගේ හැසිරීම එසේ නොවන්නට ලංකාවේ වර්තමානය මේ තරමට කාලකණ්ණි නොවන්නට ඉඩ තිබුණි.
ravaya -

Read more
Friday, January 11, 2019
කිලී මහරාජාගේ නිර්මාණ මංකොල්ලය - උපුල් ශාන්ත සන්නස්ගල

නිලේන්ද්‍ර දේශප්‍රියගේ උපන් දිනය දා මම මෙවැනි සටහනක් ලියා ඔහුගේ අත තැබීමි. 
‘චිත්‍රපටකරුවෙකු වෙලා මැරෙනවා ද? නිකම් ම නිකම් කවන්ධයක් වෙලා උඹ මැරෙනව ද?‘ 

මමත්, ලක්සිරි වික්‍රමගේත් නිලේන්ද්‍රට චිත්‍රපටකරුවෙකු වෙයන් යැයි කියා බොහෝ කාලයක සිට වද දුනිමු. චිත්‍රපට සියයක් පමණ සහය අධ්‍යක්ෂණය කළ මේ නිර්මාණශීලි මිනිසා චිත්‍රපට අධ්‍යක්ෂකවරයකු කිරීමේ සිහිනය ඔහුට වදයක් වන තරමට ම අපි වද දුනිමු. සිරස සුපර් ස්ටාර් පළමු අදියර අවසන් වූ දා රාත්‍රියේ අප පවුල් තුනක සාමාජිකයෝ පාන්දර ජාමයේ එක වහලක් යට හමු වී සිහින පිළිබඳ සාකච්ඡා කළෙමු. මගේ පවුලේ සාමාජිකයෝ ද ලක්සිරි වික්‍රමගේ ගේ නිවසේ සාමාජිකයෝ ද නන්දන වික්‍රමගේ ගේ නිවසේ දී එදා සිහින දැක දැක නිදි වැරූමු. කවදා හෝ චිත්‍රපටයක් අධ්‍යක්ෂණය කරන බව ලක්සිරි එදා පැවසී ය. රංගාභිෂේකය නමින් තවත් රියැලිටි ෂෝ එකක් ආරම්භ කරන බව නිලේන්ද්‍ර අපූරුවට එදා පැහැදිලි කළේ ය. පසුව සිරස කුමරිය නමින් අනාථ කොට විනාශ කරන ලද්දේ නිලේන්ද්‍රගේ එම සංකල්පයයි. රංගාභිෂේකය වෙනුවෙන් මමත්, අනෝජා වීරසිංහත්, ස්වර්ණා මල්ලවආරච්චිත්, පූර්ව ප්‍රචාරක පටවල පෙනී සිටියෙමු. රූපවාහිනී වැඩසටහනකින් චිත්‍රපටයක් කිරීමේ සංකල්පය නිලේන්ද්‍ර එදා පැහැදිලි කළ අතර සුපර් ස්ටාර් දෙවන වාරය අවසන් වූ සැණින් නිලේන්ද්‍ර එම චිත්‍රපටයේ වැඩ ආරම්භ කළේ ය.
මේ කාලයේ මම ද වාණිජ චිත්‍රපටයකට දායක වීමේ අලුත් ගැබ්බර වේදනාවකින් පෙළෙමින් සිටියෙමි. දිනක් හදිසියේ ම සුසාර දිනාල් කලබලයෙන් මට කතා කළේ ය.
‘උපුල් අයියේ, මට ඔයාව ඉක්මනින් හමුවෙන්න වෙලාවක් දෙන්න’ යැයි ඔහු කීය. මම නගර ශාලාව ආසන්නයේ සිටි නිසා 'ODEL එකට එන්න’ යැයි කීවෙමි. ODEL හි ෆුඩ් කෝට් එකේ පැත්තක වාඩි වූ මම ඔහු එන තෙක් බලා සිටීමි.
‘උපුල් අයියේ, මට ඩාන්සින් ස්ටාර් ගැන ෆිල්ම් ස්ක්‍රිප්ට් එකක් ලියලා ඕන. සිංදු හයක් ඕන. ඒ වෙනුවෙන් ඔයාට ලක්ෂ 10 ක් ගෙවනවා. මම ඉක්මනින් චිත්‍රපටය කරන්න ඕන’ යැයි සුසාර කීවේ ය. චිත්‍රපටය අධ්‍යක්ෂණය කරන්නේ නිලේන්ද්‍ර දේශප්‍රිය දැයි සුසාරගෙන් මම විමසීමි. මේ අවස්ථාවේ අප අසලින් යමින් සිටි මංජු ගුණවර්ධන තමාගේ ජංගම දුරකතනයෙන් අපගේ ඡායාරූපයක් ගත්තේ ය. මංජු ෆේස්බුක් ආවේ මාක් සකර්බර්ග්ටත් පෙර දී යැයි සිතෙන තරමට හේ තාක්ෂණයෙන් අප විස්මලන මිනිසෙකි. මගේ ප්‍රශ්නයට පිළිතුර ලෙස චිත්‍රපටය අධ්‍යක්ෂණය කරන්නේ මම යැයි සුසාර කීවේ ය. ‘උඹට පුළුවන් ද බං චිත්‍රපට කරන්න’ යැයි මා කී විට සුසාර කීවේ ‘නෑ නෑ අරුණ ඉන්නවනේ. අපේ අරුණ ජයවර්ධන. මිනිහා ෆිල්ම් කෝපරේෂන් එකේ කෝස් එකක් කරලා ඉන්නේ. සුමිත් ඉන්නවනේ කැමරා කරන්න. ඉතිං සිම්පල් නේ’ කියා ය. මම ඔහුට නිශ්චිත ව කිසිවක් නො කියා මේ යෝජනාව පිළිබඳ නිලේන්ද්‍ර දේශප්‍රියට කීවෙමි. තිරනාටකය ලියන ලෙසත් ඒ සඳහා ඔහුගේ අද්දැකීමෙන් අවශ්‍ය උදව්වක් ඇත්නම් එය ඉටු කරන බවත් නිලේන්ද්‍ර කීවේ ය. නිලේන්ද්‍ර සිරස හැර යන්නේ හෝ කිලී මහරාජා සිරසෙන් නිලේන්ද්‍ර හරවන්නේ මේ කාලයේ ය.
තිරනාටකයක් ලිවීමේ මගේ වසර පහළොවක පමණ ආධුනික උත්සාහයන් පිළිබඳ ව මම නාමල් ජයසිංහට කීවෙමි. එයට හේතුව මා පූර්වයෙන් ලියු තිරනාටක යැයි හැඟෙන කිසිවක් සාර්ථක නැතැයි මට සිතුණු නිසා ය. තිරනාටකයක් ලිවීමේ මගේ වත්මන් ගුරුවරයා වන්නේ ද නාමල් ජයසිංහ ය. නාමල්ගේ මේ මොහොතට මඳක් ඔබ්බෙන් ඇති මිනිස් ජීවිත සංවාදයට කැඳවන විශිෂ්ට තිරනාටක මා පිස්සු වට්ටවා තිබූ හෙයින් නිවැරදි ව තිරනාටකයක් ලියන’යුරු මම නාමල් ජයසිංහගෙන් ඉගෙන ගතිමි. රටේ බොහෝ දරුවන්ට සිංහල උගන්වා ඇති මට සිංහලෙන් තිරනාටකයක් ලියන අයුරු ඉගැන්වූයේ නාමල් ය.
පසු දින මැදියම් රාත්‍රියේ දී ඩාන්සින් ස්ටාර් තරු ලියක් ද රැගෙන සුසාර මත්තේගොඩ මගේ නිවසට ආවේ ය. ඔවුන් දෙදෙනා පසුපසින් අරුණ ජයවර්ධන ද ආවේ ය. 'මෙයා තමා ප්‍රධාන නිළිය. ඔයාට පෙන්නන්න එක්කන් ආවේ’ යැයි කියමින් සුසාර තරුණ කාන්තාවක් මට හඳුන්වා දුන්නේ ය. මා ඩාන්සින් ස්ටාර් වැඩසටහන අඛණ්ඩ ව නරඹා නො තිබුණු හෙයින් එහි වී.සී.ඩි පට කිහිපයක් ද ඔහු මා අත තැබුවේ ය. චිත්‍රපටයක් අධ්‍යක්ෂණය කිරීමේ බැරෑරුම්කම පිළිබඳව විවිධ කතන්දර එදින රාත්‍රියේ දී මම සුසාරට කීවෙමි. ඉන්පසු ව තිරනාටකය පිළිබඳ කොන්දේසි ඉදිරිපත් කළෙමි. තිරනාටකයක් යනු නිශ්චිත නිවසක් ගොඩනැඟීමේ සැලැස්මක් වන හෙයින් සැලැස්මට පිටින් පලංචි ගහන්නට, ඇණ ගහන්නට, බිත්ති වෙනස් කරන්නට, වහලවල් බාන්නට, පාට ගාන්නට, හැඩය වෙනස් කරන්නට බාස්ලාට ඉඩ දිය නො හැකි බවත් මම ඉතා කැපවීමෙන් මහන්සියෙන් නිර්මාණය කරන මේ තිරනාටකය විනාශ නො කර චිත්‍රපටය කිරීමට සුසාර එකඟ ද යන්නත් විමසීමි. චිත්‍රපටයේ කතා සාරය කියූ පසු ඔහු කීවේ ‘පිස්සු හැදෙනවා නියමයි’ යනුවෙනි. චිත්‍රපටයේ චරිත පිළිබඳව කෙටි හැඳින්වීමත්, සෙසු චරිතත්, කතා සාරාංශයත්, දර්ශන තල පිළිබඳ හැඳින්වීමත් මුලින් ලබා දිය හැකි බව ද මම කීවෙමි. එවිට චිත්‍රපටයේ පූර්ව නිෂ්පාදන කටයුතු ආරම්භ කළ හැකි බවට ද ඔහුව දැනුම්වත් කළෙමි. දෙසතියකට මා මැලේසියාවේ නිවාඩුවකට යන බවත් එම නිවාඩුව මෙම කාර්යය වෙනුවෙන් වැය කළ හැකි බවත් කීවෙමි. ජුනි මාසයේ දී මගේ පන්තිවල ඉගෙන ගන්නා වූ දරුවන්ට ද ඩාන්සින් ස්ටාර් රූපවාහිනී වැඩසටහන තේමා කරගෙන මම තිරනාටකයක් කරන බව ප්‍රසිද්ධියේ කීවෙමි. තිරනාටකයේ තේමාව පිළිබඳ දීර්ඝ ව සමන් වික්‍රමාරච්චි මහතාට ද කීවෙමි.
‘ඔය තේමාවට අදාළ නැතත් ඔය වගේ නන්නත්තාර පිරිසකගෙන් එන තරගකාරී ස්ත්‍රී චරිතයක් ගැන කියවෙන නිසාත් මිලියන් ඩොලර් බේබි චිත්‍රපටයත් බලන්න’
යැයි ඔහු උපදෙස් දුන්නේ ය. මම මේ පිළිබඳ ව නිර්මාණාත්මක චිත්‍රපට විචාරකයෙකු වන ප්‍රියන්ත ජයරත්නට ද කීවෙමි. ඔහු එම ආරංචිය මගේ පශ්චාත් උපාධි ගුරුවරයා වන පේරාදෙණිය විශ්වවිද්‍යාලයේ ඩෙස්මන්ඩ් මල්ලිකාරච්චි මහතාට සැල කොට තිබිණි. ඩෙස්මන්ඩ් මල්ලිකාරච්චි මහාචාර්යතුමා පවසා තිබුණේ
‘මහ ඇමතිකම ඉල්ලන්න ගියා වගේ ම මෝඩ වැඩක්’ යැයි කියා ය.
මම මගේ බිරිඳත් දරු දෙදෙනාත් සමඟ 2008 අගෝස්තු මුල් සතියේ මැලේසියාවේ සංචාරයකට ගියෙමි. මැලේකා නගරයේ ෆමෝසා හෝටල් සංකීර්ණයේ සතියකට වැඩි කාලයක් ගත කර ඉන්පසු මැලේසියාවේ ජෙන්ටින් හයිලන්ඩ්වලට පැමිණියෙමි. ෆමෝසා හෝටල් සංකීර්ණයේ දෛනික කාර්යයක් ලෙස සැම රාත්‍රී කාලයක ම Cowboy Town යනුවෙන් නම් කළ වෙනම ම බිම් තීරුවක අපූරු සංදර්ශනයක් පැවැත්වෙයි. සුසාර යෝජනා කළ චිත්‍රපට තේමාව පිළිබඳ පරිකල්පනයේ වද විඳිමින් සිටි මම මේ තිරනාටකය Cowboy Town යනුවෙන් නම් කළෙමි. මම සති කිහිපයක් ටියුෂන් පන්ති නිවාඩු දමමින් ද තිරරචනයේ වැඩකටයුතු සඳහා සහයට කීපදෙනකු යොදා ගනිමින් ද දිනපතා එය සුසාර දිනාල් වෙත ෆැක්ස් කළෙමි. මෙම තිරනාටකයේ A4 ප්‍රමාණයේ පිටු තුන් සියයකට වැඩි ප්‍රමාණයක් සහ ඉන් ඔබ්බේ නිර්මාණය විය යුතු ජවනිකා පිළිබඳ සාරාංශයක් ද දෙමසක් ඇතුළත සම්පූර්ණයෙන් ම සුසාරට ලබා දුනිමි. චිත්‍රපටයට සම්බන්ධ නළු නිළියන්ට ලැබුණු මගේ තිරනාටකය පිළිබඳ ඔවුහු බොහෝ ප්‍රශංසාවෙන් කතා කළෝ ය. මුහුරත් උළෙල පැවැත්වූයේ කිලී මහරාජාගේ ප්‍රධානත්වයෙන් බ්‍රේබෲක් පෙදෙසේ සිරස ප්‍රධාන කාර්යාලයේ දී ය. මුහුරත් උළෙල පැවැත්වූ දින ආධුනික නළු නිළියන් සමඟ රවීන්ද්‍ර රන්දෙනිය ද උළෙලට සහභාගී විය. තිරනාටකය පිළිබඳ තොරතුරු දැනගත් රවීන්ද්‍ර රන්දෙනිය එය අගය කරමින් කතා කළේ ය. මුහුරත් උළෙලට පැමිණි පිරිස ඇමතු සුසාර දිනාල් පැවසුයේ තිරනාටකයේ සියයට අනූවක් පමණ අවසන් කර ඇති බවත් ආන්දෝලනාත්මක චරිතයක් වූ සන්නස්ගල එය මැනවින් ඉටු කළ බවත් ය.
චිත්‍රපටයේ අවසාන දර්ශන තුනක් හැර සියල්ල පිටපත් කළ පසු මමත් සුසාර දිනාලුත් අරුණ ජයවර්ධනත් කැමරා ශිල්පී සුමිත් ප්‍රසන්නලාල් සමඟ ජයික් හිල්ටන් හෝටලේ පහත මාලයේ වට මේසයකට වී තිරනාටකය පිළිබඳ අවසන් සාකච්ඡාව ආරම්භ කරමින් සිටියෙමු. චිත්‍රපටයේ අවසාන ජවනිකා තුනෙහි තිරපිටපත ලැබෙන්නේ කවදා දැයි සුසාර විමසීය. පසු දින සවස් වන විට එය ලබා දෙන බවත් එවිට තිරනාටකය සම්පූර්ණ බවත් මම කීවෙමි. සුසාරත් මමත් මුහුණට මුහුණ ලා කරන සාකච්ඡාවට මුහුණ දිය නො හැකි බැවින් දෝ අරුණ සහ සුමිත් මහත් අපහසුවකින් වෙනතක් බලාගෙන හෝටලයේ සිරි විසිරි නරඹමින් වෙනත් විෂයක්, වෙනත් මාතෘකාවක් සමඟ අසීරු ව්‍යාජ සම්බන්ධයක පැටලී සිටිනු දුටිමි. සැර මත්පැන් පානයක් සඳහා සුසාර කළ යෝජනාව මම තැන්ක් යූ කියා ප්‍රතික්ෂේප කළෙමි. රාත්‍රිය නිදි වරාගෙන තිරනාටකයේ ඉතිරි කොටස සම්පූර්ණ කිරීමට සැර මත්පැන් මත බාධාවකැයි ද කීවෙමි.
“උපුල් අයියේ, අපි හෙට උදේ ෂූටින් පටන් ගන්නවා. ලොක්කා කිව්වා වැඩේ ඇදෙනවා ඉක්මන් කරන්න කියලා”
යැයි සුසාර යටහත් පහත් ලෙස සහ ලොක්කාගේ අදහසක් ඉදිරිපත් කරන විධායක ස්වරයෙන් කිවේ ය. ලොක්කා යනු කිලී මහරාජා ය.
“ස්ක්‍රිප්ට් එකවත් ඉවර කරන්නේ නැතුව කොහොමද ෂූටින් පටන් ගන්නේ”
සුසාර හැරෙන අත නො දැන මම පිළිවිසිමි.
“ඔයාගේ ස්ක්‍රිප්ට් එක නියමයි. හැබැයි ඒකෙ සමහර සීන්ස් අපි අයින් කළා. ඔයාගේ එකට පැරලල් ස්ක්‍රිප්ට් එකක් අපිත් දිගට ම ලියාගෙන ගියා”
යනුවෙන් ඇඟට පතට නො දැනී කියමින් ම සුසාර මත්පැන් වීදුරු කීපයක් ළඟ ළඟ ම කටේ හලා ගත්තේ ය. සුසාරගේ අම්මා ද අප්පා ද බිරිඳ ද සොර අඹුවන් ද නෑදෑයන් ද හත්මුතු පරම්පරාව ද පාවා දෙමින් අමු තිත්ත කුණුහරුපයෙන් මම සුසාරට බැන වැදීමි. හද්දා පිටිසර ගමේ මෝඩ චණ්ඩියෙකු මෙන් ජයික් හිල්ටනයේ පහත මාලය දෙදුරුම් කන්නට කෑගැසීමි .
“අනුන්ගේ ගෑනු එක්ක බුදිය ගත්තම යකෝ මිනිස්සුන්ට සිෆිලිස් වගේ සමාජ රෝග හැදෙනවා කියලා උඹ දන්නවා. ඒ වගේ දැනගනින් අනුන්ගේ නිර්මාණ මංකොල්ල කන්න එපා. මගේ බුද්ධිමය ශ්‍රමය මංකොල්ල කෑවට තොගේ අම්මට... ... .”
යනුවෙන් ජාතක අවජාතක නො හික්මුණු අශිෂ්ට කතා කියමින් මම කෑගසන්නට වීමි. මේ ලියන මොහොතේ මගේ හැසිරීම ගැන මටම ලජ්ජා සහගත ය. සිවිලයිස් වී නැති කපටි තක්කඩියෙක් ඉදිරියේ සංයමයේ ශිෂ්ටකම පෙන්වීමට සන්න්සගලගේ ජීවිතය ඇතුළේ හුස්ම ගන්නා ගෝනමඩිත්තේ පොඩි එකා ඉඩ දුන්නේ නැත.
“උපුල් අයියා ඉවසන්නකෝ“
යනාදී වූ අර්ධ මනුෂ්‍ය කටහඬකින් සුසාර මගේ ආවේගය නිවන්නට උත්සාහ කළේ ය. අරුණ ජයවර්ධනත් සුමිත් ප්‍රසන්නලාලුත් ඒ මොහොතේ එක් වචනයකුදු කතා කළේ නැත. මිත්‍රවරුනි; මේ මොහොත ඔවුන් දෙදෙනා කතා කළ යුතු යැයි සිතමි.
එතැන් පටන් මාස ගණනක් යන තෙක් මා රැවටුණු බව මා ඇන්දුනු බව සහ සිනමාවට ඇති මගේ අප්‍රමාණ ආශාව හැම විට ම කලකිරීමකින් අවසන් වීම පිළිබඳව පශ්චාත්තාප වෙමින් පසු වීමි. ඔවුහු සිහින සැබෑ කරගත්තෝ ය. මිනිසා හැම විට ම අමාරුවේ වැටෙන්නේ තමන් වඩාත් ආශා කරන දෙයට පමණට වඩා ලොල් වීම හේතුවෙනි.
සිනමාවට සම්බන්ධ ව රඟපෑමේ, චිත්‍රපට නිෂ්පාදනය කිරීමේ ලස්සන සිහින සුන්නද්දූලි වූ කාලයක මගේ ආශාව දඩමීමා කරගෙන මගේ කාලයත් ශ්‍රමයත් ධනයත් මහ දවල් ප්‍රසිද්ධියේ මංකොල්ල කෑ ‘ඩේ ලයිට් රොබරියේ’ ප්‍රධාන චූදිතයා වූ සුසාරට විලාප තබමින් හඬමින් කෑගසමින් මම නිරන්තරව සාප කරන්නට වීමි. අවසානයේ දී සුසාර මට තර්ජනය කළේය.
“අපේ මීඩියා එකෙන් විමල් වීරවංශටත් මර්වින් සිල්වාටත් ගහපු ගැහිල්ල ඔයා දන්නවා නම් මීට පස්සේ මට විරුද්ධව කට අරින එකක් නෑ“ සුසාර කීවේ ය.
මම සිරසේ වැඩ කරන මිතුරන් යැයි විශ්වාස කරන එස්. එම් මරික්කාර්ටත්, චන්දන සූරියබණ්ඩාරටත්, සුසිල් කිඳෙල්පිටියටත් තවත් බොහෝ දෙනාටත් සුසාරගේ තර්ජනය පිළිබඳ ව රිපෝර්ට් කළෙමි. කිසිවෙකු තව ම කිසිවක් ඩිසයිඩ් කළේ නැත.
ඉනික්බිති ව සුසාර මට කතා කළේ මගේ හෘද සැත්කමෙන් දෙසතියකට පසුව ය. සුසාරගේ කටහඬ ඇසුණු සැනින් මගේ පපුවට දමා තිබූ මැහුම් ගැලවෙන්නට තරම් වේදනාකාරී කෝපයකින් මම නැවතත් බැන වැදුනෙමි.
“උපුල් අයියේ ඔයා කතා කරන්නේ මං ගැන වෛරයකින්“
සුසාරගේ නිවුණු කපටි කටහඬ ය.
“පකයෝ වෛරය දැනෙන්නේ බඩු අයිතිකාරයට. හොරකං කරපු වේසිගේ පුතාට කොහොමද වෛරය දැනෙන්නේ" මම කෑගැසීමි. මම නැවතත් පරණ ගොන්කම කළෙමි. අතීතයේ මා සමග පසමිතුරු වූ බොහෝ දෙනා නැවතත් මගේ ඇසුර ප්‍රිය කොට මා වෙත එති. මම අසිහියෙන් නැවතත් ප්‍රතිප්‍රහාරයේ ම කුණුරස විඳිමි. පසමිතුරෝ බෝ වෙති.
රත්මලානේ ස්ටයින් මැදිරියේ පැවති වික්ටර් රත්නායකගේ ප්‍රසංගයක අමුත්තකු ලෙස සහභාගී වන්නැයි මරික්කාර් මට ආරාධනා කළේ ය. මමත් මගේ බිරිඳත් ප්‍රසංගය නැරඹීමට ගියෙමු. ප්‍රසංගය අවසන කාර් පාක් එකට එද්දී සුසාර මැදිවිය ඉක්මවූ මාතාවක් සමග රථගාල පැත්තට එමින් සිටියේ ය. මඟ හරස් කළ මම,
“කාගේ හරි ස්ක්‍රිප්ට් එකක් හොරකම් කරලා ආයේ ෆිල්ම් එකක් කරන්නේ නැද්ද සුසාර..” යැයි විමසීමි.
“උපුල් අයියා මේ මගේ අම්මා.... එයා ඉස්සරහා..”
යැයි සුසාර කී සැණින් නැවත නැවතත් පළිගැනීමේ මගේ කුරිරු සිත තන්වැසි නො තකා බුරන්නට විය.
“තොගේ අම්මත් දැනගන්න ඕනි තෝ පට්ට හොරෙක් කියලා”
යැයි මා කියත් ම අම්මාගේ අතින් ඇදගෙන සුසාර සෙනග අතර නො පෙනී ගියේය.
දෙදහස් නවයේ ජනවාරි මාසයේ අරුණ ජයවර්ධන මට කතා කළේය.
“උපුල් අයියා අපේ ෆිල්ම් එකේ ඉන්විටේෂන් එක දෙන්න මම ඔයාලගේ ගෙදර එන්නද? ඔයා මගෙත් එක්ක තරහා නෑ නේද” යනුවෙන් මෘදු හඬින් විමසීය.
“මම උඹත් එක්ක නෙවෙයි මේ මංකොල්ලෙට සම්බන්ධ වෙච්ච හැම එකා එක්කම තරහයි. අපේ ගෙදර හතර මායිමට එන්න එපා” යනුවෙන් කීවෙමි. ඉනික්බිති කාලයේ අරුණ ජයවර්ධන සිරස හැර ගියේ ය. නිකිණි වැස්ස නමින් විශිෂ්ට චිත්‍රපටයක් කළේ ය. අරුණ නිර්මාණාත්මක මිනිසෙකි. මගේ තිර පිටපතෙන් කළ ඩාන්සින් ස්ටාර් චිත්‍රපටයේ අධ්‍යක්ෂවරයා ලෙස සුසාරගේ නම සඳහන් වීම ද අරුණ ජයවර්ධනගේ නිර්මාණාත්මක අධ්‍යක්ෂණය මංකොල්ලකෑමකි. සුසාර සිරසේ ගිනිපන්දම් ගෙන රටක් ජාතියක් ගිනි තියන හනුමන්තෙකි. අරුණ නිර්මාණාත්මක මිනිසෙකි. කතා කරන්නට රිසි මොහොත මෙය නම් අරුණට දැන් ඇත්ත කතා කළ හැකි ය.
තිරනාටකය ලියා අවසන් කිරීමෙන් පසු සුසාර සහ සිරස මා සාහසික ලෙස මඟ හැරියේ ය. සිරස කළ වරද වරදක් නො වන්නේ යැයි මා යටහත් වූවා නම් අදත් සුසාරත් සිරසත් මහරාජාත් සිරස දායක සභාවත් මා වෙනුවෙන් ය. එදා මා කළ ප්‍රකාශ ද සයිබර් අවකාශයේ මේ ලියන දෑ ද සිරසේ කුප්‍රකට මාධ්‍ය ප්‍රහාරයකට හෝ මාරාන්තික උගුලකට හසු වීමට ලෙන් දොර විවර කිරීමක් බව මම දනිමි. මා මේ ලියන්නේ සිනමාකරුවෙකු වීමේ සිහිනයේ වේදනාකාරී පසුවදන් ය. තවමත් මම හුස්ම ගන්නා නිසා ඊළඟ වෘත්තයේ දී අප නැවත සම්මුඛ විය හැකි ය. අනාගත සිහින දකින්නන් වෙනුවෙන් මම තවදුරටත් ලියමි. රටක ශිෂ්ට මිනිසුන්ගේ සිහින මරා දමන්නවුන්ට එරෙහි ව කරන අරගලයක දී අප හුදකලාව මිය යා හැකි ය. පොළොවට පස් වන මෘත දේහ කබොක් වී කළුගල් වී මැණික් බවට පත් වී දිලිසෙන හෙට දිනක් පිළිබඳ සිහිනය ම මේ ලිවීමට සපයන ශක්තිය පමණවත් ය.

උපුල් ශාන්ත සන්නස්ගල

කිලී මහරාජාගේ ධනපති නොහික්මුණු මාධ්‍ය පාතාලය  - උපුල් ශාන්ත සන්නස්ගල
Read more
Thursday, January 10, 2019
කිලී මහරාජාගේ ධනපති නොහික්මුණු මාධ්‍ය පාතාලය  - උපුල් ශාන්ත සන්නස්ගල

උපුල් ශාන්ත සන්නස්ගල   -  සුසාර දිනාල් මගේ කව්බෝයි ටවුන් තිර පිටපත වංචනික ව මංකොල්ල කාපු හැටි මං කිලී මහරාජට මුණට ම කිව්වා. තැන නිලේන්ද්‍ර දේශප්‍රියගේ ලොකු දුවගේ මගුල් ගෙදර. මහරාජට මාව හඳුන්වා දුන්නේ මීෂා ගුණවර්ධනගේ අයියා මංජු ගුණවර්ධන. එදාට පහුවදා ඉඳන් සිරස මට තහනම් කලාපයක් වුණා. සිරසේ සුසාරගේ බලය අඩු වෙලා වෙන කෙනෙක් සුසාරගේ පුටුවට ආපු අවස්ථා දෙක තුනකදී ඔවුන් මාව නැවත කැඳෙව්වා. හැබැයි කිලී මහරාජාගේ අවසරය ඇතිව. දෙදාස් පහළවේ පාර්ලිමේන්තු මැතිවරණයේ දී සිරසෙන් සන්නස්ගලට උදව් නැතැයි යන පණිවිඩය මා ඔවුන්ගෙන් උදව් ඉල්ලු සැණින් මට ලැබුණා. එසැණින් මම එස්. එම්. මරික්කාර්ට කතා කළා.

“ මම ලොක්කට කතා කරන්නම්. ඇපොයිමන්ට් එකක් දාලා දෙන්නම්. මං එයාට කියන්නම්. අපි දෙන්නම ගිහින් හම්බ වෙමු “
මරික්කාර් උදව් කරන්න ට කැමති වුණා. මරික්කාර් ලොක්කා කියලා කිව්වේ කිලී මහරාජට. මා මහරාජ ව හමු වුයේ නැහැ. සිරසෙන් මට ප්‍රදානය කරන ප්‍රචාරණමය උදව්ව භූමරංගයක් වී මා සිරසේ රූකඩයක් වෙතැයි මම බිය වුණා. කිලී මහරාජට උවමනා තමන්ගේ පුතාට මචං කියන්න පුළුවන් ජනාධිපති කෙනෙක් මේ රටේ නිර්මාණය කරන්න. ඒ සඳහා සිරස ගැත්තන් පාර්ලිමේන්තුවට, පළාත් සභාවට, පළාත් ආණ්ඩුකාර පදවිවලට පත් කරන්න. ඇමතිකම්, ජාතික ලැයිස්තුවේ මන්ත්‍රීකම් රාජ්‍ය නායකයාගෙන් ඉල්ලන්න තරම් ඔවුන් නිර්ලජ්ජිතයි.
කිලී මහරාජාගේ ධනපති නොහික්මුණු මාධ්‍ය පාතාලය රනිල් ව දණ ගස්සන්න හැදුවේ මෙහෙම.
“ උදව් ඕනි නම් රනිල්ට මාව හම්බ වෙන්න එන්න කියන්න “
සිරසේ ලොක්කගේ චන්ඩි පණිවිඩය ඒක. උද්දච්ච රනිල් මහරාජාගේ දෙපා මුලට යන්නේ නෑ. සිරස රනිල්ට ගහන ඇත්ත ප්‍රශ්නය ඒක. කිලී මහරාජගේ තියා බුදු හාමුදුරුවන්ගේ පන්සලටවත් රනිල් එන්න කිව්වට ගියේ නෑ.පන්සල් නොගිය ඉතිහාසයක් තියෙන රනිල් ප්‍රදර්ශන පෙරහැරේ පන්සල් යනවා දැක්කම කිලී මහරාජා ලඟටත් හෙට දවසේ යයිද කියලා මට ෂුවර් එකක් නෑ.
අද සිරස ඉස්සරහට ගිහිල්ලා සංයමයෙන් විරෝධය දක්වපු විරෝධතා කරුවන්ට එරෙහි ව හාම්පුතාගේ පැත්තේ ඉඳන් බුරන හැම එකෙක් ම එක්කෝ කිලී මහරාජට බය එකෙක්. එහෙම නැත්නම් රස්සාවට පුක දෙන එකෙක්. මිනිස්සුන්ට පිහිටන ඍජු කශේරුකාවේ මුදුනේ සිරසක් නැති එකෙක්.
අද ප්‍රොටෙස්ට් එකේ අභ්‍යන්තර අවුල් තියෙන්න පුළුවන්. මටත් ඒ ගැන විවේචනයක් තියෙනවා. හැබැයි ඒ මිත්‍රවරු මාධ්‍ය මාෆියාවකින් තමන්ගේ ජිවිතයට එල්ල වෙන්න පුළුවන් අනතුර දැන දැන ම ඒ අරන් ගිය ශිෂ්ට පණිවිඩය මාර ඇත්ත එකක්. ලංකාවේ මේන්ස්ට්‍රීම් එකේ රේඩියෝ, පත්තර, ටෙලිවිෂන් අප්පිරියා තැනකට වැටිලා තියෙන වෙලාවේ අද ප්‍රොටෙස්ට් එකට ගිය කණ්ඩායම අපි වගේ හුදෙකලා මිනිස්සුත් අරගලයට කැඳවනවා. නිදාගෙන ඉන්න උනුත් කූද්දනවා.
අපේ මිත්‍රයා නිමල් ලක්ෂපතිආරච්චි කිසි ම දවසක ශාලිත අබේවික්‍රමගේ සිංදු චැනල් එකේ ගැහුවේ නෑ. ශාලිත තනියම අරගල කළා. එක කලාකාරයෙක් හිටියේ නෑ. විමල් වීරවංශ එක්ක පෞද්ගලික කෝන්තරයකට කුල, මල, ජාති, ගෝත්‍ර ඇදලා අසික්කිත විදියට මඩ ගැහුවා. සිරසේ ත්‍රිකෝණය පුකේ ගහගෙන දේශපාලකයෝ කට වහගෙන හිටියා. විමල් වීරවංශට කරපු වැඩේ උඹටත් කරනවා කියලා සුසාර මට තර්ජනය කළා.
ඉතිහාසයේ තනියෙන් අරගල කරලා මාධ්‍යයෙන් අසරණ වෙච්ච හැම එකෙක් ම සිරසෙන් එළියට වැටුණා. සිරසේ හිටපු නිර්මාණශීලි කොල්ලෝ කෙල්ලෝ ඇදලා එළියට වීසි කළා. මේ කිසිකෙනෙක් බාර ගන්න, අරගල කරන්න, වැටෙද්දී අල්ලගන්න සිවිල් සමාජයේ මිනිස් තොටිල්ලක් හැදිලා තිබුණේ නෑ. දැන් මිනිස් තොටිල්ල හැදිලා. ඔවුන් අනාගත අනතුරක් අබිමුවේ ශක්තිමත් ව ඉන්න ලේ මස් ඇට නහර සහිත කොල්ලෝ කෙල්ලන්ගෙ මිනිස් පවුරක්. මිනිස් බලය ශක්තිමත් කරන ඔවුන්ගේ හැම කේශනාලිකවකට ම අපි ආදරෙයි.
නම් ගම් එක්ක, සිද්ධිත් එක්ක සියලු මාධ්‍යය ඇසුරේ මගේ අත්දැකීම් හෙට ඉඳන් මුහුණු පොතේ දිනපතා එකින් එක ලියනවා. ශ්‍රී ලංකා කොදෙව්වේ සියලු මාධ්‍යයන් නිර්දය ව විවේචනය කරන්නට වඩාත් ම සුදුසු අවකාශය මේ මොහොතේ මම තෝරා ගන්නවා.

කිලී මහරාජාගේ නිර්මාණ මංකොල්ලය - උපුල් ශාන්ත සන්නස්ගල

Read more

Popular Posts

Popular Posts